Ուրբաթ, 29 Մարտի, 2024
- Գովազդ -spot_img

Կաղանդը`Պսակաձեւ Ժահրի Շուքին Տակ

- Գովազդ -spot_img
spot_img

ԽՄԲԱԳՐԻ ԸՆՏՐԱՆԻ

ԳԷՈՐԳ ՔԷՕՇԿԷՐԵԱՆ

Կաղանդը այս տարի դժբախտաբար իր երբեմնի փայլքը կորսնցուցած է, մեզի ծանօթ պատճառներով։ Պսակաձեւ ժահրէն վարակուողներու եւ մահացողներու թիւը սկսած է տարօրինակ կերպով աճիլ՝ երկրորդ անգամ ըլլալով, աշխարհով մէկ։

Հետեւաբար՝ կանխազգուշական միջոցները ամենուրէք դարձեալ սկսան գործադրութեան դրուիլ, մարդոց ապահովութեան եւ առողջութեան համար։ Սա կը նշանակէ դիմակներու գործածութիւնը, իրարմէ վեց ոտք հեռու մնալու պարտադրանքն ու յաճախ ձեռք լուալու անհրաժեշտութիւնը։

Նոյնիսկ աւանդութիւն դարձած Յունուար 1-ի Վարդերու Փառատօնը՝ Փասատինա քաղաքին մէջ, ջնջուեցաւ։ Փառատօն մը՝ որ 1891-էն սկսեալ միայն երեք անգամ ջնջուած էր, երկրորդ համաշխարհային պատերազմի ընթացքին։ Առաւել՝ Նիւ Եորք քաղաքը այս տարի Ամանորը պիտի տօնէ առանց ժողովուրդի ներկայութեան։ Ուրեմն երեւակայեցէք թէ որքան լուրջ է այս համաճարակը!

Իսկ եթէ կանխազգուշական վերոյիշեալ միջոցները դրական արդիւնք չտան, պետական մարմինները ստիպուած՝ աւելի ազդու քայլեր պիտի առնեն։ Այդ քայլերը կը բնորոշուին բնակարաններէն դուրս չգալու հարկադրանքը, այսինքն՝ ակամայ կալանք . . .

Կաղանդը՝ յատկապէս մանուկներու համար, ուրախութեան օր է։ Ինչո՞ւ, որովհետեւ անոնք մէկ տարի անձկութեամբ կ՛սպասեն այդ օրուան՝ որպէսզի նուէրներ ստանան եւ ընտանեկան զուարթ մթնոլորտի մը մէջ, տօնախմբեն ամանորը եւ միասնաբար հաճելի ժամանակ մը անցնեն, չէ՞ք խորհիր։

Կաղանդի խորհրդանիշը՝ մանուկներու համար, Կաղանդ Պապան է։ Այս տարի սակայն, Կաղանդ Պապային  հետ աւանդական տեսակցութիւնը սովորական գոց զբօսավայրերու (Mall) մէջ, ջնջուած է՝ անսալով պետական յանձնարարութեանց։

Շուկաներու, ճաշարաններու եւ զբօսավայրերու փակ մնալը տնտեսական մեծ տագնապ մը ստեղծեց թէ գործատէրերուն եւ թէ ալ անոնց գործաւորներուն համար, տօնական այս օրերուն։ Նշենք որ՝ Պսակաձեւ Ժահրի համաճարակը նաեւ ազդեց պարզ ժողովուրդին վրայ, որոնք տուներու մէջ բանտարկուած մնալու ստիպողանքին տակ՝ տէր դարձան հոգեկան զանազան հիւանդութիւններու։ Պատահական չէ ուրեմն որ անձնասպանութեանց թիւը բաւական մեծ աճում արձանագրեց, գէթ ամերիկայի տարածքին։

Վերադառնալով Կաղանդ Պապայի այցելութեան, գոհացում տալու համար պետական առողջապահական ճնշումներուն՝ տարբեր երկիրներ որդեգրեցին հնարամիտ միջոցներ, որպէսզի մանուկները՝ ամենուրէք, չզրկուին Կաղանդ Պապային հետ հանդիպելու հազուագիւտ առիթէն։

* Ի՞նչ ըրաւ Ամերիկան։ Մեր առաջին նկարը կը բացատրէ ամէն ինչ։     Հոս՝ Կաղանդ Պապան բազմած է փլասթիքէ փուչիկի մը մէջ, որպէսզի մանուկները չկարենան դպնալ իրեն եւ զերծ մնան վարակումէ . . .

* Ի՞նչ ըրաւ Ռուսիան։ Մեր երկրորդ նկարը ցոյց կու տայ որ Կաղանդ Պապան մանուկներու հիւանդանոցի մը շէնքին առաստաղէն չուանով մը վար առնուած է, որպէսզի երեխաները պատուհանին ետեւէն տեսնեն զինք եւ զուարճանան . . .

* Ի՞նչ եղաւ Պրազիլի մէջ։ Ռիօ տը Ժանէրօ քաղաքը նշանաւոր է իր տեսարժան վայրերէն՝ Sugar Loaf լեռով, ուր այցելուներ կը բարձրանան  ճոպանուղիով (cable car)։ Եւ ահա մեր երրորդ նկարը ցոյց կու տայ Կաղանդ Պապային ժամադրութիւնը, հոն հաւաքուած մանուկներուն հետ . . .

* Հիմա գալով Աւստրալիոյ, հոն տեղի ունեցածը բոլորովին անակնկալ մըն է ենթակայ ընտանիքին համար։ Արդարեւ՝ մեր չորրորդ նկարը ցոյց կու տայ անոնց Կաղանդի ծառը, որուն վրայ հիւրաբար տեղ գրաւած է տեղական ծագում ունեցող փոքրիկ արջը (koala bear) . . .

Եզրակացութիւն՝ ուրեմն որքան որ ալ երկրի մը տնտեսական, ընկերային թէ առողջապահական պայմանները ծանր ըլլան, մարդիկ միշտ ալ ելք մը կ՛որոնեն իրենց աւանդութիւնները պահելու եւ ուրախ մթնոլորտ մը ստեղծելու գէթ՝ հազարաւոր անմեղ մանուկներուն համար, որոնք անտեղեակ են ընդհանրապէս իրենց շուրջի չարագուշակ անց ու դարձերէն։ Յուսանք յաջորդ Կաղանդը աւելի աւետաբեր կ՛ըլլայ!    

Secure Your Child’s Place at
DREAM BRIDGEMAN ACADEMY

Dream Bridgeman Academy is an international school in Yerevan deploying the Oxford International Curriculum under the supervision and evaluation of Oxford University Press.
It caters for children between the ages of 1.5 yrs to 6 yrs.
Book your tour and secure your place now.
Phone: +374 93 703005
www.bridgeman.am

spot_img
- Գովազդ -spot_img
- Գովազդ -spot_img
- Գովազդ -spot_img

Ara D. Kassabian CPA, based in Glendale, California, provides a full range of tax preparation, accounting and bookkeeping services, either in your facility or at our location. Making it quick and easy to file your taxes.

spot_img

Զօրակցիր Զարթօնք Օրաթերթին

ԼՐԱՀՈՍ

Pyro Drone is the leading source of professional FPV drone racing parts, gear, and accessories. We strive our best to deliver the latest and most reliable FPV gear available on the market. Bringing the highest quality at an affordable price, our flagship Hyperlite line is amongst the most competitive FPV drone racing parts in the industry. For FPV racing frames, motors, batteries, straps, and more - Pyro Drone is truly your one stop shop for all things in drone racing!

spot_img
spot_img