Երկուշաբթի, 22 Հուլիսի, 2024
- Գովազդ -spot_img

ՆԱՄԱԿԱՆԻ

- Գովազդ -spot_img
spot_img

ԽՄԲԱԳՐԻ ԸՆՏՐԱՆԻ

Սիրելի՛ Սեւակ,

Բարի լո՜յս վիրաւոր Հայրենիքէն:

Նախ՝ կ՛ողջունեմ Ռուբինա Օհանեանի հետաքրքրական առաջարկը՝ ԶԱՐԹՕՆՔ-ի մէջ ընթերցողները ներկայացնեն ուրիշներու ընթերցել յանձնարարած գիրքերու անուններ: Ցանկը հրապարակած էք 19 փետրուարի թիւին մէջ:

Ցանկը մանրամասն կարդալէ ետք, հետեւեալ պատկերը պարզուեցաւ.

— Յանձնարարելի գիրքերուն լեզուները (բացի մէկ գիրքի անունէ) երեքն են՝ հայերէնը, անգլերէնը եւ սպաներէնը (վերջին լեզուով գիրքերը յանձնարարած է Արժանթին ապրող Սերխիօ Նահապետեանը միայն): Ուշագրաւ է, որ ֆրանսերէն, գերմաներէն, ռուսերէն ՈՉ ՄԷԿ ԳԻՐՔ յիշատակուած է, իսկ արաբերէն՝ միայն մէկ հատ, թէեւ արաբ-լիբանանցի հեղինակներու (Ճըպրան Խալիլ Ճըպրան, Ամին Մաալուֆ) անգլերէն գիրքեր նշուած են: Պատասխանողներուն մեծ մասը մշտապէս կ՛ապրի Լիբանանի մէջ եւ արաբերէնը շատ լաւ գիտէ. Լիբանան՝ արաբական երկիր եւ յանձնարարելի ՄԷԿ ԱՐԱԲԵՐԷՆ ԳԻՐՔ… Շա՜տ հետաքրքրական փաստ է:

— Պատասխանած 44 հոգիէն 13 հոգին (30 տոկոսը) ՀԱՅ ԸՆԹԵՐՑՈՂՆԵՐՈՒՆ յանձնարարած է ԲԱՑԱՌԱՊԷՍ ԱՆԳԼԵՐԷՆ գիրքեր: Ասիկա ՄԵԾ ՈՂԲԵՐԳՈՒԹԻՒՆ է եւ ցոյց կու տայ, թէ համաշխարհայնացում կոչուած հրէշը ինչպիսի աւեր գործած է ու կը շարունակէ գործել հայութեան մէջ: Այս տոկոսը առնուազն ենթադրել կու տայ, թէ այդ յանձնարարողները ընդհանրապէս հայերէն գիրք չեն կարդար, այլապէս յանձնարարելի շատ հրատարակութիւններ պիտի գտնէին մեր գրականութեան մէջ ալ: Ցաւս շատ աւելի մեծ է, որ միայն անգլերէն գիրքեր յանձնարարողներու մէկ կարեւոր մասը իր կրթութիւնն ստացած է Վահան Թէքէեան վարժարանին, այնուհետեւ Հ. Բ. Ը. Մ.ի Դարուհի Յակոբեան եւ Յովակիմեան-Մանուկեան երկրորդական վարժարաններուն մէջ՝ աշակերտելով, անուղղակիօրէն, հայերէնապաշտ Վահան Թէքէեանին, եւ ուղղակիօրէն, նոյնպէս հայերէնապաշտ մեծութիւններ Գերսամ Ահարոնեանին, Վահէ-Վահեանին, Օննիկ Սարգիսեանին եւ միւս երախտաւորներուն: Նկատելի է նաեւ, որ միայն անգլերէն գիրքեր յանձնարարողներուն մ մեծ մասն ալ կա՛մ ՌԱԿ-ի անդամ է, կա՛մ համակիր շրջանակի մաս կը կազմէ:

Վերոյիշեալ փաստերէն կարելի է եզրակացնել, թէ հայերէնն ու հայկական ինքնութիւնը անընդհատ նահանջի մէջ են սփիւռքի մէջ, նոյնիսկ՝ վերջինիս հայատրոփ ամրոցը յայտարարուող Լիբանանի մէջ, նոյնիսկ Հայ Դատէ, հայապահպանումէ եւ այլնէ խօսող կուսակցական ու համակիր շրջանակներու մէջ:

Այս բոլորը պէտք է լուրջ հետեւութիւններու յանգեցնեն մեր պետական, կուսակցական եւ կրթական շրջանակները՝ անշուշտ եթէ անոնք ԻՍԿԱՊԷ՛Ս մտահոգուած են հայութեան յարատեւութեան գերխնդիրով:

Յարգանքներով՝

ԳԷՈՐԳ ԵԱԶԸՃԵԱՆ

Երեւան

Ծանօթ. Պէտք է նկատի ունենալ, որ յանձնարարողները՝ գիտական ուսումնասիրութեան մը յատուկ՝ ճշգրիտ կերպով ընտրուած ներկայացուցչական օրինակ (representative sample) չեն հանդիսանար: Այսուամենայնիւ, թերթիս սիրելի բարեկամ՝ Գէորգ Եազըճեանին նամակին վերջաբանը, աւելի քան դիպուկ է: Ամէն պարագային, նշեալ կողմերը լրջութեամբ պէտք է մօտենան անոր մէջի թելադրութեան – Խմբ:

Secure Your Child’s Place at
DREAM BRIDGEMAN ACADEMY

Dream Bridgeman Academy is an international school in Yerevan deploying the Oxford International Curriculum under the supervision and evaluation of Oxford University Press.
It caters for children between the ages of 1.5 yrs to 6 yrs.
Book your tour and secure your place now.
Phone: +374 93 703005
www.bridgeman.am

spot_img
- Գովազդ -spot_img
- Գովազդ -spot_img
- Գովազդ -spot_img

Ara D. Kassabian CPA, based in Glendale, California, provides a full range of tax preparation, accounting and bookkeeping services, either in your facility or at our location. Making it quick and easy to file your taxes.

spot_img

Զօրակցիր Զարթօնք Օրաթերթին

ԼՐԱՀՈՍ

Pyro Drone is the leading source of professional FPV drone racing parts, gear, and accessories. We strive our best to deliver the latest and most reliable FPV gear available on the market. Bringing the highest quality at an affordable price, our flagship Hyperlite line is amongst the most competitive FPV drone racing parts in the industry. For FPV racing frames, motors, batteries, straps, and more - Pyro Drone is truly your one stop shop for all things in drone racing!

spot_img
spot_img