Երեքշաբթի, 27 Սեպտեմբերի, 2022
- Գովազդ -spot_img

Ադրբեջանի թիրախավորված հարվածից Տիգրանակերտի հնագիտական ճամբարն էական վնասներ է կրել

- Գովազդ -spot_img
spot_img

ԽՄԲԱԳՐԻ ԸՆՏՐԱՆԻ

Ադրբեջանի թիրախավորված հարվածի արդյունքում այս անգամ մեծ վնասներ է կրել Տիգրանակերտի հնագիտական ճամբարը, չորս տնակներից երկուսն ավերվել են, մյուսների դռները, պատուհանները դուրս են շպրտվել, գույքը փչացել է: «Արմենպրես»-ի հետ զրույցում այս մասին հայտնեց Արցախի Տիգրանակերտի արշավախմբի ղեկավար Համլետ Պետրոսյանը:

Օրեր առաջ ինչ-որ մեկը տեսել էր հակառակորդի այս վայրագությունը, տեղեկացրել Պետրոսյանին: Հետո կամավորների խումբը, որը փորձում է Արցախի հուշարձանների վիճակն ուսումնասիրել, եթե հնարավոր է՝  նկարել, գնահատել, գնացել է, տեսել, որ արկն ընկել է բակում: «Հնագիտական հանգրվանում 4 տնակ կա, երկուսը լրիվ են ավերվել, մյուս երկուսի դռներն ու պատուհաններն են դուրս շպրտվել այդ ալիքից, պատերն այդ արկի բեկորներից լրիվ ծակոտվել են, գույքն ամբողջովին փչացել է»,-ասաց Պետրոսյանը:

Տնակները բավականին արժեքավոր են եղել, լավ հարմարեցված՝ օդորակիչով, մշտական ջրով և այլն: Պետրոսյանի խոսքով՝ իրենք միայն ամռանն են այնտեղ լինում: Նա կարծում է, որ հատուկ են խփել՝ երևի մտածելով, որ այնտեղ մարդիկ կլինեն: «Կողքին 18-րդ դարի ամրոցն է, որը թանգարանային շենք է: Դա ավելի լավ է երևում, քան մեր տնակները: Կարծում եմ, որ մտածել են, թե այնտեղ՝ տնակներում, կարող են մարդիկ լինեն: Նրանք գիտեին, որ դա Տիգրանակերտն է: Ադրբեջանական այդպիսի կայք չկա, որ տարիներ շարունակ չմեկնաբաներ մեր պեղումները, մեր նիստն ու կացը»,-ասաց Պետրոսյանն ու հավելեց՝ իհարկե գիտեն և միտումնավոր են անում:

Նրա կարծիքով՝ մշակութային ցեղասպանությունն Ադրբեջանը շատ լավ իրականացնում էր համեմատաբար խաղաղ պայմաններում, հիմա մշակութային սիմվոլներին այդքան մեծ ուշադրություն չի դարձնում, նրա նպատակը հայերին բնաջնջելն է, այդ տարածքը հայերից մաքրելը: «Իրենք այդքան քաղաքակրթական մակարդակ չունեն, որ առաջնային դարձնեն պայքարը մշակույթի դեմ: Բայց ինչ-որ ընկնում է իրենց ձեռքը, ավերում են»,-ասա նա ու նշեց, որ Շուշիի Ղազանչեցոց եկեղեցուն ևս միտումնավոր էին հարվածել:

Տիգրանակերտի հնավայրում պեղումներ են իրականացվում 2006 թվականից:

Secure Your Child’s Place at
DREAM BRIDGEMAN ACADEMY

Dream Bridgeman Academy is an international school in Yerevan deploying the Oxford International Curriculum under the supervision and evaluation of Oxford University Press.
It caters for children between the ages of 1.5 yrs to 6 yrs.
Book your tour and secure your place now.
Phone: +374 93 703005
www.bridgeman.am

spot_img
- Գովազդ -spot_img
- Գովազդ -spot_img
- Գովազդ -spot_img

ԹՈՂՆԵԼ ՄԵԿՆԱԲԱՆՈՒԹԻՒՆ

Խնդրում ենք այստեղ մուտքագրել Ձեր մեկնաբանութիւնը։
Խնդրում ենք այստեղ մուտքագրել Ձեր անունը։

Ara D. Kassabian CPA, based in Glendale, California, provides a full range of tax preparation, accounting and bookkeeping services, either in your facility or at our location. Making it quick and easy to file your taxes.

spot_img

Զօրակցիր Զարթօնք Օրաթերթին

ԼՐԱՀՈՍ

Pyro Drone is the leading source of professional FPV drone racing parts, gear, and accessories. We strive our best to deliver the latest and most reliable FPV gear available on the market. Bringing the highest quality at an affordable price, our flagship Hyperlite line is amongst the most competitive FPV drone racing parts in the industry. For FPV racing frames, motors, batteries, straps, and more - Pyro Drone is truly your one stop shop for all things in drone racing!

spot_img
spot_img