Չորեքշաբթի, 28 Սեպտեմբերի, 2022
- Գովազդ -spot_img

Սուրբ Ստեփանոս Նախասարկաւագի Տօնը Անթիլիասի Մայրավանքին Մէջ

- Գովազդ -spot_img
spot_img

ԽՄԲԱԳՐԻ ԸՆՏՐԱՆԻ

Ն.Ս.Օ.Տ.Տ. Արամ Ա. Կաթողիկոսի նախագահութեամբ, Կիրակի, 27 Դեկտեմբեր 2020-ին, Անթիլիասի Մայրավանքի Ս. Գրիգոր Լուսաւորիչ Մայր Տաճարին մէջ հանդիսաւորապէս նշուեցաւ Ս. Ստեփանոս Նախասարկաւագին ու նախավկային տօնը։ Ս. եւ Անմահ Պատարագը մատուցեց եւ յաւուր պատշաճի քարոզեց Մայր Տաճարի լուսարարապետ Գերշ. Տ. Մակար Եպս. Աշգարեան, իսկ Ս. Սեղանի սպասարկութիւնը կատարեց Դպրեվանքի սարկաւագաց դասը։

Ս. Պատարագի աւարտին, իր Հայրապետական պատգամին մէջ Վեհափառ Հայրապետը նշեց, որ քրիստոնէական եկեղեցւոյ կեանքին մէջ Ս. Ստեփանոս Նախասարկաւագ հոմանիշ է ծառայութեան եւ հետաւաբար սարկաւագութիւնը ծառայութիւն է, իսկ ծառայութիւնը եկեղեցւոյ էութիւնն է։ Հայրապետը յիշեցուց, որ Քրիստոս աշխարհ եկաւ ոչ թէ ծառայութիւն ստանալու, այլ՝ ծառայելու, ուստի Քրիստոսի խոհրդական մարմինը՝ եկեղեցին, ծառայութիւն է։ Նորին Սրբութիւնը յայտնեց, որ եկեղեցւոյ հոգեւոր մշակին առաքելութիւնը եկեղեցին ժողովուրդին տանիլ է որպէս ծառայութիւն. այնպէս ինչպէս Քրիստոս՝ աշխարհի առաջին մեծագոյն ու գերագոյն ծառան, իր իշխանութիւնը կերտեց եւ իր հեղինակութիւնը արտայայտեց ծառայելով։ Հայրապետը նշեց, որ Մեծի Տանն Կիլիկիոյ Կաթողիկոսութիւնը իր Դպրեվանքին մէջ ա՛յս գիտակցութեամբ հոգեւոր մշակներ կը պատրաստէ եւ իր սպասումը յայտնեց, որ հայ եկեղեցւոյ բոլոր սպասաւորները նոյն գիտակցութեամբ մօտենան այս առաքելութեան։ Պատգամի աւարտին, ան Կիլիկիոյ Կաթողիկոսութեան «Կիլիկիա» թանգարանին մէջ ի պահ դրուած Ս. Ստեփանոս Նախասարկաւագին մասունքը պարունակող խաչով օրհնեց հայ եկեղեցւոյ բոլոր սարկաւագները, ինչպէս նաեւ հոգեւոր մշակներն ու հաւատացեալ ժողովուրդը։

Յայտնենք, որ պատարագիչ սրբազան հայրը իր քարոզին բնաբան ընտրած էր Յովհաննու Աւետարանի 12-րդ գլխուն 24-րդ համարը։ Բացատրելով, թէ ինչպէս սերմը հողին տակ թաղուելով է միայն, որ կը պտղաբերէ, նոյնպէս ալ մեր եսն ու կամքը անտեսելով միայն մենք կրնանք անձնուէր կեանք մը վարել։ Սրբազանը ըսաւ, որ Ս. Ստեփանոսն ալ ընտրութեան հրամայականին առջեւ գտնուած էր եւ իբրեւ կեանքի նշանաբան ընտրած էր Քրիստոսի պարգեւած ծառայութեան ուղին։ Սրբազանը իր քարոզը եզրափակեց տօնին առիթով իր որդիական շնորհաւորանքը ուղղելով Վեհափառ Հայրապետին, որ ամբողջ կեանք մը նուիրած է Աստուծոյ, եկեղեցւոյ, ազգին եւ ժողովուրդին ծառայութեան, ինչպէս նաեւ շնորհաւորեց եկեղեցւոյ բոլոր սարկաւագներն ու սպասաւորները եւ աստուածահաճ ծառայութիւն մաղթեց անոնց՝ Ս. Ստեփանոսի բարեխօսութեամբ ու օրհնութեամբ։

Secure Your Child’s Place at
DREAM BRIDGEMAN ACADEMY

Dream Bridgeman Academy is an international school in Yerevan deploying the Oxford International Curriculum under the supervision and evaluation of Oxford University Press.
It caters for children between the ages of 1.5 yrs to 6 yrs.
Book your tour and secure your place now.
Phone: +374 93 703005
www.bridgeman.am

spot_img
- Գովազդ -spot_img
- Գովազդ -spot_img
- Գովազդ -spot_img

ԹՈՂՆԵԼ ՄԵԿՆԱԲԱՆՈՒԹԻՒՆ

Խնդրում ենք այստեղ մուտքագրել Ձեր մեկնաբանութիւնը։
Խնդրում ենք այստեղ մուտքագրել Ձեր անունը։

Ara D. Kassabian CPA, based in Glendale, California, provides a full range of tax preparation, accounting and bookkeeping services, either in your facility or at our location. Making it quick and easy to file your taxes.

spot_img

Զօրակցիր Զարթօնք Օրաթերթին

ԼՐԱՀՈՍ

Pyro Drone is the leading source of professional FPV drone racing parts, gear, and accessories. We strive our best to deliver the latest and most reliable FPV gear available on the market. Bringing the highest quality at an affordable price, our flagship Hyperlite line is amongst the most competitive FPV drone racing parts in the industry. For FPV racing frames, motors, batteries, straps, and more - Pyro Drone is truly your one stop shop for all things in drone racing!

spot_img
spot_img