Վեհափա՛ռ Տէր
Արցախում մեծագոյն յուզմունքով ու երախտագիտութեան զգացումով ընդունեցինք այն լուրը, որ Դուք 2021 թուականը հռչակել էք Արցախի տարի: Դա մէկ անգամ եւս վկայում է, որ հայ ժողովուրդը միասնական է ու միակամ թէ՛ ցաւի ու վշտի եւ թէ՛ յաղթանակի պահին՝ լինի Արցախում, մայր Հայաստանում թէ Սփիւռքում:
Լիայոյս եմ, որ մենք կը կարողանանք բոլորս միասին, ապաւինելով Աստծոյ զօրութեանը, համատեղելով համայն հայութեան ներուժն ու ջանքերը, յաղթահարել մեր Հայրենիքին պատուհասած այս ահաւոր փորձութիւնը եւս, մէկընդմիշտ շրջել պատմութեան սեւ էջը եւ շարունակել ապրել ու արարել՝ յանուն մեր նահատակների ու ապագայ սերունդների:
Թոյլ տուէք Արցախի ժողովրդի, իշխանութիւնների եւ անձամբ իմ անունից շնորհակալութիւն յայտնել Ձեզ՝ մշտապէս Արցախի կողքին լինելու, ըստ ամենայնի աջակցելու ու սատարելու համար: Մենք բարձր ենք գնահատում Ձեր աստուածահաճոյ ու հայրենանուէր առաքելութիւնն՝ ուղղուած համազգային խնդիրների լուծմանը, հոգեւոր ու ազգային արժէքների պահպանմանն ու ամրապնդմանը, աշխարհասփիւռ հայութեան համախմբմանն ու բարգաւաճմանը:
Ընդունէք, խնդրեմ, խորին յարգանացս հաւաստիքն ու ջերմ բարեմաղթանքները: Խաղաղութիւն, արեւշատութիւն ու ամենայն բարիք Ձեզ, մեր Հայրենիքին ու ժողովրդին:
