Արցախի եւ Հայաստանի վրայ կատարուած թուրք-ազրպէյճանական վայրագ յարձակումներու միջազգային հանրութեան կոչերուն կողքին, Լեհաստանի պետութեան ուղղուած մարդասիրական օգնութիւն տրամադրելու լեհահայ միութիւններու, հոգեւորականներու եւ անհատներու կոչին միացան յոյներ եւ պուլկարացիներ։ Լեհաստանի Հանրապետութեան իշխանութիւններուն ուղղուած կոչի հեղինակները անյապաղ կը խնդրեն վճռական միջոցներ ձեռնարկելու եւ օգնելու Արցախի հայութեան: Հոկտեմբերի վերջին օրերուն յղուած կոչի հեղինակները, որպէս Լեհաստանի քաղաքացիներ, իրենց կոչը ուղղած են Լեհաստանի Հանրապետութեան Նախագահին՝ Անտժեյ Տուտային, վարչապետ՝ Մաթեուշ Մորավիեցքիին, արտաքին գործերու նախարար՝ Զբիկնեւ Ռաուին և Լեհաստանի Հանրապետութեան Սեյմի նախագահ` Էլժպիէթա Վիթեքին, Լեհաստանի Հանրապետութեան Սենատի նախագահ՝ Թոմաշ Կրոցքիին։
Կոչը լեհական իշխանութիւններէն կը խնդրէ անյապաղ միջոցներ ձեռնարկել մարդասիրական օգնութիւններ ապահովելու արցախահայութեան դէմ 27 սեպտեմբերէն ի վեր իրականացուող յարձակումները, ռազմական գործողութիւնները կասեցնելու եւ արցախահայութեան զոհերու եւ մասնաւորապէս մարդասիրական օգնութիւն ապահովելու համար օգտագործելու հնարաւոր բոլոր պետական միջոցները։
Կոչը կը պարունակէ նաեւ վերոյիշեալ բոլոր կողմերէն միջազգային հարթակներու վրայ մարդասիրական օգնութիւն ապահովելու հրատապ այս հարցը բարձրաձայնելու, միջազգային արագ գործողութիւններ ձեռնարկելու խնդրանքը, կոչ ուղղելով նաեւ Արցախի խաղաղ բնակչութեան հայ կեանքեր խնայելու եւ պաշտպանելու անյետաձգելի հրամայականը, խնայելու եւ կանխարգիլելու համար Թուրքիոյ եւ Ազրպէճանի կողմէ նախատեսուած հայասպանութեան եւ հաւանական ցեղասպանութենէն։
Կոչը լեհական պետութեան կը յիշեցնէ նաեւ, որ Լեհաստան բարոյական պարտաւորութիւնը մը ունի, մանաւանդ որ Լեհական խորհրդարանը 19 ապրիլ 2005 թուին ճանչցած է հայոց ցեղասպանութիւնը։ Կոչին հեղինակները շեշտադրած են, որ չեն փափաքիր որ պատմութիւնը ինքզինք կրկնէ, այսօր ռազմական պայմաններուն տակ արցախահայութիւնը եւ Արցախը ընդհանրապէս չունին միջազգային ընտանիքին կողմէ անվտանգութեան երաշխիքներ, ներառեալ մարդկային կեանքի հիմնական իրաւունքը, ուստի հայ ժողովուրդի սպառնացող ցեղասպանութեան վտանգը մեծ հաւանականութիւն ունի երբեւիցէ գան այսօր ։
