Աշխարհը արագօրէն փոփոխութեան մէջ է: Թուային ուսուցմունքները կը նպաստեն համաշխարհային փոխ-յարաբերութիւններուն, ինչպէս նաեւ տարբեր ժողովուրդնե-
րու միջեւ եղած տարաձայնութիւններուն աճին վրայ: Կլիմայի փոփոխութիւնը, կրթութիւնը, ապահովութիւնը, քաղաքական բեւեռացումը, այն խնդիրներն են որոնք կը ծանրանան աշխարհի երիտասարդութեան ուսերուն վրայ: Առաւել եւս Քօրօնա Ժահրին տարածումը, երիտասարդներուն մտահոգութիւնները աւելի սրած է եւ իրենց կեանքը աւելի անորոշ դարձած:
Երբ հարցը կը վերաբերի Լիբանանին, երիտասարդութիւնը տարբեր չէ: Լիբանանը աննախընթաց փլուզում կը դիմագրաւէ. Պէյրութի Նաւահանգիստին 4 Օգոստոս 2020-ի պայթումը, քաղաքական պառակտումները, կառավարական անել վիճակը, տնտեսութեան վատթարացումը, դրամանիշին անկումն ու կենսոլորտի անմաքրութիւնը, ինչպէս նաեւ Քօրօնա Ժահրին պատճառած արագավազ ու անսահման վնասները: Լիբանանի երիտասարդները ունին խօսելիք ու քննարկելիք շատ նիւթեր, մասնաւորապէս այն միջավայրին մէջ, ուր իրենք կը զգան որ ոչ լսելի եւ եւ ոչ ալ գնահատուած:
Առցանց աշխատաժողով մը տեղի ունեցաւ Շաբաթ, 13 Փետրուար 2021-ին, Պէյրութի ժամով կէսօրէ ետք՝ 3:30-ին, Քօլօմպիա Համալսարանի Դրամագլուխի շահերու հարկին կողմէ կազմակերպած Փոխուող Աշխարհին մէջ Երիտասարդութեան ծրագրին որպէս մասնակից: Այս նախագիծին նպատակին անդրադառնալով, ներածական խօսքով, համաշխարհային մտքի գլխաւոր գիտաշխատող Դոկտ. Լորա Նէյձէլ նշեց թէ այս նախագիծը մեկնարկուած է 2017-ին, համագործակցաբար Քօլօմպիա համաշխարհային կեդրոններուն հետ: Փոխուող Աշխարհին մէջ Երիտասարդութեան (YCW) ծրագիրը, համաշխարհային ծրագիրներու շարք մըն է, ուր երիտասարդները միասնաբար կը քննարկեն թէ ինչպէս իրենց ապագայի նկրտումները ազդուած են արագօրէն փոխուող այս աշխարհին մէջ: 2018-էն սեմինարներ կազմակերպուած են Պրազիլի, Յորդանանի, Թիւնիզի, Քինիայի, Թուրքիոյ, Հնդկաստանի եւ Միացեալ Նահանգներուն մէջ:
Դրամագլուխի Շահերու Հարկին սեմինարը եւ խմբային հարցազրոյցները կեդրոնացած կ՛ըլլան երիտասարդներուն եւ անոնց կարծիքներուն վրայ, տարբեր նիւթերու եւ խնդիրներու շուրջ: Այս աշխատաժողովին մասնակցելու համար արձանագրուած էր 30 հոգի, որոնցմէ 23-ը խմբային աշխատանքներուն մասնակցեցան: Հայ եւ ոչ-Հայ երիտասարդները՝ բարձրագոյն դասարաններու, համալսարանական, համալսարանա- ւարտ ուսանողներ եւ արհեստավարժներ էին:
Մասնակցողները՝ բաժնուեցան հինգ գլխաւոր խումբերու, իւրաքանչիւրը ունենալով իր համադրողը: Աւելին, ամէն մէկ խումբ քննարկեց մէկ թեմա, զոր կը վերաբերէր այսօրուայ երիտասարդութեան, ու արագօրէն փոխուող աշխարհին ազդեցութեան՝ իրենց ամէն մէկուն վրայ: Գաղափարներու փոխանակումէն ետք, խումբերուն մասնակիցները առցանց նկարչական հարթակի միջոցով միասնաբար աշխատակցեցան գծագրութիւններուն շուրջ: Այս վարժութիւնը բաղկացած էր իւրաքանչիւր խումբի ստեղծած մէկ գծագրութենէն ամէն մէկ մասնակիցի կողմէ, զոր կ՛արտացոլէ իր թեման ու նախորդ քննարկումները:
