Կիրակի, 2 Հոկտեմբերի, 2022
- Գովազդ -spot_img

Ընկեր Կարապետ Պապահէքեանի Մահուան Քառասունքին Առթիւ. Շիջեցաւ Վահան Թէքէեան Վարժարանի Պահապան Հրեշտակներէն Մին

- Գովազդ -spot_img
spot_img

ԽՄԲԱԳՐԻ ԸՆՏՐԱՆԻ

Վիքթոր Հիւկօ կ’ըսէ. «Երբ քսակը կը պարպուի, սիրտը կը լեցուի»: Եւ այդպէս է. մեր անկեղծօրէն տուածը յաւիտեան մեր սեփականութիւնը կը մնայ, որովհետեւ իւրաքանչիւր բարեգործութեան դիմաց մենք տեղ կը գտնենք զայն ստացողին աղօթքներուն մէջ ու կը ստանանք անոր անկեղծ բարեմաղթութիւնները:

Լուսահոգի ընկեր Կարապետ Պապահէքեանը բազմաթիւ մարդոց աղօթքներուն եւ բարեմաղթութիւններուն մէջ էր իր կեանքի ամբողջ ընթացքին, իսկ հիմա՝ անոր վառ յիշատակը կ’օրհնեն, որովհետեւ ան տիպարն էր մարդկային եւ ազգային կարիքներուն ու պահանջներուն նիւթապէս ու բարոյապէս օժանդակող մարդասէր ու հայրենասէր անձի:

Ընկեր Կարապետ Պապահէքեան գործարարական բազմազբաղ իր ասպարէզին զուգահեռ, մնայուն կերպով նուիրուեցաւ իր ժողովուրդին ու Հայրենիքին: Ան համեստութեամբ, ծառայասիրութեամբ ու զոհողութեամբ նեցուկ կանգնեցաւ բոլորին, նամանաւանդ իր դաւանած կուսակցութեան կառոյցներուն, եւ մասնաւորապէս իր սրտին շատ սիրելի Պէյրութի Վահան Թէքէեան Վարժարանին:

Ընկեր Պապահէքեան եղած է վարժարանիս այժմու շէնքի հիմնարկէքը կատարողներէն մէկը: Ան իր ներդրումը ունեցած է դպրոցի հողաշերտի առքին մէջ, ինչպէս նաեւ եղած է անոր առաջին քարը տեղադրողներէն:  Ուստի, վարժարանիս նորակառոյց շէնքը, որ բարձրացաւ գաղափարի նուիրեալ ազգայիններու շնորհիւ, անոնց շարքին առաջիններէն էր նաեւ ընկեր Պապահէքեանը։ Վարժարանն ալ կառուցուեցաւ իր արհեստանոցին դիմացը գտնուող դատարկ հողաշերտին վրայ։

Ընկեր Կարապետ Պապահէքեան երկար տարիներ եղած է վարժարանիս հոգաբարձութեան կազմի անդամ, եւ առաջին օրէն սկսեալ դպրոցին վերելքն ու գոյատեւումը դարձած են անոր գուրգուրանքի առարկան։ Ըլլալով ԹՄՄ Հիմնադիրներու Մարմինի անդամ եւ հետագային՝ ատենապետ, ան դարձեալ խնամակալն էր Հիմնադիրներու Մարմինի հոգեհարազատ զաւակ Թէքէեան Վարժարանին: Անկախ իր զբաղեցուցած պաշտօններէն, ան միշտ կողքէն կը հսկէր ու կը պահէր վարժարանիս թիկունքը, թէ՛ բառացի եւ թէ՛ փոխաբերական իմաստներով: Այլ խօսքով՝ կրնանք հաստատօրէն ըսել, որ Կարապետ Պապահէքեան մեծահոգի մարդը եւ ազնուահոգի հայորդին եղած է պահապան հրեշտակներէն եւ հոգատար հայրերէն մին վարժարանիս, անոր հիմնադրութեան առաջին օրէն եւ մինչեւ իր երկրային կեանքի վախճանը:     

Երկար է շարքը բարիք գործող եւ բարին կամեցող ընկեր Կարապետ Պապահէքեանի ազգասիրութեան ու հայրենասիրութեան օրինակներուն: Ան իր ամբողջ կեանքին ընթացքին բանիւ եւ գործով, նիւթապէս ու բարոյապէս սատար հանդիսացած է ոչ միայն իր անմիջական շրջանակին՝ իր հաճընցի հայրենակցութեան, իր դաւանած Ռամկավար Ազատական Կուսակցութեան, իր հաւատացած Հայկական Բարեգործական Ընդհանուր Միութեան ու Հայ Երիտասարդաց Ընկերակցութեան, իր շատ սիրելի «հոգեզաւակ» Վահան Թէքէեան Վարժարանին, այլ անոր հասու եւ լիաբուռ ձեռքին ու բարեգութ դիմագիծին ծանօթ են նաեւ Մայր Հայրենիքի մէջ: Շնորհիւ ընկեր Պապահէքեանի մարդասիրութեան, վեհանձնութեան, առաքինի նկարագիրին եւ առատաձեռնութեան, ան յարգուած էր եւ ընդմիշտ յարգուած յիշատակ պիտի ունենայ բոլորին մօտ:

Ի տես այս բոլորին եւ ընկեր Պապահէքեանի ազգային երկարամեայ ծառայութիւնը գնահատելու համար, ՆՍՕՏՏ Արամ Ա․ կաթողիկոսը զայն պարգեւատրեց “Կիլիկեան Ասպետ”ի շքանշանով, որուն արժանի էր ան: Սակայն մենք վստահ ենք, որ շքանշաններէն ու մարդկային գնահատանքէն անդին, ան իր աստուածահաճոյ արարքներուն համար վայելեց երկնային գնահատանք, որովհետեւ բարեգործութիւնը եռանկիւնի նման երեք գագաթ ունի.

— Ան, որ անշահախնդիր կ’օգնէ եւ չի սպասեր գնահատանքի:

— Ան, որ օգնութեան կարիք ունի:

— Երրորդն ալ՝ Աստուած, որ կը տեսնէ այդ բոլորը ու կը գնահատէ:

            Պէյրութի Վահան Թէքէեան Վարժարանը հպարտ է, որ ընկեր Կարապետ Պապահէքեանի ձեռնհասութեամբ, բարեսիրութեամբ, ազգասիրութեամբ ու հայրենապաշտութեամբ գլխագիր մարդ մը ունեցած է իր կողքին, որ միշտ հաւատաց վարժարանիս առաքելութեան ու զայն կանգուն պահելու հրամայականին, եւ անոր պայծառ ապագային ու անխափան ընթացքին համար ոչ մէկ ճիգ ու ջանք խնայեց ան: Ընկեր Պապահէքեան վարժարանիս հանդէպ իր անմնացորդ նուիրուածութիւնը վարակած էր նաեւ իր ընտանիքի անդամներուն՝ իր ազնուափայլ տիկնոջ, զաւակներուն ու թոռներուն, որոնք հետեւած են ու կը շարունակեն հետեւիլ ընկեր Պապահէքեանի՝ Վահան Թէքէեան Վարժարանին սատարելու ուղեգիծին:

 Վարժարանիս մեծ ընտանիքը՝ իր հոգաբարձութեամբ, տնօրէնութեամբ, ուսուցչակազմով, ծնողք-աշակերտութեամբ յաւերժ երախտապարտ պիտի մնայ իր հոգատար հօր, որուն աջը միշտ մնաց դպրոցին վրայ եւ իւրաքանչիւր խոչընդոտի դիմաց շատ յաճախ անյայտ զինուորի հանգամանքով յայտնուեցաւ մեզի նեցուկ կանգնող Պապահէքեան Կարապետ մեծասիրտ եւ ազնուահոգի հայորդին:

            Յիշատակդ անթառամ մնայ, սիրելի ընկեր Պապահէքեան:   

ՎԱՀԱՆ ԹԷՔԷԵԱՆ ՎԱՐԺԱՐԱՆԻ

ՏՆՕՐԷՆՈՒԹԻՒՆ ԵՒ ՀՈԳԱԲԱՐՁՈՒԹԻՒՆ

Secure Your Child’s Place at
DREAM BRIDGEMAN ACADEMY

Dream Bridgeman Academy is an international school in Yerevan deploying the Oxford International Curriculum under the supervision and evaluation of Oxford University Press.
It caters for children between the ages of 1.5 yrs to 6 yrs.
Book your tour and secure your place now.
Phone: +374 93 703005
www.bridgeman.am

spot_img
- Գովազդ -spot_img
- Գովազդ -spot_img
- Գովազդ -spot_img

ԹՈՂՆԵԼ ՄԵԿՆԱԲԱՆՈՒԹԻՒՆ

Խնդրում ենք այստեղ մուտքագրել Ձեր մեկնաբանութիւնը։
Խնդրում ենք այստեղ մուտքագրել Ձեր անունը։

Ara D. Kassabian CPA, based in Glendale, California, provides a full range of tax preparation, accounting and bookkeeping services, either in your facility or at our location. Making it quick and easy to file your taxes.

spot_img

Զօրակցիր Զարթօնք Օրաթերթին

ԼՐԱՀՈՍ

Pyro Drone is the leading source of professional FPV drone racing parts, gear, and accessories. We strive our best to deliver the latest and most reliable FPV gear available on the market. Bringing the highest quality at an affordable price, our flagship Hyperlite line is amongst the most competitive FPV drone racing parts in the industry. For FPV racing frames, motors, batteries, straps, and more - Pyro Drone is truly your one stop shop for all things in drone racing!

spot_img
spot_img