Հայաստանում բենզինի շուկայում կան խնդիրներ, հարուցված քրեական գործեր. Մրցակցության պետական հանձնաժողովի նախագահը հայտնում է նաև, որ շուկայում նոր խաղացողների քանակի ավելացման շնորհիվ է, որ, օրինակ, Իրանից ներմուծվող դիզվառելիքի, բենզինի գներն իջել են:
«Իհարկե, բենզինի շուկայում կան խնդիրներ: Ամենամեծ խնդիրներից մեկը նաև լաբորատոր կարողությունների բացակայությունն էր, որ մենք կարողանայինք համապատասխան հսկողություն անել: Սակայն, կան արդեն հարուցված գործեր, եթե չեմ սխալվում, նաև քրեական՝ տրված նյութերի հիման վրա, որտեղ որակը և քանակը չեն համապատասխանել իրականությանը»,-ասաց Գևորգյանը՝ հավելելով, որ շուկայում գործող բոլոր տնտեսավարողների հետ կապված ունեն գործընթացներ:
