Երեքշաբթի, 27 Սեպտեմբերի, 2022
- Գովազդ -spot_img

Հայկական Բարեգործական Ընդհանուր Միութեան Յայտարարութիւնը Հայաստանի մէջ Անցումային Կառավարութիւն Կազմելու Անհրաժեշտութեան Վերաբերեալ

- Գովազդ -spot_img
spot_img

ԽՄԲԱԳՐԻ ԸՆՏՐԱՆԻ

11 դեկտեմբեր, 2020 թ.

Մեր անցնող հարիւրամեայ պատմութեան ընթացքին, մեր ժողովուրդին դէմ ծառացած ամենածանր մարտահրաւէրներուն դիմաց, յատկապէս երբ անոնք սպառնացած են մեր ժողովուրդի գոյութեան, Հայկական Բարեգործական Ընդհանուր Միութիւնը միշտ գտնուած է պայքարի առաջին դիրքերուն վրայ, հայրենիքի թէ Սփիւռքի մէջ, հեռու մնալով ներքին քաղաքական նկատառումներէ: Պատմական նոյնպիսի ճակատագրական հանգրուան մը կը դիմագրաւենք այսօր, երբ մեր ազգի առաջնորդները, ինչպէս նաեւ իւրաքանչիւր հայ քաղաքացի կամ ինքնագիտակից անհատ աշխարհի տարածքին, պէտք է ցուցաբերէ հզօր կամք, արիութիւն եւ տեսիլք:

Անցնող երկու ամիսներուն, մենք ունեցանք ահռելի կորուստներ, սակայն մենք պարտուած չենք որպէս ազգ: Եթէ մենք ուժ եւ քաջութիւն ցուցաբերենք ամոքելու մեր վէրքերը, իմաստութիւն ունենանք դասեր քաղելու այս իրադարձութիւններէն, վերականգնենք մեր ցնցուած հայրենիքը եւ շարժինք յառաջ, պիտի յաջողինք մեր արժանի տեղը ապահովել պատմութեան եւ քաղաքակրթութան մէջ: Մենք խորապէս կը գիտակցինք, որ Արցախեան աղէտին յաջորդած եւ տակաւին շարունակուող ցնցումները, կրնան խախտել Հայկական պետականութեան հիմերը եւ

աւելի եւս խոցելի դարձնել մեզ: Այս վտանգի ահագնութեան գիտակցութիւնը խոր

մտավախութիւն կը պատճառէ համընդհանուր հայութեան, որուն համար զօրաւոր եւ

ինքնիշխան Հայաստանը, գոյութեան խարիսխ եւ ինքնութեան կռուան կը հանդիսանայ:

Ոչ մէկ հայ, ուր ալ գտնուի ան, չի կրնար արտօնել նման ընթացք:

Հիմա ժամանակը չէ պատահած ծանր ձախողութիւններուն համար յանցաւորներ փնտռելու կամ պատասխանատուներ այպանելու: Ձախողութիւններ, որոնք տասնամեակներու վրայ երկարող թերացումներու արդիւնք են: Մենք ներկայիս ազգովին ճգնաժամի մը դէմ յանդիման կը գտնուինք եւ կը դիմագրաւենք անկայուն քաղաքական իրադրութիւն մը: Անհրաժեշտ են արտակարգ միջոցառումներ, ուղղակի գործնական քայլերով եւ համապատասխան նախաձեռնութիւններով: Ճգնաժամի այս պահուն, մեր կազմաւորուող ժողովրդավարութիւնը, պէտք է ցուցաբերէ արտակարգ կամք եւ ամրութիւն:

Այս պահուն գերագոյն կարեւորութիւն կը ներկայացնէ մեր ժողովուրդի միասնականութեան ապահովումը: Նոր առճակատումներ եւ կամ բռնութիւններ արտօնելի չեն: Մենք կը հաւատանք, թէ անցումային կառավարութիւն մը պէտք է կազմուի, որուն պէտք է մասնակցին իրենց

մասնագիտութեամբ եւ փորձառութեամբ ծանօթ անձնաւորութիւններ, որոնք առնչուած չեն ներկայ կամ անցեալ կառավարութիւններուն հետ: Անոնց կողքին Հայաստանէն թէ սփիւռքէն կարող եւ յարգուած փորձագէտներ, պէտք է իրենց աջակցութիւնը բերեն, երկրի զարգացումին համար կարեւոր մարզերէն ներս արագ յառաջընթաց ապահովելու համար:

Մենք կոչ կ’ուղղենք Հ.Հ. Վարչապետին, յանուն հայ ժողովուրդի եւ իւրաքանչիւր հայու, բարի կամեցողութիւն ցուցաբերել եւ զիջիլ վարչապետի իր պաշտօնը, կարելի դարձնելով նման նոր եւ ժամանակաւոր կառավարութեան մը կազմութիւնը։ Մեր ձանկութիւնն է որ ապահովուի անկախ եւ օրինակարգ մարմնի մը կողմէ ժամանակաւոր առաջնորդութեան ստանձնումը` մինչեւ որ կարելի դառնայ արդար եւ ժողովրդավարական ընտրութիւններու կազմակերպումը։

