Վահէ Էօզանեան (լատինատառ՝ Vahe Özanyan) աւելի ծանօթ որպէս Վահի Էօզ (լատինատառ՝ Vahi Öz) (3 Նոյեմբեր 1911, Իսթանպուլ, Օսմանեան Կայսրութիւն — 12 Փետրուար 1969, Իսթանպուլՙ Թուրքիա) թրքահայ մեծահամբաւ դերասան Թիւրքիոյ մէջ:
Ուսանած է Սամսունի բարձրագոյն վարժարանը։ Բեմ կը բարձրանայ Սամսունի մէջ 1928 թուականին պատանեկան թատրոնով ապա գործերով Halkevi մշակութային կեդրոններու մէջ։ Փոխադրուելով Իսթանպուլ կը գործէ տեղւոյն քաղաքային թատրոնին մէջ: Նաեւ կը ծառայէ է Անգարայի ռատիոկայանի դերասանական մասնաճիւղին մէջ 1938-էն 1945 թուականներուն: 1947-ին կը խաղայ իր առաջին շարժապատկերին մէջ՝ Bir Dağ Masalı անունով (Լեռան մը Պատմութիւնը): 1960-ական թուականներուն յայտնի դարձաւ Հորոզ Նուրի (թրքերէն՝ Horoz Nuri) դերով: Իր այս անուն դերին մէջ իրեն կ՜ընկերակցէր Mualla Sürer-ը Bedia դերով եւ այս զոյգը մեծ ժողովրդականութիւն շահած էր երկուստէք դերով։
Բացի դերասանութենէն, ան աշխատած է նաեւ որպէս բեմադրիչ (ռեժիսոր): Իր բեմադրած շարժապատկերներէն են Kan Kardesler (1952), Haci Baba (1965) and Saka ile Karisik (1965): 1968-ին հիմնած է իր անունով թատերական խումբ: Ան մահացաւ քաղցկեղէն եւ թաղուեցաւ Շիշլի Իսթանպուլի Ֆէրիքէօյ գերեզմանատան մէջ։