Հինգ թեմաներն էին.- Ապագայի ձգտումներ, կրթութիւն եւ աշխատանքի ապագայ, թուային արուեստագիտութիւն, ինքնութիւն եւ հաղորդակցութեան կապ, ապահովութիւն եւ բարեկեցիկ վիճակ, որպէս փոփոխութիւններու գործակալներ եւ վերջապէս աշխարհին ու երիտասարդութեան հետ ներգրաւուածութիւն:
Մասնակիցներուն իւրաքանչիւր թեմային շուրջ տրուեցան բաց հարցեր եւ ապա իրենց միջեւ եղան քննարկումներ, խրախուսուեցան ու քաջալերուեցան: Խումբերու հարցազրոյցներն ու համատեղ նկարները կատարելէն ետք, մասնակիցներուն առաջարկուեցաւ վերադառնալ հիմնական սենեակ ու միասնաբար քննարկուեցան իրենց գծագրութիւնները: Արծարծուեցան նաեւ յաւելեալ գաղափարներ՝ Լիբանանի եւ աշխարհի մէջ երիտասարդութեան գոյավիճակին մասին: Մասնակիցները՝ կարեւորեցին ու իրենց մտահոգութիւնները յայտնեցին՛ իրենց կեանքին ու ապագային, ինչպէս նաեւ աշխարհին ու իրենց երկիրներուն ապագային վերաբերեալ: Ապա, անոնք կրցան իրենց առաջարկները փոխանցել Փարիզի երիտասարդութեան, ուր յաջորդ աշխատաժողովը պիտի կայանար:
Սեմինարը եզրափակեց ՀԲԸՄիութեան Լիբանանի Վարիչ-Տնօրէնուհի Օրդ. Արին Ղազարեանը, շնորհակալութիւն յայտնեց անձնակազմին, սեմինարը վարողներուն ու ամէնակարեւորը՝ մասնակիցներուն, որոնք լաւագոյնս նպաստեցին ձեռնարկին յաջողութեան: «Ինչէս կ՛ըսէ մեր ատենապետը՝ Պրն. Ժէրար Թիւֆէնքճեան.- երիտասարդութիւնը ապագայի յոյսն է ու շատ կարեւոր է ներդրումներ կատարել անոնց մէջ ու լսել իրենց ըսելիքները» եզրափակեց Օրդ. Ղազարեան:
Փոխուող Աշխարհին մէջ Երիտասարդութիւն(YCW)-ՀԲԸՄ Լիբանանի միացեալ աշխատաժողովը կարեւոր է, որովհետեւ այդ կը քննարկէ երիտասարդութեան միջեւ, ինչպէս նաեւ իրենց շրջաններուն միջեւ առաւել եւս կարեւոր մարտահրաւէրներու ու փոփոխութիւններու վերաբերող հարցերը: Նման սեմինարներ եւ դասընթացքներ կազմակերպելով ուրիշ երկիներու մէջ եւս, համաշխարհային զրոյցներ կը հաստատուին աշխարհի տարբեր բնակչութիւններու եւ համայնքներու երիտասարդութեան միջեւ: Այս ձեւով կարելի կ՛ըլլայ տարբերութիւններ եւ ընդհանուր հիմքեր պարզել համաշխարհային երիտասարդութեան բնակչութեան միջեւ:
ՀԲԸՄ Լիբանանը հպարտ է որ համագործակցեցաւ վերոյիշեալ սեմինարին, որ լոյս կը սփռէ տարբեր փոփոխութիւններու վրայ, որոնց ականատես եղած են Լիբանանցի երիտասարդները, հաշուի առնելով բազմաթիւ մարտահրաւէրներ, որոնց կը բախին աշխարհն ու երկիրը: Հակառակ այդ խոչընդոտներուն, երիտասարդները պատրաստ չեն յանձնուիլ ու կը փորձեն տեսնել իրենց կեանքի դրական ու յուսադրիչ կողմերը:
