Չորեքշաբթի, 28 Սեպտեմբերի, 2022
- Գովազդ -spot_img

Տեսակէտ․ Վտանգի Տակ Է Հայաստանը․ Հայրենիքի Լինելու Չլինելու Հարցն Է

- Գովազդ -spot_img
spot_img

ԽՄԲԱԳՐԻ ԸՆՏՐԱՆԻ

ՔՐԻՍԹԻՆԱ ԱՂԱԼԱՐԵԱՆ

Նոյեմբերի 10-ին ստորագրուած եռակողմ՝ Հայաստան, Ռուսաստան, Ադրբեջան, չարաբաստիկ պայմանագրի ստորագրումից յետոյ ՀՀ քաղաքական դաշտը վերածուել է խառնաշփոթի: Պայմանագրի ստորագրման օրուանից սկսած ընդդիմադիր կուսակցութիւնները պահանջում են վարչապետ Նիկոլ Փաշինեանի ու կառավարութեան հրաժարականը: Այդ պահանջով ամեն օր բողոքի ցոյցեր են իրականացւում, որոնք ոչ միշտ են խաղաղ հանգուցալուծւում ստանում: Ընդդիմութեան ղեկավարները գրեթէ ամեն օր հրաւիրւում են ԱԱԾ:

Անցնող մէկ շաբաթուայ ընթացքում եղան հրաժարականի տասնեակ դիմումներ: Հրաժարականներ ներկայացրին ԱԺ պատգամաւորներ, Կառավարութեան անդամներ, բարձրաստիճան զինուորականներ: Մի բան յստակեցնենք՝ հրաժարականը ոչ ոքի չի ազատում պատասխանատուութիւնից: Եւ այսպէս, վերջին մէկ շաբաթում հրաժարականի դիմում են ներկայացրել առանցքային նշանակութիւն ունեցող պաշտօնեայ՝ Արտաքին գործերի նախարար Զոհրապ Մնացականեանը, ԱԺ պատգամաւոր Գայիանէ Աբրահամեանը, իշխանական խմբակցութիւնից դուրս գալու դիմում են գրել պատգամաւորներ Թագուհի Թովմասեանը, Լուսինէ Բադալեանը, փոխվարչապետ Ավինեանի գրասենեակի ղեկավար Վարագ Սիսեռեանը:

Ռազմական ղեկավարութիւնից հեռացուել են ՀՀ Զինուած ուժերի գլխաւոր շտաբի նախկին պետ, այժմ ռազմարդիւնաբերութեան կոմիտէի նախագահ գեներալ–լեյտենանտ Արտակ Դաւթեանը, Ռազմական վերահսկողական ծառայութեան պետ Մովսէս Յակոբեանը: Ի դէպ՝ Յակոբեանը հրաժարականից յետոյ տուած մամուլի ասուլիսի ժամանակ ուշագրաւ դրուագներ ներկայացրեց պատերազմի ընթացքում տեղի ունեցած դէպքերից:

Ընդհուպ այն, ու Նիկոլ Փաշինեանի հրամանով դադարեցուել է բանակի համալրումը զինուորականներով: Գեներալ-լեյտենանտը նաեւ յայտարարեց, որ պատերազմի ողջ ընթացքում Ռուսաստանը զէնք է մատակարարել Հայաստանին, այնինչ մշտապէս յայտարարւում էր, որ ՌԴ-ն որեւէ կերպ ներգրաւուած չէ պատերազմում: Յակոբեանը նաեւ յայտարարեց, որ պատերազմի ընթացքում հայկական կողմը կիրառել է «Իսքանտար» տեսակի զէնք, որն Արցախի հանրապետութեան զինանոցում չկայ: Այս յայտարարութիւններով զբաղւում է Յատուկ քննչակական ծառայութիւնը: Յակոբեանի յայտարարութիւնից մէկ օր անց հրաժարական ներկայացրեց ՀՀ պաշտպանութեան  նախարար Դաւիթ Տոնոյեանը: Նոր նախարար է նշանակուել 1999-2000 թուականներին պաշտպանութեան նախարար աշխատած Վաղարշակ Յարութիւնեանը: Իրար հետեւից հրաժարականներ են ներկայացնում նախարարներ, փոխնախարարներ, Նիկոլ Փաշինեանի, այսպէս կոչուած, թիմակիցներ: Իհարկէ, դա չի ազատում պատասխանատուութիւնից, սակայն չպէտք է բացառել նաեւ, որ նրանց  մէջ կարող են լինել մարդիկ, ովքեր չեն ցանկանում թէ՛ քաղաքական, թէ՛ աշխատանքային որեւէ յարաբերութիւն ունենալ Փաշինեանի ու իր քաղաքական թիմի հետ, ով ըստ էութեան յանձնեց Արցախն ու վտանգի տակ դրեց Հայաստանի անվտանգութիւնն ու փխրուն խաղաղութիւնը։ Ինչեւէ, մայր Հայաստանն ու Արցախի մնացած փոքրիկ հատուածը դժուարին ու ծանր օրեր են ապրում։ Ժողովուրդը բաժանուել է երկու մասի՝ հող յանձնող կառավարութեան կողմնակիցներ եւ եռակողմ պայմանագիրը դաւաճանութիւն որակողներ։ Իհարկէ, կան նաեւ մարդիկ, ովքեր մինչեւ հիմա չեն հասկանում կատարուածի լրջութիւնը։ Անկախ քաղաքական կողմնորոշումներից, այս իրավիճակում Հայաստանին կարող է փրկել միայն միասնականութիւնը, հակառակ պարագայում իրապէս կասկածի տակ կարող է դրուել հայրենիք ունենալու հարցը։

Secure Your Child’s Place at
DREAM BRIDGEMAN ACADEMY

Dream Bridgeman Academy is an international school in Yerevan deploying the Oxford International Curriculum under the supervision and evaluation of Oxford University Press.
It caters for children between the ages of 1.5 yrs to 6 yrs.
Book your tour and secure your place now.
Phone: +374 93 703005
www.bridgeman.am

spot_img
- Գովազդ -spot_img
- Գովազդ -spot_img
- Գովազդ -spot_img

ԹՈՂՆԵԼ ՄԵԿՆԱԲԱՆՈՒԹԻՒՆ

Խնդրում ենք այստեղ մուտքագրել Ձեր մեկնաբանութիւնը։
Խնդրում ենք այստեղ մուտքագրել Ձեր անունը։

Ara D. Kassabian CPA, based in Glendale, California, provides a full range of tax preparation, accounting and bookkeeping services, either in your facility or at our location. Making it quick and easy to file your taxes.

spot_img

Զօրակցիր Զարթօնք Օրաթերթին

ԼՐԱՀՈՍ

Pyro Drone is the leading source of professional FPV drone racing parts, gear, and accessories. We strive our best to deliver the latest and most reliable FPV gear available on the market. Bringing the highest quality at an affordable price, our flagship Hyperlite line is amongst the most competitive FPV drone racing parts in the industry. For FPV racing frames, motors, batteries, straps, and more - Pyro Drone is truly your one stop shop for all things in drone racing!

spot_img
spot_img