Ռուսական խաղաղարար ուժերի զորակազմը շարունակվում է Լեռնային Ղարաբաղի տարածքում առաջադրանքների կատարումը։
Ռուս խաղաղապահների կողմից 24 դիտակետերում իրադրության շուրջօրյա մոնիթորինգ եւ հրադադարի ռեժիմի պահպանման վերահսկողություն է իրականացվում:
Հրադադարի պահպանման ռեժիմը պահպանվում է շփման գծի ողջ երկայնքով:
Դեկտեմբերի 11-ին Հադրութի շրջանում արձանագրվել է հրադադարի ռեժիմի մեկ խախտում: Ռուս խաղաղապահների գործողություններով իրավիճակի հետագա սրման հնարավորությունը կասեցվել է։
Ինչպես հաղորդում է «Արմենպրես»-ը՝ վկայակոչելով ՌԴ պաշտպանության նախարարության կայքը, ռուսական խաղաղապահ զորախումբը ապահովում է քաղաքացիների անվտանգ վերադարձը իրենց մշտական բնակության վայրեր, ցուցաբերվում է մարդասիրական օգնություն, վերականգնվում են քաղաքացիական ենթակառուցվածքների օբյեկտները:
Մեկ օրում ռուս խաղաղապահների կողմից ապահովվել է Հայաստանի տարածքից 634 փախստականների անվտանգ վերադարձը Լեռնային Ղարաբաղ։ Ընդամենը Լեռնային Ղարաբաղում նախկին բնակության վայր է վերադարձել 38 341 մարդ։
Խաղաղապահ ուժերի զորակազմի մասնագետները շարունակում են նաև Լեռնային Ղարաբաղի տարածքի ականազերծման աշխատանքները: Մեկ օրում ինժեներական հետախուզություն և տեղանքի ականազերծում է իրականացվել Ստեփանակերտում։ Մաքրվել է 8 հա տարածք, 7 կմ ճանապարհ, այդ թվում ՝ Ստեփանակերտ քաղաքի Մարշալ Բաղրամյան փողոցը և 50 շենք, հայտնաբերվել և ոչնչացման համար դուրս է բերվել 51 չպայթած զինամթերք: Ընդհանուր առմամբ, Լեռնային Ղարաբաղում (2020 թվականի նոյեմբերի 23-ից) ականազերծման ընթացքում չպայթած զինամթերքից մաքրվել է 156,97 հա տարածք, 38,1 կմ ճանապարհ, 375 շինություն, այդ թվում՝ 8 սոցիալական կարեւոր օբյեկտներ, հայտնաբերվել եւ վնասազերծվել է 4 811 պայթունավտանգ առարկա:
Ապահովվել է մարտական գործողությունների ընթացքում վնասված էներգետիկ ենթակառուցվածքի օբյեկտների վերանորոգման վերականգնողական բրիգադի աշխատանքների անվտանգությունը: Մեկ օրում վերականգնվել էլեկտրահաղորդման գծերի 500 մ և մեկ հենարան, ինչպես նաև գազի խողովակաշարի 800 մ կրկնօրինակ հատվածը՝ Լիսագոր բնակավայրի շրջանում։
Բնակարանային-կոմունալ ծառայության վերանորոգման բրիգադի հետ աշխատանքներ են տարվում Մարդակերտում փախստականների բնակության վայրերի վերանորոգման եւ վերականգնման ուղղությամբ: Ընդհանուր առմամբ, վերականգնվել է 18 տուն և 5,3 կմ էլեկտրահաղորդման գիծ։
Ռուսաստանի արտագնա բժշկական բրիգադն Այգեստան բնակավայրում ցուցաբերել է ամբուլատոր-պոլիկլինիկական օգնություն 23 տեղացի բնակիչների, այդ թվում՝ 2 երեխայի: Ընդամենը ռուս զինվորական բժիշկները օգնություն են ցուցաբերել Լեռնային Ղարաբաղի 471 բնակչի, այդ թվում՝ 54 երեխայի ։
Կարմիր խաչի միջազգային կոմիտեի եւ Լեռնային Ղարաբաղի արտակարգ իրավիճակների նախարարության ներկայացուցիչների հետ փոխգործակցությամբ ռուսական խաղաղապահ ուժերի զորակազմի կողմից շարունակվում է մարտական գործողությունների ընթացքում զոհվածների մարմինների որոնումն ու փոխանցումը:
Կազմակերպվել է «թեժ գծի» աշխատանք՝ Լեռնային Ղարաբաղի հակամարտության մասնակիցների, անհայտ կորածների մասին տեղեկություններ հավաքելու ուղղությամբ: Դրա աշխատանքի սկզբից ընդունվել է 472 դիմում։ Բոլոր դիմումները փոխանցվել են Կողմերի հաշտեցման կենտրոնի որոնողական խմբերին։
Ռուս խաղաղապահների անվտանգությունն ապահովելու եւ հնարավոր միջադեպերը կանխելու համար Ադրբեջանի եւ Հայաստանի զինված ուժերի գլխավոր շտաբների հետ շարունակական փոխգործակցություն է պահպանվում:
Խաղաղապահ ուժերի ռուսական զորակազմի բոլոր գործողությունները կատարվում են կորոնավիրուսային վարակի տարածումը թույլ չտալու միջոցների պահպանմամբ:
