Ուրբաթ, 29 Մարտի, 2024
- Գովազդ -spot_img

Հայաստանեայց Առաքելական Սուրբ Եկեղեցին Պիտի Շարունակի Ամենայն Ջանք Ի Գործ Դնել Լարուած Մթնոլորտի Լիցքաթափման Եւ Ներհասարակական Միասնականութեան Ու Համերաշխութեան Վերականգնման Ուղղութեամբ. Գերագոյն Հոգեւոր Խորհուրդ

- Գովազդ -spot_img
spot_img

ԽՄԲԱԳՐԻ ԸՆՏՐԱՆԻ

Մայր Աթոռ Սուրբ Էջմիածնում գումարուած Գերագոյն հոգեւոր խորհրդի ժողովի ընթացքում անդրադարձ կատարելով արցախեան պատերազմին, Հայաստանի ու Արցախի առջեւ ծառացած յետպատերազմեան ներքին եւ արտաքին մարտահրաւէրներին, նաեւ համակողմանիօրէն քննարկելով հայրենիքում տեղ գտնող զարգացումները, մասնաւորապէս փետրուարի 25-ին ՀՀ Զինուած ուժերի հրամանատարութեան յայտարարութեան եւ ՀՀ վարչապետի արձագանքի առիթով ստեղծուած դժուարին կացութիւնը՝ մեր խորը մտահոգութիւնն ենք արտայայտում՝

— պատերազմի հետեւանքով հայրենիքում տիրող քաղաքական ծանր իրադրութեան առնչութեամբ, որն օրէցօր խորացնում է տնտեսական, սոցիալական եւ հասարակական խնդիրները, էլ աւելի ծանրացնում բարոյահոգեբանական անկեալ վիճակը,

— առկայ իրավիճակի յաղթահարման ուղղութեամբ ՀՀ իշխանութիւնների կատարած քայլերի անարդիւնաւէտութեան, հասարակական-քաղաքական կարեւորագոյն հարցերի վերաբերեալ խնդրայարոյց դիրքորոշումների առնչութեամբ, որոնք յանգեցնելու են նոր պառակտումների, առկայ ներքին եւ արտաքին մարտահրաւէրների ահագնացման, հայրենիքի ապագայի հանդէպ անվստահութեան արմատաւորման եւ արտագաղթի՝ լուրջ սպառնալիք դառնալով Հայաստանի անվտանգութեան եւ Արցախի յետագայ վերականգնման ու առաջընթացի համար։

Անընդունելի ենք նկատում քաղաքական պայքարի շրջանակներում սերմանուող ատելութիւնը եւ անհանդուրժողականութիւնը, փոխադարձ անարգանքն ու հայհոյախօսութիւնը, քաղաքացիների զգացմունքների շահարկումը, ի հետեւանս որոնց նաեւ երկրի հեղինակազրկումը միջազգային հանրութեան առջեւ։

Յորդորում ենք՝

— իրաւապահ մարմիններին՝ զերծ մնալ խաղաղ ցոյցերի եւ հաւաքների ժամանակ բռնութիւններից եւ անհամաչափ ուժի կիրառութիւնից,

— մեր ժողովրդի զաւակներին՝ պահպանել հանդարտութիւն, վարուել խոհեմութեամբ, օրինայարգութեամբ եւ ամենայն պատասխանատուութեամբ՝ չդադարելով լինել նախանձախնդիր եւ հետեւողական հայրենիքի շահերի պաշտպանութեան գործում։

Վերահաստատելով առկայ կացութեան հանգուցալուծման շուրջ Մայր Աթոռ Սուրբ Էջմիածնի արտայայտած դիրքորոշումները եւ օրհասական վիճակի լրջագոյն ցուցիչ դիտարկելով հայրենիքի անվտանգութեան երաշխաւոր հանդիսացող Հայոց բանակի որդեգրած մտահոգ կեցուածքը՝ կոչ ենք անում Ազգային ժողովին եւ իշխանութեան միւս կառոյցներին՝ անհրաժեշտ հետեւութիւնները անել եւ պատասխանատուութեան բարձր գիտակցութեամբ գործել ի սէր հայրենիքի եւ ազգի՝ նոր հիասթափութիւնների չառաջնորդելու մեր ժողովրդին հայրենիքում եւ սփիւռքում։

Կոչ ենք անում ՀՀ իշխանութիւններին եւ ընդդիմադիր ուժերին՝ նպաստել համերաշխութեան հաստատմանը եւ խնդիրների հանգուցալուծումը փնտռել միմիայն համազգային ներուժի համախմբման մէջ՝ հեռու պահելով ժողովրդին հնարաւոր բախումներից։

Նաեւ յորդորում ենք զգուշաւորութիւն դրսեւորել Հայոց բանակի եւ զօրականների առնչութեամբ գնահատականների հարցում եւ նպաստել մեր բանակի սրբազան առաքելութեան արգասաւորմանը։

Ստեղծուած իրավիճակում Հայաստանեայց Առաքելական Սուրբ Եկեղեցին պիտի շարունակի ամենայն ջանք ի գործ դնել լարուած մթնոլորտի լիցքաթափման եւ ներհասարակական միասնականութեան ու համերաշխութեան վերականգնման ուղղութեամբ։

Աղօթում ենք ճգնաժամի արժանապատիւ յաղթահարման համար՝ հայցելով Ամենողորմ Աստծուն Իր Սուրբ Աջի հովանու ներքոյ անվտանգ եւ խաղաղ պահել հայրենի մեր երկիրը եւ մեր ժողովրդին։

Secure Your Child’s Place at
DREAM BRIDGEMAN ACADEMY

Dream Bridgeman Academy is an international school in Yerevan deploying the Oxford International Curriculum under the supervision and evaluation of Oxford University Press.
It caters for children between the ages of 1.5 yrs to 6 yrs.
Book your tour and secure your place now.
Phone: +374 93 703005
www.bridgeman.am

spot_img
- Գովազդ -spot_img
- Գովազդ -spot_img
- Գովազդ -spot_img

Ara D. Kassabian CPA, based in Glendale, California, provides a full range of tax preparation, accounting and bookkeeping services, either in your facility or at our location. Making it quick and easy to file your taxes.

spot_img

Զօրակցիր Զարթօնք Օրաթերթին

ԼՐԱՀՈՍ

Pyro Drone is the leading source of professional FPV drone racing parts, gear, and accessories. We strive our best to deliver the latest and most reliable FPV gear available on the market. Bringing the highest quality at an affordable price, our flagship Hyperlite line is amongst the most competitive FPV drone racing parts in the industry. For FPV racing frames, motors, batteries, straps, and more - Pyro Drone is truly your one stop shop for all things in drone racing!

spot_img
spot_img