Երեքշաբթի, 27 Սեպտեմբերի, 2022
- Գովազդ -spot_img

ՀԵԸ Անդրանիկ Սեւան Սկաուտական Շարժումի Նոր Տարեշրջանի Բացումը

- Գովազդ -spot_img
spot_img

ԽՄԲԱԳՐԻ ԸՆՏՐԱՆԻ

ՀԵԸ Անդրանիկ Սեւան սկաուտական  շարժումը, Շաբաթ,  31 Հոկտեմբեր 2020-ի յետմիջօրէին,   ՀԲԸՄ- ՀԵԸ-ի Զապել  Մովսէսեան- Նազարեան կեդրոնի  շրջափակին մէջ  կատարեց  նոր  եղանակի բացումը:

  Պսակաւոր  ժահրին (քորոնա) պատճառով,  հանդիսութիւնը բացառապէս  տեղի ունեցաւ  առանց բազմութեան, սակայն ուղիղ  հաղորդումով սփռուեցաւ ՀԵԸ  Անդրանիկ Սեւանի դիմատետրի էջէն:

 Հանդիսութեան ներկայ գտնուեցան ՀԵԸ Անդրանիկ Սեւանի Գործադիր Մարմինի ատենապետը  եւ վարչականներ, սկաուտական  տարբեր  խումբերու փոխանցուելիք անդամ-անդամուհիները, երէցական խումբը՝  լման կազմով:

Հայաստանի, Լիբանանի, ՀԲԸՄ-ի եւ ՀԵԸ-ի քայլերգներուն  ունկընդրութենէն եւ Արցախի  պաշտպանութեան  համար  նահատակուած զինուորներուն յիշատակը   մէկ վայրկեան  յոտնկայս  յարգելէ ետք, կատարուեցաւ  դրօշակի արարողութիւն:

 ՀԵԸ Անդրանիկ Սեւան Գործադիր Մարմինի ատենապետ տոքթ.  Վարուժան Մարկոսեան գնահատեց  սկաուտական  բոլոր խումբերուն, ինչպէս նաեւ յարակից վարչութիւններուն գործունէութիւնը եւ  նոր եղանակի սեմին բեղուն աշխատանք  մաղթեց բոլորին:

  ՀԵԸ-ի Կեդրոնական Վարչութեան ատենապետ  Վիգէն Չերչեան առցանց խօսք առնելով,  շնորհաւորեց ՀԵԸ Անդրանիկ Սեւան սկաուտական շարժումի ընդհանուր խմբապետ Ժիրայր Թօսունեանը:  Ան նաեւ գնահատեց  նախկին ընդհանուր խմբապետ Կարէն Պասմաճեանի գործունէութիւնը: Վերջինս  պայմաններու  բերումով մեկնած է Լիբանանէն: Վիգէն Չերչեան շնորհաւորեց սկաուտական բոլոր կազմերը, առաջնորդները եւ փոխառաջնորդները, սկաուտական վարչութեան ատենապետ Նշան Ղորղորեանը, դիտել  տալով, որ  յաջողութիւններու բանալին պահուած է միասնականութեան եւ հաւաքական աշխատանքին մէջ:« Եթէ Ձեզի  համար այսօր՝ սկաուտական  դպրոցին  ճանապարհով հաւատք եւ   համոզում կը դառնայ ան,վստահ ենք, որ վաղը՝  մեր Միութեան այլ բնագաւառներուն մէջ պիտի շարունակէք նոյն ոգին եւ դաստիարակութիւնը, նոյն  շունչով պիտի պատրաստէք սկաուտական   շարժումին  միացող  նորեկները».շեշտեց ան, աւելցնելով՝ միասնական բռունցքով  Արցախի  մէջ մեր  քոյրերը եւ եղբայրները, մեր քաջարի բանակը  պիտի պաշտպանեն  հայրենի հողը եւ պարտութեան մատնեն  թշնամին:

 SDL-ի ներկայացուցիչը քոմիսէր Էլի Նիքոլա  ծանօթացուց նոր տարեշրջանի աշխատանքային ծրագիրը: AEL-ի անունով խօսեցաւ քոմիսէր Քալին Առաքելեան: Այս առիթով   Ժիրայր Թօսունեան  պաշտօնապէս  նշանակուեցաւ ՀԵԸ Անդրանիկ Սեւան  սկաուտական շարժումի ընդհանուր խմբապետ:  Ան շնորհակալութիւն յայտնեց  բոլոր ծնողներուն,  սկաուտական շարժումի անդամ-անդամուհիներուն  իրենց  նուիրումին, անսակարկ ծառայութեան  համար  եւ  յաջողութիւն մաղթեց աշխատանքի պայմաններու բերումով  սկաուտական կեանքէն հեռացած խմբապետ-խմբապետուհիներուն:

Նախ տեղի ունեցան  խմբային  փոխանցումները՝ թիթեռէն՝ արծուիկ, արծուիկէն՝ արենուշ, արենուշէն՝ քառավել: Փոխանցուողները   նաեւ գնահատանքի« պեճ»եր ստացան՝ կարիքաւորներուն  օժանդակելու, Պէյրութի  պայթումէն ետք   քանդուած բնակարանները մաքրելու,  վերանորոգութեան եւ  սննդանիւթ բաժնելու աշխատանքներուն մասնակցելու  համար:

 Ապա տեղի ունեցան խմբապետական   փոխանցումները.  Քրիսթել Սթեֆանօ՝ արծուիկներու նոր խմբապետուհի,  Նարին Սերայտարեան՝ գայլիկներու փոխխմբապետուհի, Վիքի Սընըքճեան արենուշական խմբապետուհի, Սերժ Քարաճեան՝  սկաուտներու խմբապետ, Փասքալ Գասպարեան եւ Զենա Քարամ՝  քառավելներու փոխխմբապետուհի, Սթեֆանի Քոթահալեան՝ քառավելներու խմբապետուհի, Համբիկ Սեմերճեան՝ երէցներու փոխխմբապետ:

Հայաստան  մեկնած   խմբապետ- խմբապետուհիները  տեսաերիզի  միջոցով  հաճելի  անակնկալ մը   մատուցեցին  սկաուտական շարժումի իրենց  քոյրերուն եւ  եղբայրներուն:

 Հանդիսութիւնը   աւարտեցաւ   նորանոր  յաջողութիւններու  բարեմաղթութիւններով:

Secure Your Child’s Place at
DREAM BRIDGEMAN ACADEMY

Dream Bridgeman Academy is an international school in Yerevan deploying the Oxford International Curriculum under the supervision and evaluation of Oxford University Press.
It caters for children between the ages of 1.5 yrs to 6 yrs.
Book your tour and secure your place now.
Phone: +374 93 703005
www.bridgeman.am

spot_img
- Գովազդ -spot_img
- Գովազդ -spot_img
- Գովազդ -spot_img

ԹՈՂՆԵԼ ՄԵԿՆԱԲԱՆՈՒԹԻՒՆ

Խնդրում ենք այստեղ մուտքագրել Ձեր մեկնաբանութիւնը։
Խնդրում ենք այստեղ մուտքագրել Ձեր անունը։

Ara D. Kassabian CPA, based in Glendale, California, provides a full range of tax preparation, accounting and bookkeeping services, either in your facility or at our location. Making it quick and easy to file your taxes.

spot_img

Զօրակցիր Զարթօնք Օրաթերթին

ԼՐԱՀՈՍ

Pyro Drone is the leading source of professional FPV drone racing parts, gear, and accessories. We strive our best to deliver the latest and most reliable FPV gear available on the market. Bringing the highest quality at an affordable price, our flagship Hyperlite line is amongst the most competitive FPV drone racing parts in the industry. For FPV racing frames, motors, batteries, straps, and more - Pyro Drone is truly your one stop shop for all things in drone racing!

spot_img
spot_img