Երկուշաբթի, 22 Հուլիսի, 2024
- Գովազդ -spot_img

Իշխող Վարչախումբէն Կ՛ակնկալուի Յօդաբաշխ Պարզաբանում

- Գովազդ -spot_img
spot_img

ԽՄԲԱԳՐԻ ԸՆՏՐԱՆԻ

Մարտ 27-ին, Հանրային հեռուստաընկերութեան եթերով տրուած հարցազրոյցի ընթացքին, ՀՀ Անվտանգութեան Խորհուրդի քարտուղար Արմէն Գրիգորեան, ի շարս այլ հարցերու, պատասխանելով լրագրողի այն հարցումին, թէ արդեօ՞ք Թուրքիան կը շարունակէ համարուիլ թշնամի պետութիւն, պատասխանած է՝ «եթէ մենք գնում ենք տարածաշրջանի ապաշրջափակման, ապա մեր մօտեցումներում որոշակի շտկումներ պէտք է լինեն, եւ մենք այդ ուղղութեամբ աշխատում ենք»:

Իսկ օրեր առաջ, ՀՀ պաշտպանութեան նախարարը Ազգային Ժողովի ամպիոնէն յայտարարած էր, թէ «մենք գործ ունինք այսօր թուրք-ազրպէյճանական բանակի հետ, որը գնալով միաձուլւում է»:

Բնականաբար՝ հաշուի առնելով երկու պաշտօնատար անձերու հակադիր մօտեցումներու առկայութիւնը, կը յառաջանան հետեւեալ տրամաբանուած հարցադրումները ու հիմնաւոր կասկածները:

Եթէ, ինչպէս պաշտպանութեան նախարարը կը բանաձեւէ, մենք գործ ունինք թուրք-ազրպէյճանական միաձուլուած բանակի հետ, որ Արցախեան վերջին պատերազմին, հազարաւոր զոհեր, վիրաւորներ, գերիներ եւ անհետ կորսուածներ պատճառելով, գրաւած է Արցախի մեծագոյն մասը, աւերած է անոր տնտեսութիւնը ու պատմամշակութային հարստութիւնը, տեղահանած խաղաղ բնակչութիւնը:

Եթէ, մենք գործ ունինք տարածաշրջանի մէջ թրքական ծաւալապաշտական ծրագիրի իրականացման առանցքային գործիքակազմի, օրնիբուն Հայաստանի Հանրապետութեան տարածքային ամբողջականութեան ու անվտանգութեան սպառնացող թուրք-ազրպէյճանական միաձոյլ բանակի հետ, ուրեմն, ի՞նչպէս կարելի է բարբառել Թուրքիոյ նկատմամբ մեր մօտեցումներուն մէջ «շտկումներ մտցնելու» մասին:

Եթէ Հայաստանի գործող իշխանութիւնները, ըստ ընկալեալ սովորութեան, ժողովուրդի անունով բայց ժողովուրդի թիկունքին, գաղտնագողի, տարածաշրջանի ճանապարհներու ապաշրջափակմամբ շահագրգիռ գլխաւոր շահառուներուն առջեւ ստանձնած են ոչ հայանպաստ յանձնառութիւններ եւ պարտաւորութիւններ, թող յստակ ու բացայայտ ներկայացնեն Հայ ժողովուրդին, որպէսզի Հայաստանէն մինչեւ Սփիւռք, Համայն հայութիւնը տեղեկանայ, գիտակցի եւ հետագայ քայլերու մասին կայացնէ իր սեփական որոշումը:

Ակնյայտ է, որ Ապրիլ 24-էն 28 օրեր առաջ, Հայաստանի Հանրապետութեան անվտանգութեան հայեցակարգի իրականացման գործառոյթի գլխաւոր պաշտօնեայի նման յայտարարութիւնը, հայոց ցեղասպանութեան միջազգային ճանաչման գործընթացի տապալման հետամուտ եւ պահանջատիրական պայքարին հակադրուող ուժերու ջաղացքին ջուր հասցնելու խնդիր կը լուծէ միայն:

Իմանալով տուեալ պաշտօնեայի քաղաքական — գաղափարական հայեացքներն ու համոզմունքները, նաեւ անցեալին իր գործունէութեան շրջանակը, մեզի շատ բան կրնայ հասկնալի եւ ընկալելի ըլլալ:

Բայցեւայնպէս, եթէ անոր կեցուածքները կ’արտայայտեն գործող իշխանութեան պաշտօնական դիրքորոշումը, թող անյապաղ, յստակ, ամբողջական եւ առանց աւելորդ աճպարարութիւններու՝ իշխող վարչախումբը տայ յօդաբաշխ պարզաբանում մը:

28 Մարտ 2021

ՀԱՅԿԱԿԱՆ ԺՈՂՈՎՐԴԱՅԻՆ ՇԱՐԺՈՒՄ

Կեդրոնական Խորհուրդի (վերակազմեալ)

Մամլոյ եւ Տեղեկատուութեան Բաժանմունք

Secure Your Child’s Place at
DREAM BRIDGEMAN ACADEMY

Dream Bridgeman Academy is an international school in Yerevan deploying the Oxford International Curriculum under the supervision and evaluation of Oxford University Press.
It caters for children between the ages of 1.5 yrs to 6 yrs.
Book your tour and secure your place now.
Phone: +374 93 703005
www.bridgeman.am

spot_img
- Գովազդ -spot_img
- Գովազդ -spot_img
- Գովազդ -spot_img

Ara D. Kassabian CPA, based in Glendale, California, provides a full range of tax preparation, accounting and bookkeeping services, either in your facility or at our location. Making it quick and easy to file your taxes.

spot_img

Զօրակցիր Զարթօնք Օրաթերթին

ԼՐԱՀՈՍ

Pyro Drone is the leading source of professional FPV drone racing parts, gear, and accessories. We strive our best to deliver the latest and most reliable FPV gear available on the market. Bringing the highest quality at an affordable price, our flagship Hyperlite line is amongst the most competitive FPV drone racing parts in the industry. For FPV racing frames, motors, batteries, straps, and more - Pyro Drone is truly your one stop shop for all things in drone racing!

spot_img
spot_img