Չորեքշաբթի, 24 Հուլիսի, 2024
- Գովազդ -spot_img

Զինվորների, սպայական կազմի, քաղաքացիների համար նա մարդու և հերոսի ամենալավ օրինակն է. Տեղի ունեցավ Կոմանդոսի հոգեհանգստի արարողությունը

- Գովազդ -spot_img
spot_img

ԽՄԲԱԳՐԻ ԸՆՏՐԱՆԻ

Կարեն Դեմիրճյանի անվան մարզահամերգային համալիրում տեղի ունեցավ Արցախի հերոս, «Ոսկե արծիվ» շքանշանի ասպետ, գեներալ-մայոր Արկադի Տեր-Թադևոսյանի (Կոմանդոս) հոգեհանգստի արարողությունը: Ինչպես տեղեկացնում է «Արմենպրես»-ը, հոգեհանգստի արարողությանը մասնակցում էին բարձրաստիճան պաշտոնյաներ, լեգենդար հրամանատարի մարտական ընկերները, հարազատները և բազմաթիվ քաղաքացիներ:

Արարողությանը ներկա էր ՀՀ նախագահ Արմեն Սարգսյանն, ով լրագրողների հետ ճեպազրույցում ասաց, որ բազմաթիվ հուշեր ունի Կոմանդոսի հետ կապված: «Իմ հիշողության մեջ Կոմանդոսը հոյակապ անձնավորություն էր, շատ բարի, խորը, նվիրյալ մարդ, և այդպես էլ իրեն հիշելու եմ»,- ասաց Սարգսյանը:

Ներկա էր նաև ՀՀ Ազգային ժողովի նախագահ Արարատ Միրզոյանը: Նա Կոմանդոսին համարում է լեգենդար զորահրամանատար և հերոս, ով իր մեծ ավանդն է ներդրել Արցախի ազատագրման գործում և Արցախյան առաջին պատերազմում:

«Բոլորի համար` զինվորների, սպայական կազմի, քաղաքացիների համար նա մարդու և հերոսի  ամենալավ օրինակն է»,- շեշտեց Միրզոյանը:

Պաշտպանության նախարար Վաղարշակ Հարությունյանը լեգենդար հրամանատարին ճանաչել է դեռ 1990-ականներից: ՊՆ նախարարը հիշում է, որ ռազմաքաղաքական ամենադժվարին պահին Կոմանդոսը մեկնեց Ղարաբաղ: Լեգենդար հրամանատարը մի կողմից մասնակցում էր մարտական գործողություններից, մյուս կողմից՝ ձևավորում էր Արցախի բանակը: Հարությունյանը ընդգծեց, որ այդ ժամանակ  Արկադի Տեր-Թադևոսյանը կարողացավ ճիշտ գնահատել բարդ իրավիճակը և գտնել լուծումներ:

«Նա օբյեկտիվ գնահատում էր իրավիճակը և ուներ մի ցանկություն, որպեսզի մեր բանակը լիներ մարտունակ և մեր պետությունը դուրս գար այս ամեն ինչից հաղթանակած»,- ասաց Հարությունյանը:

ՀՀ փոխվարչապետ Տիգրան Ավինյանը նույնպես առանձնացրեց Կոմանդոսի մեծագույն դերակատարությունը Արցախյան առաջին պատերազմում:

«Մեծ ներդնում է ունեցել նա Շուշիի ազատագրման պայքարի ժամանակ, ինքն է գլխավորել այդ օպերացիան: Սա մեծ կորուստ է մեզ համար: Նա որպես օրինակ պետք է ծառայի մեր Զինված ուժերի և զինծառայողների համար և նրա կերպարը, կարծում եմ, մեր պատմության մեջ դաջված է մնալու»,- ասաց Ավինյանը:

Երկրապահ միության նախագահ Սասուն Միքայելյանն էլ նշեց, որ Կոմանդոսը Արցախի ժողովրդի կողմից շատ սիրված մարդ էր և հրամանատար: «Կոմանդոսը թե բանակաշինության, և թե ընդհանրապես Երկրապահի ձևավորման մեջ առանձնահատուկ դերակատարում է ունեցել»,- եզրափակեց Միքայելյանը:

Արկադի Տեր-Թադևոսյանը ծնվել է 1939 թվականի մայիսի 22-ին Վրացական ԽՍՀ-ի մայրաքաղաք Թբիլիսիում: Տեր-Թադևոսյանն ավարտել է Բաքվի զինվորական ուսումնարանը, այնուհետև՝ Լենինգրադի տրանսպորտի և թիկունքի ռազմական ակադեմիան։ 1988 թվականից միացել է Արցախի ազատագրման պայքարին և ակտիվ մասնակցություն է ունեցել կամավորականների զինվորական մարզման գործում։ 1990 թվականին դարձել է «Սասունցի Դավիթ» կամավորական ջոկատի անդամ։

1991 թվականին նշանակվել է ՀՀ պաշտպանության կոմիտեի արտազինվորական պատրաստության բաժնի պետ։

1991 թվականի հոկտեմբերի 30-ին Արցախի նորաստեղծ ինքնապաշտպանական ուժերը Տեր-Թադևոսյանի հրամանատարությամբ իրականացված ռազմագործողության շնորհիվ ազատագրեցին ռազմավարական մեծ կարևորություն ունեցող Հադրութի շրջանի Տող գյուղը։ 1992 թվականի մայիսին ակտիվ մասնակցություն է ունեցել Շուշի քաղաքի ազատագրման ռազմագործողության նախապատրաստման աշխատանքներին: Արկադի Տեր-Թադևոսյանը (Կոմանդոսը) մահացել է 2021 թվականի մարտի 31-ին կյանքի 82-րդ տարում:

Secure Your Child’s Place at
DREAM BRIDGEMAN ACADEMY

Dream Bridgeman Academy is an international school in Yerevan deploying the Oxford International Curriculum under the supervision and evaluation of Oxford University Press.
It caters for children between the ages of 1.5 yrs to 6 yrs.
Book your tour and secure your place now.
Phone: +374 93 703005
www.bridgeman.am

spot_img
- Գովազդ -spot_img
- Գովազդ -spot_img
- Գովազդ -spot_img

Ara D. Kassabian CPA, based in Glendale, California, provides a full range of tax preparation, accounting and bookkeeping services, either in your facility or at our location. Making it quick and easy to file your taxes.

spot_img

Զօրակցիր Զարթօնք Օրաթերթին

ԼՐԱՀՈՍ

Pyro Drone is the leading source of professional FPV drone racing parts, gear, and accessories. We strive our best to deliver the latest and most reliable FPV gear available on the market. Bringing the highest quality at an affordable price, our flagship Hyperlite line is amongst the most competitive FPV drone racing parts in the industry. For FPV racing frames, motors, batteries, straps, and more - Pyro Drone is truly your one stop shop for all things in drone racing!

spot_img
spot_img