Ինձ համար սկզբունքային հարց է, որ ոչ միայն լրագրողների, այլև ՀՀ-ում օրինական գործունեությամբ զբաղվող ոչ մի մարդու աշխատանք չխոչընդոտվի։ Ինձ համար լրագրողների աշխատանքի խոչընդոտումը, նրանց նկատմամբ բռնությունը դատապարտելի են, սակայն մյուս կողմից էլ՝ որոշ հանգամանքներ ևս նորմալ չեն։ Օրինակ՝ եթե մեկն ինչ-որ տեղում իր ընտանքի անդամի հետ ճաշում է, մենք ինչքա՞ն կարող ենք, ներողություն արտահայտությանս համար, իր բերանի պարունակությունը, ծամելը դարձնել ուղիղ եթերի առարկա։ Ես դատապարտում եմ ցանկացած բռնություն, խոչընդոտ, բայց ուզում եմ, որ մի շարք հանգամանքներ էլ սովորական չհամարենք։
Ես կադրեր եմ տեսել, թե ինչպես է լրագրողների պարսը հետապնդում ԱԺ պատգամավորին։ Դա նորմալ չէ, և մարդիկ էլ կարող են էմոցիոնալ վիճակում սխալներ թույլ տալ, որը նույնպես սխալ է։ Բայց մենք պետք է պատճառների և հետևանքների միջև կապը իմանանք։ Այս մասին այսօր՝ հունվարի 10-ին, մամուլի ասուլիսի ժամանակ ասաց վարչապետ Նիկոլ Փաշինյանը։
Նրա խոսքով՝ լրագրողների ինքնակարգավորման մարմին պետք է գոյություն ունենա, որը թույլ կտա, որ հենց լրագրողները որոշակի կանոններ սահմանեն։
Լուսանկարը՝ Ֆոտոլուրի
