Մյանմայի զինվորական կառավարությունը ինտերնետ-պրովայդերներին կարգադրել Է ժամանակավորապես արգելափակել Facebook մուտքի հնարավորությունը՝ երկրում տեղի ունեցած հեղաշրջումից մի քանի օր անց աճող բողոքների ֆոնին: Այդ մասին հաղորդել Է Bloomberg-ը, տեղեկացնում Է «Արմենպրես»-ը:
Ընկերության մամուլի քարտուղարի խոսքով՝ Facebook-ին հայտնի Է, որ «ներկայում սոցցանցը հասանելի չԷ առանձին մարդկանց»:
«Մենք համառորեն կոչ ենք անում իշխանություններին՝ վերականգնել կապը, որպեսզի Մյանմայում մարդիկ կարողանան հաղորդակցվել իրենց ընտանիքների ու ընկերների հետ եւ կարեւոր տեղեկատվությունից օգտվելու հնարավորություն ստանալ»,-ասվում Է Facebook-ի ներկայացուցչի հայտարարության մեջ:
Բացի այդ, NetBlocks ինտերնետ-մոնիթորինգի տվյալներով, Մյանմայում նաեւ արգելափակված են Instagram-ը, ինչպես նաեւ հաղորդագրությունների փոխանակման WhatsApp եւ Facebook Messenger ծառայությունները:
«Facebook մուտքի հնարավորությունն այժմ արգելափակած Է Մյանմայի բազմաթիվ ինտերնետ-պրովայդերների կողմից, քանի որ օպերատորները պահպանում են արգելափակման մասին ակնհայտ կարգադրությունը»,-ասվում Է Twitter-ում զետեղված NetBlocks-ի հաղորդագրության մեջ:
Մի քանի ԶԼՄ-ների տվյալներով, զինվորական կառավարության կարգադրությունը պրովայդերներին պատվիրում Է Facebook մուտքի հնարավորությունը սահմանափակել մինչեւ փետրվարի 7-ի կեսգիշեր, հաղորդել Է «Ինտերֆաքս»-ը:
