Երեքշաբթի, 7 Դեկտեմբերի, 2021

Առողջապահության նախարարը խիստ մտահոգիչ է համարում Հայաստանում կորոնավիրուսիային իրավիճակը

ԽՄԲԱԳՐԻ ԸՆՏՐԱՆԻ

Հայաստանում այս պահին 14 բժշկական կենտրոն սպասարկում են կորոնավիրուսով հիվանդ բուժառուներին:

Ինչպես տեղեկացնում է «Արմենպրես»ը, այս մասին Կառավարության նիստում հայտարարեց Առողջապահության նախարար Անահիտ Ավանեսյանը:  Նրա խոսքով` հիվանդանոցներում ծավալել են 1 500 մահճակալ, որոնցից այս պահին զբաղված է 1 143-ը:

 «Ծանր և ծայրահեղ ծանր վիճակում գտնվում են մոտ 700 բուժառու: Ընդհանուր հոսպիտալացված բուժառուների թիվը և ծանր վիճակում գտնվող բուժառուների թվի համամասնությունը բավական մտահոգիչ է»,- ասաց Ավանեսյանը:

Նախարարի խոսքով` Հայաստանում, ինչպես և այլ երկրներում, ակտիվ շրջանառվում է «Դելտա» շտամը, որը աչքի է ընկում ինչպես բարձր վարակելիության աստիճան ունենալով, այնպես էլ հիվանդացության ավելի ծանր ընթացքով:

«Ունենք երիտասարդ  բուժառուներ, որոնք որևէ ուղեկցող հիվանդություն չունենալու պարագայում, գտնվում են ծանր և ծայրահեղ ծանր վիճակում: Մեր բժիշկները պայքարում են նրանց կյանքի համար»,-  նշեց Ավանեսյանը:

- Գովազդ -spot_img

ԹՈՂՆԵԼ ՄԵԿՆԱԲԱՆՈՒԹԻՒՆ

Խնդրում ենք այստեղ մուտքագրել Ձեր մեկնաբանութիւնը։
Խնդրում ենք այստեղ մուտքագրել Ձեր անունը։

Զօրակցիր Զարթօնք Օրաթերթին

ԼՐԱՀՈՍ