Երեքշաբթի, 28 Մայիսի, 2024
- Գովազդ -spot_img

Իրաքահայերու Հայ Ընտանեկան Միութիւն. Հայ Ընտանեկան Շաբաթօրեայ Վարժարանի Ամանորեայ Հանդէսը

- Գովազդ -spot_img
spot_img

ԽՄԲԱԳՐԻ ԸՆՏՐԱՆԻ

ԽԱՉԻԿ ՃԱՆՈՅԵԱՆ

«Երնէկ, թէ այս Նոր Տարին,

Վերջ տայ հայի ցաւերին,

Չարը կորչեր ու բարին,

Բոյն դնէ մեր սրտերին»։

Ռաֆայէլ Պատկանեան

Իրաքահայերու Հայ Ընտանեկան Շաբաթօրեայ վարժարանի 42-րդ Ամանորեան հանդէսը տեղի ունեցաւ Շաբաթ, Յունուար 9, 2021 առաւօտեան ժամը 11։00-ին։

Այս հանդէսը նախատեսուած էր տեղի ունենայ Շաբաթ, Դեկտեմբեր 19, 2020-ին բայց Մայր Հայաստանի մէջ Դեկտ. 19-22 սգոյ օրեր հռչակուած ըլլալուն համար, վարժարանի վարչութիւնը եւ տնօրէնութիւնը առ ի յարգանք եւ ցաւակցութիւն ողջ աշխարհատարած հայութեան, այս հանդէսը յետաձգեցին եւ յայտագրէն հանեցին երգի, պարի եւ ուրախ ելոյթներու բաժինները։

Պսակաձեւ ժահրի պատճառաւ, անցեալ տարուայ Մարտ 2020-էն սկսեալ վարժարանի տնօրէնութիւնը եւ ուսուցչական կազմը, գեղեցիկ գաղափարը ունեցան  առ ցանց դասեր կազմակերպել։ Նոյնիսկ ամառուայ շրջանին մեր կամաւոր թանկագին ուսուցչուհիները լման երեք ամիս շարունակեցին դասերը մեր աշակերտներուն արդիւնաւոր օրեր պարգեւելով։

Շաբաթ, Յունուար 9-ին առաւօտեան ժամը 11։00-ին վարժարանի ժրաջան տնօրէնուհի Տիկ. Անահիտ Թովմասեան-Խաչատրեանի խիստ տպաւորիչ եւ բովանդակալից բացման խօսքով ողջունեց հանդէսին առ ցանց հետեւող մօտ 300 դիտորդները։

Շնորհաւորեց բոլորին Նոր Տարին իր բարի եւ գեղեցիկ մաղթանքները յղելով, ապա ընթացք տուաւ հանդէսին։ Ինչպէս յիշեցինք, Ամանորեայ այս հանդէսի յայտագիրէն դուրս դրուած էին ուրախ երգերը, պարերը եւ ելոյթները։ Այսուհանդերձ մեր աշակերտները այդ օր 30-է աւելի կտորներէ բաղկացած հոյակապ ելոյթներ ունեցան։

Արդարեւ, խօսք եւ բառ չունինք ներկայացնելու մեր ուսուցչուհիներուն սքանչելի աշխատանքի արդիւնքը եղող այդ հանդէսը դիտելով։

Մեր փոքրիկները իրենց ուսուցչուհիներուն հսկողութեամբ եւ ելոյթներով ներկայացուցին Յիսուսի Հրաշափառ ծնունդը, Բեթղեհէմի Մսուրին մէջ, Մոգերուն այցելութիւն Նորածին Յիսուսին, որոնք նուէրներ բերած էին, եւ ինչպէս երկինքը դողդղաց՝ երբ հրեշտակները գեղաձայն կ՚երգէին «Փառք ի բարձրեալ Աստուծոյ եւ երկիր խաղաղութիւնը ի մարդիկ հաճութիւնը»։ Աշակերտները խորապէս յուզեցին առ ցանց հետեւող դպրոցի ծնողները բարեկամները։

Նմանապէս աշակերտներ իրենց մանկական բարի եւ սրտագին մաղթանքներով եւ արտասանութիւններով շնորհաւորեցին իրենց ծնողքը եւ ողջ հայութեան Նոր Տարին։

Ձեռնարկին ներկայ էին Իրաքահայերու Միութեան ատենապետուհի Տոքթ. Մարալ Անճարկօլեան եւ դպրոցի հոգաբարձութեան ատենապետ՝ Խաչիկ Ճանոյեան, որոնք սրտի խօսքերով ելոյթ ունեցան եւ շնորհաւորեցին ծնողներուն, աշակերտներուն եւ ուսուցչուհիներուն Նոր Տարի եւ Ս. Ծնունդը։

Պարոն Ճանոյեան իր խօսքերով գնահատեց դպրոցի կամաւոր ուսուցչուհիները, որոնք իրենց տուները, հանգիստը եւ առօրեայ գործերը ձգած՝ այս սուրբ եւ պատուական գործին լծուած են։

Դպրոցի ուսուցչուհիներն են.

Տնօրէնուհի Տիկ. Անահիտ Թովմասեան-Խաչատրեան

Ուսուցչուհիներ՝

Մարիէթա Անասեան երգի ուսուցչուհի

Մարօ Թութէլեան

Մարիամ Պապայեան

Տաթեւ Կարապետեան

Տաթեւ Օհաննէսեան

Ամէն մէկ ուսուցչուհի դասարանէն ներս ունի մէկ երկու օգնական, որոնց նաեւ շնորհաւորական խօսք ունէինք։

Ջերմօրէն կը շնորհաւորենք Իրաքահայերու Միութեան ղեկավարները, որ 42 տարիէ իվեր կը պահեն այս անվճառ վարժարանը։

Գնահատանքի ամենաջերմ խօսք ունինք մեր թանկագին կամաւոր ուսուցչուհիներուն գլխաւորութեամբ համակ նուիրում, օրինակելի տնօրէնուհիով։

Բոլորին կը մաղթենք բարեբեր եւ օրհնաբեր տարի մը։

Secure Your Child’s Place at
DREAM BRIDGEMAN ACADEMY

Dream Bridgeman Academy is an international school in Yerevan deploying the Oxford International Curriculum under the supervision and evaluation of Oxford University Press.
It caters for children between the ages of 1.5 yrs to 6 yrs.
Book your tour and secure your place now.
Phone: +374 93 703005
www.bridgeman.am

spot_img
- Գովազդ -spot_img
- Գովազդ -spot_img
- Գովազդ -spot_img

Ara D. Kassabian CPA, based in Glendale, California, provides a full range of tax preparation, accounting and bookkeeping services, either in your facility or at our location. Making it quick and easy to file your taxes.

spot_img

Զօրակցիր Զարթօնք Օրաթերթին

ԼՐԱՀՈՍ

Pyro Drone is the leading source of professional FPV drone racing parts, gear, and accessories. We strive our best to deliver the latest and most reliable FPV gear available on the market. Bringing the highest quality at an affordable price, our flagship Hyperlite line is amongst the most competitive FPV drone racing parts in the industry. For FPV racing frames, motors, batteries, straps, and more - Pyro Drone is truly your one stop shop for all things in drone racing!

spot_img
spot_img