Չորեքշաբթի, 24 Հուլիսի, 2024
- Գովազդ -spot_img

ՄԽ համանախագահները կոչ են արել վերականգնել բարձր մակարդակի քաղաքական երկխոսությունը

- Գովազդ -spot_img
spot_img

ԽՄԲԱԳՐԻ ԸՆՏՐԱՆԻ

ԵԱՀԿ Մինսկի խմբի համանախագահներ Իգոր Պոպովը ( ՌԴ), Ստեֆան Վիսկոնտին (Ֆրանսիա) և Էնդրյու Շոֆերը (ԱՄՆ) գոհունակությամբ արձանագրել են Լեռնային Ղարաբաղում հրադադարի ռեժիմի ամրապնդումն ու նշել, որ հետևում են 2020 թվականի նոյեմբերի 9-ին կողմերի միջև հայտարարության կատարման ընթացքին: «Արմենպրես»-ի հաղորդմամբ, այս մասին համանախագահները հայտարարել են ապրիլի 13-ին տարածած հաղորդագրության մեջ:

«Համանախագահները ողջունում են զգալի ձեռքբերումները զոհվածների աճյունների վերադարձի հարցում  և շարունակական առաջընթացը հակամարտության հետևանքով տեղահանված անձանց վերաբնակեցման գործում, մարդասիրական աջակցության տրամադրումն ու կյանքի պատշաճ պայմանների ապահովումը, ինչպես նաև կառուցողական քննարկումը՝ ուղղված տարածաշրջանում տրանսպորտային և հաղորդակցման ուղիների ապաշրջափակմանը»,- ասվում է համանախագահների հայտարարության մեջ:

Նրանք հիշեցրել են կողմերին, որ անհրաժեշտ են հավելյալ ջանքեր՝ մտահոգության առիթ հանդիսացող այլ հարցեր կարգավորելու և փոխվստահության մթնոլորտ ստեղծելու համար՝ հանուն տևական խաղաղության:

«Դրանք ներառում են հարցեր, որոնք, մասնավորապես, առնչվում են բոլոր ռազմագերիների և մյուս ձերբակալվածների վերադարձին՝ համաձայն միջազգային հումանիտար օրենքի դրույթների, հակամարտության գոտիներում արդյունավետ ականազերծման համար անհրաժեշտ տեղեկատվության փոխանակմանը, Լեռնային Ղարաբաղ մուտքի սահմանափակումների վերացմանը, այդ թվում և միջազգային հումանիտար կազմակերպությունների ներկայացուցիչների համար, կրոնական և մշակութային ժառանգության պահպանմանն ու պաշտպանությանը, ինչպես նաև հակամարտության հետևանքով տուժած համայնքների միջև ուղիղ շփումների և համագործակցության խթանմանը, ժողովուրդների միջև վստահության կառուցմանը»,- նշել են համանախագահները:

Նրանք ընդգծել են, որ հատուկ ուշադրություն պետք է հատկացվի վերջնական համընդգրկուն և կայուն կարգավորման հաստատմանը՝ կողմերի համար հայտնի տարրերի և սկզբունքների հիման վրա: «Այս համատեքստում համանախագահները կոչ են անում կողմերին ամենամոտ հնարավորության դեպքում վերականգնել բարձր մակարդակի քաղաքական երկխոսությունը՝ համանախագահների հովանու ներքո: Նրանք վերահաստատում են առաջարկը՝ իրենց հովանու ներքո կազմակերպելու ուղիղ երկկողմ խորհրդակցություններ, որպեսզի կողմերը վերանայեն և համաձայնության գան համատեղ կառուցվածքային օրակարգի շուրջ, որը կարտահայտի իրենց առաջնահերթությունները՝ առանց նախապայմանների»,- ասվում է հայտարարության մեջ:

Համանախագահներն իրենց աջակցությունն են հայտնել ԵԱՀԿ գործող նախագահի անձնական ներկայացուցչի առաքելության գործունեությանն ու հնարավոր ընդլայնմանը՝ կոչ անելով կողմերին ապահովել լիակատար հասանելիություն ու աջակցություն: «Համանախագահներն ընդգծում են իրենց պատրաստակամությունը՝ վերսկսել աշխատանքային այցերը տարածաշրջան՝ այդ թվում և Լեռնային Ղարաբաղ ու հարակից շրջաններ՝ գնահատման և միջնորդական դերակատարումն իրականացնելու համար»,- նշել են նրանք՝ հիշեցնելով, որ կողմերը պարտավոր են ապահովել անարգել հասանելիություն և համանախագահների տեղաշարժի առավելագույն ճկունություն՝ համաձայն մանդատի և նախկին պրակտիկայի:

Secure Your Child’s Place at
DREAM BRIDGEMAN ACADEMY

Dream Bridgeman Academy is an international school in Yerevan deploying the Oxford International Curriculum under the supervision and evaluation of Oxford University Press.
It caters for children between the ages of 1.5 yrs to 6 yrs.
Book your tour and secure your place now.
Phone: +374 93 703005
www.bridgeman.am

spot_img
- Գովազդ -spot_img
- Գովազդ -spot_img
- Գովազդ -spot_img

Ara D. Kassabian CPA, based in Glendale, California, provides a full range of tax preparation, accounting and bookkeeping services, either in your facility or at our location. Making it quick and easy to file your taxes.

spot_img

Զօրակցիր Զարթօնք Օրաթերթին

ԼՐԱՀՈՍ

Pyro Drone is the leading source of professional FPV drone racing parts, gear, and accessories. We strive our best to deliver the latest and most reliable FPV gear available on the market. Bringing the highest quality at an affordable price, our flagship Hyperlite line is amongst the most competitive FPV drone racing parts in the industry. For FPV racing frames, motors, batteries, straps, and more - Pyro Drone is truly your one stop shop for all things in drone racing!

spot_img
spot_img