Երկուշաբթի, 20 Մայիսի, 2024
- Գովազդ -spot_img

Հայոց ցեղասպանության թանգարան-ինստիտուտը 25 տարվա աշխատանքն համառոտ ամփոփեց մեկ ցուցահանդեսով

- Գովազդ -spot_img
spot_img

ԽՄԲԱԳՐԻ ԸՆՏՐԱՆԻ

 «Հայոց ցեղասպանության թանգարան-ինստիտուտի առաջին քառորդ դարը» խորագրով ժամանակավոր ցուցադրությանը, որը նվիրված է կառույցի հիմնադրման 25-ամյակին, ներկայացված են փաստեր կազմակերպված գիտաժողովների, ժամանակավոր և շրջիկ ցուցադրությունների, հրատարակությունների, տարբեր պատվիրակությունների այցերի մասին: Ցուցադրված են նաև հուշամեդալներ, նամականիշներ, մրցանակներ, որոնք ևս պատմում են թանգարան-ինստիտուտի ծավալած գործունեության մասին: «Արմենպրես»-ի հաղորդմամբ՝ ցուցահանդեսի բացման հանդիսավոր արարողությունը տեղի ունեցավ դեկտեմբերի 23-ին Հայոց ցեղասպանության թանգարան-ինստիտուտի ժամանակավոր ցուցադրությունների սրահում: Ներկա էին ՀՀ կրթության, գիտության, մշակույթի և սպորտի նախարար Վահրամ Դումանյանը, ՀՀ ԿԳՄՍ նախարարի տեղակալ Նարինե Խաչատուրյանը, «Արմենպրես» պետական լրատվական գործակալության տնօրեն Արամ Անանյանը, Մայր Աթոռ Սուրբ էջմիածնի Արխիվի և թանգարանների տնօրեն Տ. Ասողիկ աբեղա Կարապետյանը և այլք:

«Աշխարհում ցեղասպանության թանգարանները շատ են, բայց Հայոց ցեղասպանության թանգարան-ինստիտուտը միակն է: Հոլոքոստի թանգարանը ստեղծվել է Հոլոքոստի ավարտից երեք տարի հետո, իսկ մեր թանգարանը՝ Հայոց ցեղասպանությունից 80 տարի անց նորանկախ Հայաստանի Հանրապետության առաջին նախագահ Լևոն Տեր-Պետրոսյանի հրամանագրով: Թանգարանն անցել է  լինելիության ոչ հեշտ քառորդ դար, որովհետև դրանք կայացման տարիներ էին: Հիմա մենք առաջ ենք գնում և այն լավագույն ավանդույթները, որոնց հիմքը դրվել է թանգարանում, փորձում ենք պահպանել ու թանգարանի գործունեությունը դնել ավելի բարձր մակարդակի վրա»,-ասաց Հայոց ցեղասպանության թանգարան-ինստիտուտի տնօրեն Հարություն Մարությանը:

Նա ընդգծեց, որ թանգարան-ինստիտուտի 25 տարվա ընթացքում կատարած աշխատանքը հնարավոր չէր ներկայացնել մեկ ցուցադրության շրջանակում, սակայն 15 ենթախորագրով փորձել են անդրադառնալ թանգարանի հուշահամալիրի ձևավորումից մինչև մեր օրեր:

Հայոց ցեղասպանության թանգարան-ինստիտուտի ցուցադրությունների կազմակերպման բաժնի վարիչ Սեդա Պարսամյանն էլ մանրամասներ հայտնեց ցուցադրությունից՝ նշելով, որ հայերեն և անգլերեն ցուցադրության «1965 թվականի զարթոնքը. հիշողության ուժը», «Արդարություն, հատուցում, կանխարգելում», «Ինչո՞ւ ցեղասպանություն. Ռաֆայել Լեմկինը և Մեծ Եղեռնը», «Հայրենադարձության փորձությունը» և այլ ենթախորագրերի միջոցով անդրադարձել են կազմակերպված գիտաժողովներին, ժամանակավոր և շրջիկ ցուցադրություններին, հրատարակություններին,  տարբեր պատվիրակությունների այցերին, թանգարան-ինստիտուտի գործընկերներին, բարերարներին, որոնց շնորհիվ թանգարան-ինստիտուտի գործունեությունն առավել արդյունավետ է դառնում, նամականիշներ, բացիկներ, ոսկե հուշամեդալների շարք:

«Շատ ենք կարևորում թանգարան-ինստիտուտի գիտահրատարակչական աշխատանքը Հայոց ցեղասպանության հարցն աշխարհին առավել ճանաչելի դարձնելու, պահանջատիրության խնդիրը բարձրացնելու գործում և այստեղ առանձին խորագրով ներկայացրել ենք նաև մեր թանգարանային ֆոնդերը և գրադարանը: Թանգարան-ինստիտուտի գիտաշխատողներն իրենց ներդրումն ունեն միջազգային ցեղասպանագիտական ծրագրերում, մասնակցություն են ունենում միջազգային բոլոր կարևոր գիտաժողովներին, կլոր սեղաններին: Մեզ մոտ հաճախ քննարկումներ են  կազմակերպվում Հայաստանի և արտերկրի  լավագույն մասնագետների մասնակցությամբ»,-տեղեկացրեց Պարսամյանն ու հայտնեց, որ ցուցահանդեսը բաց կլինի մինչև 2021թվականի ապրիլի 13-ը:

1995 թվականի ապրիլի 24-ին՝ Հայոց ցեղասպանության 80-րդ տարելիցին, Հայոց ցեղասպանության հուշահամալիրին կից կառուցվել է Հայոց ցեղասպանության թանգարան-ինստիտուտը, որը ամբողջ աշխարհում Հայոց ցեղասպանության զոհերի հիշատակը ոգեկոչող միակ թանգարանն է և գիտահետազոտական ինստիտուտը:

Secure Your Child’s Place at
DREAM BRIDGEMAN ACADEMY

Dream Bridgeman Academy is an international school in Yerevan deploying the Oxford International Curriculum under the supervision and evaluation of Oxford University Press.
It caters for children between the ages of 1.5 yrs to 6 yrs.
Book your tour and secure your place now.
Phone: +374 93 703005
www.bridgeman.am

spot_img
- Գովազդ -spot_img
- Գովազդ -spot_img
- Գովազդ -spot_img

Ara D. Kassabian CPA, based in Glendale, California, provides a full range of tax preparation, accounting and bookkeeping services, either in your facility or at our location. Making it quick and easy to file your taxes.

spot_img

Զօրակցիր Զարթօնք Օրաթերթին

ԼՐԱՀՈՍ

Pyro Drone is the leading source of professional FPV drone racing parts, gear, and accessories. We strive our best to deliver the latest and most reliable FPV gear available on the market. Bringing the highest quality at an affordable price, our flagship Hyperlite line is amongst the most competitive FPV drone racing parts in the industry. For FPV racing frames, motors, batteries, straps, and more - Pyro Drone is truly your one stop shop for all things in drone racing!

spot_img
spot_img