Երկուշաբթի, 20 Մայիսի, 2024
- Գովազդ -spot_img

Մենք կարող ենք անցնել այդ դժվարին, բայց կենսականորեն կարեւոր ճանապարհը. Վաղարշակ Հարությունյանի ուղերձը

- Գովազդ -spot_img
spot_img

ԽՄԲԱԳՐԻ ԸՆՏՐԱՆԻ

ՀՀ պաշտպանության նախարար Վաղարշակ Հարությունյանը հանդես է եկել տարեվերջյան ուղերձով: Այն ներկայացնում ենք ստորեւ.

«Սիրելի՛ ծառայակից ընկերներ

2020 թվականը չափազանց ծանր տարի էր հայ ժողովրդի եւ հայոց բանակի համար։ Արցախի դեմ սանձազերծված պատերազմում մենք կորցրեցինք մեր ժողովրդի լավագույն զավակներին, մեր մարտական ընկերներին՝ զինվորների ու հրամանատարների, որոնց հիշատակը ընդմիշտ կմնա բոլորիս սրտերում։ Հավերժ փաʼռք մեր բոլոր հերոսներին։

Բայց այդ պատերազմը եւս մեկ անգամ ի ցույց դրեց հայոց զինվորի ու սպայի անկոտրում ոգին, անձնազոհության անչափելի աստիճանն ու անմնացորդ նվիրումը Հայրենիքին։ Եվ մեզանից յուրաքանչյուրը, զինվորից մինչեւ գեներալ, այսօր եւ հավերժ պարտք ենք մեր բոլոր հերոսներին։ Եվ մեզանից յուրաքանչյուրը՝ զինվորից մինչեւ գեներալ, պարտավոր է վերադարձնել այդ պարտքը։

Մեզանից յուրաքանչյուրն այսուհետ պետք է ընդամենը մեկ առաքելություն ունենա. աշխատել։ Աշխատել ուժերի գերլարումով։ Աշխատել՝ միայն առաջ նայելով։ Աշխատել՝ մտքում ունենալով այն հստակ համոզմունքը, որ իրականացնում ենք ամենակարեւոր առաքելությունը՝ Հայրենիքի պաշտպանությունը։

Աշխատել՝ նախեւառաջ ազնիվ լինելու ինքներս մեր առջեւ ու փորձելու հասկանալ, թե որտեղ թերացանք բանակաշինության կենսականորեն կարեւոր եւ պատասխանատու գործընթացում։ Հասկանալու, խոստովանելու եւ ուղղելու այդ սխալները՝ այլեւս միայն ու միայն ճիշտ ուղղությամբ առաջ շարժվելու համար։

Աշխատել՝ արժանապատիվ կերպով լուծելու բոլոր այն սոցիալական խնդիրները, որոնք պատերազմից հետո ծանրացել են մեր զոհված ու վիրավոր ընկերների, մեր հերոսների ընտանիքների ուսերին։

Աշխատել՝ ստեղծելու մեր զինվորների ու սպաների ծառայության համար անհամեմատ լավ պայմաններ։

Աշխատել՝ ստեղծելու հզոր ռազմարդյունաբերություն, ապագային միտված նորարարական գիտական մտքի մի դարբնոց, որտեղից դուրս կգան մեր վաղվա բանակի սպառազինության առանցքը կազմող գերժամանակակից ու գերարդյունավետ զինատեսակներ։

Աշխատել՝ առավել ամրապնդելու ռազմաքաղաքական կապերը մեր դաշնակից ու բարեկամ երկրների հետ։

Աշխատել՝ առավել կարեւորելու ժամանակակից ու մրցունակ կրթության դերը հայոց վաղվա բանակի փայլուն սպաներ պատրաստելու գործընթացում, սպաներ, որոնք կազմելու են զինված ուժերի հրամանատարական կորիզը։

Սիրելի՛ ծառայակից ընկերներ.

Մեզ բոլորիս իսկապես շատ ծանր աշխատանք է սպասվում։ Բայց դա աշխատանք է, որի շնորհիվ մենք կունենանք շատ ավելի գրավիչ սոցիալական ու կենցաղային պայմաններ ծառայության համար, շատ ավելի ժամանակակից ու էֆեկտիվ սպառազինություն, շատ ավելի մարտունակ ստորաբաժանումներ, եւ, որպես վերջնարդյունք, շատ ավելի հզոր բանակ, բանակ, որի մասին երազում է մեզանից յուրաքանչյուրը։

Առավել քան վստահ եմ, որ մենք կարող ենք անցնել այդ դժվարին, բայց կենսականորեն կարեւոր ճանապարհը։ Իսկ դա անելու համար մեզ անհրաժեշտ են հավատ, ուժ եւ միասնականություն։

Վստահ եմ, որ մեզանից յուրաքանչյուրը՝ շարքայինից մինչեւ գեներալ, կգործադրի հնարավոր առավելագույն ջանք՝ մեզ բոլորիս, ողջ հայությանը միավորող կարեւորագույն գաղափարի՝ Հայրենիքի անվտանգության ու պաշտպանության սրբազան առաքելությունը լիարժեք իրականացնելու համար։

Եվ ուրեմն՝ ի գործ։ Ի գործ՝ հանուն մեր հերոսացած ընկերների անմահ հիշատակի։ Ի գործ՝ հանուն մեր պետության ու ժողովրդի։

Secure Your Child’s Place at
DREAM BRIDGEMAN ACADEMY

Dream Bridgeman Academy is an international school in Yerevan deploying the Oxford International Curriculum under the supervision and evaluation of Oxford University Press.
It caters for children between the ages of 1.5 yrs to 6 yrs.
Book your tour and secure your place now.
Phone: +374 93 703005
www.bridgeman.am

spot_img
- Գովազդ -spot_img
- Գովազդ -spot_img
- Գովազդ -spot_img

Ara D. Kassabian CPA, based in Glendale, California, provides a full range of tax preparation, accounting and bookkeeping services, either in your facility or at our location. Making it quick and easy to file your taxes.

spot_img

Զօրակցիր Զարթօնք Օրաթերթին

ԼՐԱՀՈՍ

Pyro Drone is the leading source of professional FPV drone racing parts, gear, and accessories. We strive our best to deliver the latest and most reliable FPV gear available on the market. Bringing the highest quality at an affordable price, our flagship Hyperlite line is amongst the most competitive FPV drone racing parts in the industry. For FPV racing frames, motors, batteries, straps, and more - Pyro Drone is truly your one stop shop for all things in drone racing!

spot_img
spot_img