Գրիգոր Քէշիշեան (12 Օգոստոս 1921, Ատանա (Կիլիկիա) — 14 Յունուար 1980, Երեւան), արձակագիր, թարգմանիչ, իսկ 1946-էն՝ ԽՍՀՄ Գրողներու Միութեան անդամ։
Ծնած է Կիլիկիոյ Ատանա քաղաքը։ Հայրը, որ բնիկ Վահկացի էր, եղած է Սիսի 1921-ի ինքնապաշտպանական հերոսամարտի ղեկավարներէն։ Նախնական կրթութիւնը ստացած է Պէյրութի մէջ, 1941-ին’ Նիկոսիայի (Կիպրոսի) «Մելգոնեան Կրթական Հաստատութիւն»ը։ 1941-43-ին Պէյրութի մէջ աշխատած է իբրեւ գրագիր։ 1943-46-ին ուսումը շարունակած է Պէյրութի Ամերիկեան համալսարանին մէջ։
1946 թուականին ներգաղթած է Հայաստան, ուր աւարտած է համալսարանի բանասիրական ճիւղը։ Աշխատած է զանազան թերթերու եւ Հայկական Հանրագիտարանի խմբագրութեանց մէջ։
Մահացած է Երեւան։
Գրած է պատմուածքներ եւ վիպակներ։ Պատմուածքներու ժողովածուներն են՝ «Մեծ Ճանապարհի Վրայ», «Պատմուածքներ», «Քեզնից Հեռու Քեզ Հետ» եւ այլն։ Իր վիպակներէն են՝ «Կտակը», «կղզի Նման Չիք Մեր Կիպրեայ»։