Այս մարմինը, ունենալով մեր դիմագրաւած իրողութեանց ըմբռնումը, պէտք է աշխատի անաչառութեան ոգիով եւ երկիրը դուրս բերէ մեզ պատուհասած այս պատմական ճգնաժամէն։ Ինչպէս բոլոր ժողովրդավարութիւններու պարագային, ասիկա խաղաղ անցում մը պէտք է ըլլայ, պահպանելով օրինաւորութիւնը եւ սահմանադրական ընթացակարգերը, ապահովելով ժողովրդավարութեան ամենաբարձր չափանիշերը եւ քաղաքացիներու հիմնարար իրաւունքներուն նկատմամբ յարգանքը։ Մենք կոչ կ՛ուղղենք Ազգային Ժողովին, աջակցելու

անցումային այս կառավարութեան։ Այս գործընթացը պէտք է ընդգրկէ նաեւ Հայաստանեայց Առաքելական Եկեղեցին եւ Մայր Աթոռ Սուրբ Էջմիածինը, որուն առաջնորդութիւնը մեր ժողովուրդին համար միշտ եղած է յոյսի փարոս անցեալ աւելի քան 1700 տարիներու մարտահրաւէրներով լի մեր քրիստոնեայ պատմութեան ընթացքին։

1906ին, իր հիմնադրութենէն ի վեր, որպէս բոլոր դժուարին պահերու մեր ժողովուրդին ուղեկից կազմակերպութիւն, որ կանգնած է մեր ազգին կողքին թէ՛ Օսմանեան, թէ՛ խորհրդային իշխանութեան տարիներուն, նաեւ անկախութեան շրջանին, մենք այսու կը վերահաստատենք Հայաստանի պայծառ ապագան ապահովելու, աւերուած մեր Արցախը վերակառուցելու մեր յանձնառութիւնը, ինչպէս նաեւ Հայաստանի մէջ եւ ամբողջ աշխարհի տարածքին մեր ժողովուրդի մարդասիրական եւ ընկերային կարիքներուն հասնելու մեր առաքելութիւնը:

Յառաջիկայ շաբաթներուն մեր համընդհանուր համայնքներու առաջնորդներուն

մասնակցութեամբ, պիտի համախմբուինք, որպէսզի միասնականօրեն մշակենք պատերազմի հետեւանքները յաղթահարելու համապարփակ ռազմավարութիւն եւ արագօրէն վերադառնանք պետականաշինութեան եւ զարգացման մեր գործընթացին։

Մենք կ՛աղօթենք մեր ազգի իմաստնութեան, մեր վէրքերու շուտափոյթ ամոքումին եւ այս քաղաքական ճգնաժամի արագ յաղթահարումին համար։ Մենք նաեւ կը խոնարհինք մարտի դաշտին վրայ անմահացած մեր հերոսներու յիշատակին առջեւ եւ շուտափոյթ ապաքինում կը մաղթենք վիրաւորներուն: Անոնց խիզախութիւնը եւ զոհողութիւնը անջնջելի հետք թողուցին մեր սիրտերուն մէջ, որ պիտի ուղեկցի մեզ մեր բոլոր կեանքի ընթացքին։ Մենք նաեւ Հայաստանի, Արցախի եւ Սփիւռքի բոլոր գաղութներուն մէջ ապրող իւրաքանչիւր հայու կոչ կ՛ուղղենք մնալ յանձնառու, զօրաւոր եւ միասնական, որպէսզի դիմագրաւենք այս դժուարին ժամանակները եւ միասին կերտենք մեր փայլուն ապագան, որուն արժանի է հայութիւնը:

Secure Your Child’s Place at
DREAM BRIDGEMAN ACADEMY

Dream Bridgeman Academy is an international school in Yerevan deploying the Oxford International Curriculum under the supervision and evaluation of Oxford University Press.
It caters for children between the ages of 1.5 yrs to 6 yrs.
Book your tour and secure your place now.
Phone: +374 93 703005
www.bridgeman.am

spot_img
- Գովազդ -spot_img
- Գովազդ -spot_img
- Գովազդ -spot_img

ԹՈՂՆԵԼ ՄԵԿՆԱԲԱՆՈՒԹԻՒՆ

Խնդրում ենք այստեղ մուտքագրել Ձեր մեկնաբանութիւնը։
Խնդրում ենք այստեղ մուտքագրել Ձեր անունը։

Ara D. Kassabian CPA, based in Glendale, California, provides a full range of tax preparation, accounting and bookkeeping services, either in your facility or at our location. Making it quick and easy to file your taxes.

spot_img

Զօրակցիր Զարթօնք Օրաթերթին

ԼՐԱՀՈՍ

Pyro Drone is the leading source of professional FPV drone racing parts, gear, and accessories. We strive our best to deliver the latest and most reliable FPV gear available on the market. Bringing the highest quality at an affordable price, our flagship Hyperlite line is amongst the most competitive FPV drone racing parts in the industry. For FPV racing frames, motors, batteries, straps, and more - Pyro Drone is truly your one stop shop for all things in drone racing!

spot_img
spot_img