Սրտագին Կոչ

Մեր հաւաքական թէ անձնական կեանքին մէջ վերջերս երեւոյթ դարձած են.-

• Հայ ժողովուրդի մշակոյթին անյարիր, փողոցային բառապաշարով,
• Ոչ-կիրթ մտադրոյթով,
• Հակատրամաբանական վիճարկումներով,
• Անհանդուրժողական դրսեւերումներով,

Հայ մարդուն անվայել՝ հայավնաս յատկանիշերով բնորոշուող,

ֆէյսպուքեան, հանրային հաղորդակցութեանց, ընկերային հաղորդակցամիջոցներու, թէ հաւաքական միջավայրերու մէջ եւ շուրջ շրջանառուող՝ գրառումները, արձանագրութիւնները, խօսակցութիւնները եւ հաղորդումները:

Մենք` ԶԱՐԹՕՆՔ-ի ընտանիքի անդամներ եւ բարեկամներ, Հայ ժողովուրդին բարօր ապագային ու անոր համամարդկային վերելքին սատարող առաքելութեան հաւատացող հայեր.-

• Որ կը հաւատանք թէ կարելի է ամրակերտել հայութեան բարօր ապագան՝ Հայաստանի եւ Արցախի անկախ հանրապետութիւններու տարածքին վրայ,
• Որ կը հաւատանք թէ հայութիւնը մարդկային առաքելութիւն ունի սատարելու համամարդկային վերելքին,
• Որ չենք հրաժարած հայութենէն,

Կոչ կ’ուղղենք անպայման եւ անմիջապէս դադրեցնել այս երեւոյթը, որովհետեւ այս ընթացքը յղի է հայութիւնը անհետացնող բոլոր գործարքներով:

Փոխարէնը կ’առաջարկենք քննարկել.-

• Հայութեան բարօր ապագան՝ Հայաստանի եւ Արցախի անկախ հանրապետութիւններու տարածքին վրայ, ամրակերտելու,
• Հայութեան՝ համամարդկային վերելքին սատարելու մարդկային առաքելութեան,
• Սփիւռքի գոյատեւման,

եւ նման շինիչ նիւթերու վերաբերող հարցեր:

ԶԱՐԹՕՆՔ-ի ընտանիքի

անդամներ եւ բարեկամներ