Երեքշաբթի, 23 Հուլիսի, 2024
- Գովազդ -spot_img

Քաղաքական Տխուր Երգիծանք. Այլընտրանքային Պատմութեան Մը Սկիզբը. Ապրիլ 13, 1975

- Գովազդ -spot_img
spot_img

ԽՄԲԱԳՐԻ ԸՆՏՐԱՆԻ

ՎԱՐԴԱՆ ԹԱՇՃԵԱՆ

Ապրիլ 13, 1975-ին, Եասէր Արաֆաթ ֆուլ ուտելու հրաւիրած էր լիբանանեան բոլոր ազդեցիկ ղեկավարները: Խօսելու բաներ կային (…): Պատուաւոր հիւրերու ցանկին մէջն էին ինչպէս բարեկամ ու դաշնակից, նոյնպէս եւ հակառակորդ ու թշնամի համարուած բոլոր կողմերուն ներկայացուցիչները` իսլամ եւ քրիստոնեայ համայնքներէն, “աջ”էն ու”ձախ”էն: Բարեկամական ոգի եւ մտերմիկ մթնոլորտ խթանելու ակներեւ մտադրութեամբ, Ապու Ամմար (Այս անունով ծանօթ էր Արաֆաթի զինեալ պայքարի իր կեանքին մէջ -խմբ) վարձել տուած էր օթօպիւս մը, ձեռնարկին հաղորդելու համար փիքնիքի մը երթալու զուարթութիւնը (…):

Օթօպիւսը մէկ առ մէկ, խումբ առ խումբ հաւաքեց հիւրերը իրենց տուներէն եւ ակումբներէն: Աթոռներուն բաժանումը եղած էր այնպէս, որ օթօպիւսին մէջ յանկարծ անհարկի վէճեր կամ անհամութիւններ չծագին. այդպէս, օրինակ, Ժըմայէլ եւ Շամուն, իրենց զաւակներով եւ մօտիկ գործակիցներով նստած էին աջ կողմը, Ճոմպլաթն ու որդին, Մուրապիթունի եւ ԱՄԱԼի ղեկավար տղաքը, քաումիներն ու համայնավարները նստած էին ձախին, ամենայարգուածները` առաջնակարգ աթոռներուն, նուազ անուանիները` յետին շարքերուն: Բոլորը միասին` 30 անուանիներ, իրենց գործակիցներով: Բացակայ էր միայն ԱԱ` հայոց կողմէ:

Ապու Ամմար անձամբ յանձն առած էր մթնոլորտը ջերմ պահելու պարտականութիւնը: Ան նստած էր անմիջապէս վարորդի կողքի անհատական աթոռին վրայ, որմէ մերթ ընդ մերթ կը բարձրանար` սրամտութիւն մը կատարելու համար: Սակայն կարծես սառոյցը տեղէն չէր շարժեր: Փորձառու յեղափոխականը այդ ալ նկատի առած էր: Դեռ բաւական ճամբայ կար հասնելու ֆուլի ճաշարանը` Սապրա գաղթակայանին մէջ:

Յանկարծ Ապու Ամմար աթոռին տակէն հանեց տըմպըլլէքը (տըրպաքքէն) եւ անմիջապէս սկսաւ թրմփացնել նուրբ կաշիին վրայ, ու երգել Ֆէյրուզի “Ա’ա հատիրիլ պոսթա” հանրայայտ երգը: Պարզ էր, որ այդ երգով կ’ուզէր փափկացնել ու հանգստացնել ժըմայէլներուն, Շամուններուն եւ ընկերակիցներուն սրտերը: Կարծես հնարքը օգնեց: Դէմքերը պարզուեցան, ոմանց վրայ նոյնիսկ ժպիտ իջաւ:

Ապու Ամմար քաջալերուած էր. ան աւելի բարձրացուց ձայնը, ոմանք սկսան ծափերով ընկերանալ: Մթնլորորտը յայտնապէս թեթեւցած էր եւ օրը կը խոստանար հաճելի եւ թերեւս նաեւ օգտակար ֆուլկերոյթ: Օթոպիւսը արդէն կ’անցնէր Այն էլ Ռըմմենէի մէջէն…Յանկարծ կրակահերթեր հնչեցին. կրակահերթերը կատաղի փութկոտութեամբ եւ առատութեամբ իրար յաջորդեցին. թիրախը օթօպիւսն էր: (Ովքեր էին կրակողները, ինչ կողմի մարդիկ, ծրագրուած բան մըն էր թէ թիւրիմացութեան մը, պատահականութեան արդիւնք…չեմ գիտեր. տեղեկութիւններ չպարզուեցան այդ մասին:)

Վայրկեանի մը մէջ վայրը վերածուած էր արեան բաղնիքի: Օթոպիւսի կողքերը ինկած էին դիակներ: Պատուհաններէն կախուած էին արիւնլուայ գլուխներ: Բոլոր երեւելիները սպանուած էին, ոմանք իրար վրայ ինկած` “աջ”էն ու “ձախ”էն: Բոլորը. այսինքն անոնք, որ յետոյ, իրական պատմութեան մէջ, պիտի դառնային քաղաքացիական պատերազմի իշխաններ ու կնքահայրեր…Անվնաս մնացած էր միայն Ապու Ամմարի տըրպաքքէն, որ դանդաղ կը գլորուէր արիւններուն ու դիակներուն մէջէն:

Անիկա մինչեւ այսօր կը գլորի մեր յիշողութեան մէջ` հնչուն պահելով զարկերը թնդանօթներուն, հրթիռներուն ու տարբեր տրամաչափի զէնքերուն, թաղման ողբերուն եւ վիրաւորուածներու լացերուն, որոնք կրնային խնայուիլ եթէ պատմութիւնը ըլլար այնպէս, ինչպէս ես վայրկեան մը երեւակայեցի:

Secure Your Child’s Place at
DREAM BRIDGEMAN ACADEMY

Dream Bridgeman Academy is an international school in Yerevan deploying the Oxford International Curriculum under the supervision and evaluation of Oxford University Press.
It caters for children between the ages of 1.5 yrs to 6 yrs.
Book your tour and secure your place now.
Phone: +374 93 703005
www.bridgeman.am

spot_img
- Գովազդ -spot_img
- Գովազդ -spot_img
- Գովազդ -spot_img

Ara D. Kassabian CPA, based in Glendale, California, provides a full range of tax preparation, accounting and bookkeeping services, either in your facility or at our location. Making it quick and easy to file your taxes.

spot_img

Զօրակցիր Զարթօնք Օրաթերթին

ԼՐԱՀՈՍ

Pyro Drone is the leading source of professional FPV drone racing parts, gear, and accessories. We strive our best to deliver the latest and most reliable FPV gear available on the market. Bringing the highest quality at an affordable price, our flagship Hyperlite line is amongst the most competitive FPV drone racing parts in the industry. For FPV racing frames, motors, batteries, straps, and more - Pyro Drone is truly your one stop shop for all things in drone racing!

spot_img
spot_img