ԱՐՄԷՆ ՅՈՎՍԷՓԵԱՆ
Մարդ չի իմանում Նիկոլի խօսքերի վրայ ծիծաղի՞, թէ՞ լաց լինի։ Ան նոյնիսկ չի իմանում՝ եթէ բանակը պիտի ռազմական յեղաշրջում անի, նախապէս չի ասում։ Գործն անում է մէկ օրում, ու ՎԵՐՋ։ Էսքա՞ն տհաս։ Նա յայտարարութեան ու ռազմական յեղաշրջման տարբերութիւնն էլ չի իմանում, ինչպէս որ ոչինչ չի իմանում այս թիւրիմացութիւնը։ Բայց բարեբախտար նրան հաւատացողներ շատ քիչ կան․ փաստը՝ մարդկանց գրառումները։ Նա կորցրել է ժողովրդի համակրանքը։
Կան ոմանք, որ քննադատում են բանակի յայտարարութիւնը։ Բանակը իրաւունք ունի երկիրը դէպի կործանում տանող իշխանութիւնների հեռանալը պահանջի։ Այդ յայտարարութիւնը հակասահմանադրական չէ։ Ի՞նչ անի բանակը․․․ Նստի, թամաշա անի որ Նիկոլը ամեն օր թշնամու հետ մի նոր պայմանաւորուածութիւն հրապարակի ու երկիրը մաս-մաս յանձնի։ Թամաշա՞ անի բանակը։ Սերունդները ի՞նչ կասեն։ Նիկոլի ու Իմ-քայլական՝ Իրենց-քայլականների անունը պատմութեան մէջ արդէն անցաւ որպէս հողատու դաւաճաններ։ Սա չի սրբագրուի երբեք։
Հայաստանի նախագահի նախաձեռնութիւնները դրական կը լինեն միայն այն դէպքում, որ նա պարտադրի Նիկոլին՝ հրաժարուելու:
Դատելով մարդկանց գրառումներից, ու զարմանալիօրէն “Ամերիկայի Ձայն”ի հայկական ծառայութեան բաժնում գրառումներից, մարդիկ Նիկոլի հեռանալն են ուզում։ Թէ ի՞նչ կազմ կունենայ ժամանակաւոր կառավարութիւնը, կան մտահոգութիւններ։ Բայց դա ԲՆԱՒ կարեւոր չէ հիմա։ Առաջնայինը էս խեղկատակին հեռացնելն է, եւ ըստ երեւոյթին, ստացւում է։
Իհարկէ, ժողովուրդը պայքարի այս նոր փուլում անելիք չունի շատ։ Հարցը պիտի լուծուի վերին օղակներում։ Չպիտի ընդունել իշխանութիւնների առաջարկը՝ գնալ ԱԺ-ի ընտրութիւնների։ Դրա մասին խօսելու ժամն աւարտուած է։ Հենց իրենք տապալեցին արտահերթ ընտրութիւնների առաջարկը։ Հիմա ի՞նչ են ասում։ Միակ ելքը Նիկոլի հեռանալն է։
Ժամանակաւոր իշխանութիւնը կը ձեւաւորուի մօտ ապագայում։ Անպայման այդ կազմը չի գոհացնի սպասելիքները, բայց նա նախընտրելի է, եւ պիտի ունենայ մէկ հիմնական նպատակ։ Երկրում պայմաններ ստեղծել արտահերթ առողջ ընտրութիւններ անցկացնելու։ Ժամանակաւոր կառավարութիւնը անելիք շատ ունի։ Հայաստանում պիտի կազմալուծուեն բոլոր ապազգային, հակահայ, ազգադաւ սորոսական ՀԿ-ները, պիտի արգելուի նրանց գործունէութիւնը, պիտի կազմալուծուի ՔՊ կուսակցութիւնն ու միւս թրքածին կազմակերպութիւնները։ Սա հրամայական անհրաժեշտութիւն է։ Այս առումով ժողովուրդը մեծ սպասելիքներ ունի։
Լաւ է լինելու։ Երանի թէ այս զարգացումները աւելի շուտ պատահած լինէին, եւ հայութիւնը չունենար այսքան ահռելի կորուստներ։ Լաւ է լինելու։
