Ուրբաթ, 29 Մարտի, 2024
- Գովազդ -spot_img

Հայրենիքը Վտանգուած Է, Պատգամաւորնե՛ր, Առաջնորդուէք Ձեր Խղճով եւ Համոզմունքներով

- Գովազդ -spot_img
spot_img

ԽՄԲԱԳՐԻ ԸՆՏՐԱՆԻ

 

Ապրում ենք Հայ  ժողովրդի, Հայոց պետականութեան, Արցախի համար ամենատրամաթիկ եւ ամենացաւալի օրերը։

   Սգում   եւ կիսում եմ  բոլոր որդեկորոյս մայրերի եւ այրիացած կանանց  ցաւը։

Այս օրերին ժողովուրդը միակամ մերժում է գաղտնութեամբ, յանիրաւի ստորագրուած յայտարարութիւնը։

Կը փորձեմ խօսել որոշ իրաւական խնդիրների մասին։

  Փաստաթղթի անուանումն է ‹‹Յայտարարութիւն››։  ‹‹Յայտարարութիւն››  հասկացութիւնն  ընդամէնը հրչակագրային բնոյթ է կրում, չունի իրաւական ուժ եւ չի կարող գործել։ Սակայն, եթէ  հիմք է ընդունուել  ‹‹Միջազգային պայմանագրերի մասին›› ՀՀ օրէնքը /այսուհետ՝ Օրէնք/, ապա  օրէնքի յօդուած 2-ի 1-ին կէտը սահմանում է , որ

‹‹1) միջազգային պայմանագիր` Հայաստանի Հանրապետութեան եւ պայմանաւորուող միւս կողմի (կողմերի) միջեւ մէկ փաստաթղթի կամ փոխկապակցուած եւ միմեանցից անբաժանելի մէկից աւելի փաստաթղթերի տեսքով գրաւոր ձեւակերպուած եւ միջազգային հանրային իրաւունքով կարգաւորուող համաձայնութիւն` անկախ դրա անուանումից››։

Հետեւաբար, ես նոյնպէս ընդունում եմ, որ փաստաթղթի անուանումը կարեւոր չէ եւ անկախ անուանումից՝ այն միջազգային պայմանագիր է, քանի որ ունի երեք կողմ։

 Ըստ Օրէնքի՝ միջազգային պայմանագրի նախագիծը   պէտք է․

1․ անցնի ներպետական համաձայնեցման, փոխհամաձայնեցման եւ ստորագրման գործընթաց /հ․2, կէտ 5/։

2․ Այդ գործընթացի մասնակիցներն են  ՀՀ արտաքին գործերի, ՀՀ արդարադատութեան եւ ՀՀ ֆինանսների նախարարութիւնները, ռազմական խնդիրների դէպքում նաեւ պաշտպանութեան նախարարութիւնը, որոնք անպայման տալիս են եզրակացութիւն եւ դրանք ամրագրւում են  փաստաթղթին։

3․ Պայմանագիրն անպայման պէտք է վաւերացուի  Ազգային ժողովի կողմից, որպէսզի   այն որպէս   միջազգային պայմանագիր՝  Հայաստանի Հանրապետութիւնում պարտադիր ուժ ունենայ։/հ․ 2, կէտ 10/։

4 Ռազմական բնոյթի միջազգային պայմանագիրն ունի իր սահմանումը, ըստ որի  ռազմական համագործակցութեան, խաղաղութեան (հաշտութեան), հաւաքական անվտանգութեան, զինաթափման, սպառազինութիւնների նկատմամբ հսկողութեան հարցեր կարգաւորող, ռազմաքաղաքական դաշինքներին անդամակցութիւն, ռազմական մատակարարումներ, օտարերկրեայ պետութիւններում Հայաստանի Հանրապետութեան զինուած ուժերի եւ Հայաստանի Հանրապետութեան տարածքում օտարերկրեայ զինուած ուժերի տեղակայում նախատեսող միջազգային պայմանագիր է, որը անպայման պէտք է վաւերացուի  /հ․ 2, կէտ 18/։

4․ Միջազգային պայմանագրի նախագծի փոխհամաձայնեցման ընթացքում հայկական կողմի եւ պայմանաւորուող միւս կողմի (կողմերի) միջեւ յարաբերութիւններն իրականացւում են Հայաստանի Հանրապետութեան արտաքին գործերի նախարարութեան միջոցով եւ համակարգմամբ /հ․6, կէտ 1/։ Արդեօ՞ք մեր նախարարութիւնը դրանից տեղեակ է։

5․ Կառավարութիւնը միջազգային պայմանագիրը վաւերացնելու մասին օրէնքի նախագիծը կամ միջազգային պայմանագրի հաստատման մասին Հանրապետութեան նախագահի հրամանագրի նախագիծը Հայաստանի Հանրապետութեան Ազգային ժողովի վաւերացմանը է ներկայացնում օրէնքով սահմանուած կարգով / հ․12, 2,3 կէտեր/։

Այսինքն, Կառավարութիւնը, Սահմանադրութեան  169-րդ յօդուածի 3-րդ մասի համաձայն, դիմում է Սահմանադրական դատարան` միջազգային պայմանագրում ամրագրուած պարտաւորութիւնների` Սահմանադրութեանը համապատասխանութիւնը որոշելու նպատակով:

Որպէսզի տարբեր մեկնաբանութիւնների առիթ չտայ, ցանկանում եմ ընդգծել, որ

Ազգային Ժողովը պարտաւոր է ՀՀ Սահմանադրութեան 116 յօդուածի համաձայն՝

Կառավարութեան առաջարկութեամբ վաւերացնել  այն միջազգային պայմանագրերը`

1) որոնք վերաբերում են մարդու եւ քաղաքացու հիմնական իրաւունքներին եւ ազատութիւններին, ինչպէս նաեւ պարտականութիւններին.

2) որոնք ունեն քաղաքական կամ ռազմական բնույթ․․․։

Կարծում են, մեկնաբանութիւնն աւելորդ է։

ՀՀ Ազգային ժողովը պարտաւոր է ԱԺ պատգամաւորների ձայների մեծամասնութեամբ հաստատել կամ մերժել միջազգային փաստաթղթի նախագիծը։  Այսօր օրակարգում է, որպէսզի պահանջել Ազգային Ժողովի պատգամաւորներից քննարկել հրապարակի վրայ եղած փաստաթուղթը։

Այնպէս որ, հերթը ձերն է, յարգարժա՛ն պատգամաւորներ, դուք պարտաւոր էք հաւաքուել եւ քննարկել ‹‹Յայտարարութեան››՝ որպէս միջազգային պայմանագրի վաւերացնելու կամ  չեղեալ յայտարարելու մասին հարցը։ Ի դէպ ձեզ է վերապահուած դրա մէջ փոփոխութիւններ, լրացումներ  կատարելու իրաւասութիւնը։ 

Եւ վերջապէս, համաձայն Օրէնքի 17-րդ յօդուածի՝ ‹‹Հայաստանի Հանրապետութեան միջազգային պայմանագիրն ուժի մէջ է մտնում եւ կիրառւում Օրէնքով սահմանուած վաւերացման կամ հաստատման ընթացակարգերի աւարտից հետո` այդ պայմանագրով նախատեսուած կարգով եւ պահից››:

 Յաւելեմ նաեւ, որ պայմանագիրը կարող է գործել միայն նրա հրապարակումից հետո․/հ․ 23-ի 1-ին մաս/։

Միւս կողմից, քանի որ մենք կառուցում ենք իրաւական, ժողովրդավարական պետութիւն, մեր սուրբ  պարտականութիւնն է  կատարել, պահպանել եւ չխախտել Սահմանադրութիւնը։ Այդ դէպքում խնդրում եմ կարդալ ՀՀ Սահմանադրութեան 118-րդ յօդուածը, որում ամրագրուած է

‹‹1. Ազգային ժողովը, Կառավարութեան առաջարկութեամբ, պատգամաւորների ընդհանուր թուի ձայների մեծամասնութեամբ կարող է ընդունել պատերազմ յայտարարելու կամ խաղաղութիւն հաստատելու մասին որոշում››:

Չմոռանանք Սահմանադրութեան մէկ այլ յօդուած եւս՝ 205-րդ յօդուածը, որի 1-ին մասի համաձայն՝

‹‹Հայաստանի Հանրապետութեան տարածքի փոփոխութեանը վերաբերող հարցերը լուծւում են հանրաքուէների միջոցով››:

Չեմ կարող չանդրադառնալ եւս մի խոտորնակ իրողության․ ինչպէ՞ս է պատահել, որ յայտարարութեան ռուսերէն տարբերակի եւ հայերէն տարբերակի միջեւ կայ համապատասխանութիւն՝ ի վնաս մեզ։

Եթէ դա անուշադրութեան ու թափթփուածութեան արդիւնք է, ուրեմն ՀՀ արդարադատութեան եւ արտաքին գործերի նախարարութիւնների համապատասխան պաշտօնեաները պէտք է պատասխան տան։ /հ․ 9-ի 6-րդ մաս/։

Այսպիսով, որպէս ժողովրդի ներկայացուցիչներ՝ խնդրում ենք կատարել ձեր ուղղակի սահմանադրական պարտաւորութիւնը եւ  ՀՀ Սահմանադրութեան 94-րդ յօդուածի համաձայն առաջնորդուէք ձեր խղճով եւ համոզմունքներով։

Սպասենք եւ յուսանք, ժամանակը մեր օգտին չի աշխատում։

ՀՐԱՆՈՒՇ  ՅԱԿՈԲԵԱՆ

Secure Your Child’s Place at
DREAM BRIDGEMAN ACADEMY

Dream Bridgeman Academy is an international school in Yerevan deploying the Oxford International Curriculum under the supervision and evaluation of Oxford University Press.
It caters for children between the ages of 1.5 yrs to 6 yrs.
Book your tour and secure your place now.
Phone: +374 93 703005
www.bridgeman.am

spot_img
- Գովազդ -spot_img
- Գովազդ -spot_img
- Գովազդ -spot_img

Ara D. Kassabian CPA, based in Glendale, California, provides a full range of tax preparation, accounting and bookkeeping services, either in your facility or at our location. Making it quick and easy to file your taxes.

spot_img

Զօրակցիր Զարթօնք Օրաթերթին

ԼՐԱՀՈՍ

Pyro Drone is the leading source of professional FPV drone racing parts, gear, and accessories. We strive our best to deliver the latest and most reliable FPV gear available on the market. Bringing the highest quality at an affordable price, our flagship Hyperlite line is amongst the most competitive FPV drone racing parts in the industry. For FPV racing frames, motors, batteries, straps, and more - Pyro Drone is truly your one stop shop for all things in drone racing!

spot_img
spot_img