Կիրակի, 25 Փետրվարի, 2024
- Գովազդ -spot_img

Համացանցի Վրայ. Ինչո՞ւ Պարսելոնան

- Գովազդ -spot_img
spot_img

ԽՄԲԱԳՐԻ ԸՆՏՐԱՆԻ

Վարդան Թաշճեան իր ֆէյսպուքի էջին վրայ կը գրէ.

Կուսակցութիւններէն կը սիրեմ Պարսելոնան. Ինչո՞ւ. ունի աւանդոյթներ, որոնց չի դաւաճաներ եւ ընթացքին` կը ստեղծէ նորերը, ունի յստակ ղեկավար կազմ` յստակ պատասխանատուութիւններով, որոնց մէջ թերացման կամ ձախողման պարագային ենթակայ է հեռացման կամ փոփոխութեան, ունի “թիկունքային” ծառայութիւններու արհեստավարժ բանակ, որ լծուած է խումբի յաղթանակներու կերտման` թէկուզ լուսարձակներէ հեռու. բառին ամբողջական իմաստով թիմ է` դաշտին վրայ աշխատանքի բաժանման եւ փոխլրացման սկզբունքով, ընկերական ոգիով` ուղղուած յստակ նպատակի:

Այնտեղ անհատականութիւններ են` միութեան մը մէջ, որ կը սնանի անհատական ճիգերով եւ ինքը կը սնուցէ անհատները` որպէսզի գերազանցեն իրենք զիրենք. որ շնորհիւ իր վարչական ղեկավարութեան, ի զօրու է դէպի իրեն քաշել ներդրողներ` յանուն խումբի հզօրացման եւ պատանեկան իր հաւաքականներով կը մտածէ խումբի ապագային եւ ապագայի քատրերուն մասին:

Գալով համակիրներուն — անոնք հաւատարիմ են, քաջալերանքով ու կամաւոր աշխատանքներով` խաղցողներու կողքին, կը կատարեն կենդանի քարոզչութիւն` յանուն ամբողջին, իրենց մեծագոյն վարձատրութիւնը` կոլերն են ու յաղթանակները, բայց նաեւ գեղեցիկ խաղարկութիւնը. գիտեն ուրախանալ ու զօրակցիլ, բայց նաեւ խստապահանջ են, քնն-ա-դատ, եւ գիտեն դժգոհութեան ձայն բարձրացնել ձախողութիւններու ատեն:

Այս խումբի մարդիկ գիտեն ազնուօրէն մրցիլ (փոքր խարդախութիւնները Աստուած կը ներէ), օրական մարզուիլ, քափ քրտինք կտրած` վազել մինչեւ վերջ, հետապնդել գնդակը` դաշտի բոլոր կողմերուն եւ նպատակաուղղուած մնալ բերդը գրաւելուն` ըստ կարողութիւններու առաւելագոյնին. խաղի ընթացքին փոխարինուելու պարագային` հազուադէպ է որ կը բորբոքին, մամուլի ասուլիսներուն կը խօսին կարճ, յստակ եւ դիպուկ, չեն նախանձիր իրարու եւ միշտ գիտեն պաշտպանել հասարակաց գետին մը` ամենամեծ տարակարծութիւններու պարագային, այլապէս կ’ընդունին հաւաքել ճամպրուկը ու մեկնիլ:

Յաղթանակի պարագային գիտեն ուրախանալ եւ ուրախացնել, պարտութեան պարագային` արժանապատուօրէն ախոյեանի ձեռքը սեղմել կամ արցունքները սրբել: Վերջապէս` շապիկը չէ որ զիրենք կ’արժեւորէ, իրենք են որ հագուած շապիկնին կ’արժեւորեն` իրենք է որ Պարսելոնա անունը կը կերտեն` իրենց օրին եւ իրենց ուժով: Անշուշտ այս բոլորը պարապութեան մը մէջ “չեն պատահիր”. անոնք տեղի կ’ունենան ծիրերուն մէջ օրէնքներու, փորձուած ու տեւապէս բարեփոխուող կարգաւորումներու եւ … Մարզական մշակոյթի մը, առանց որոնց, ամէն ինչ կրնար նմանիլ մորթազերծութեան տեսարանի, բերդի ցանցը` մոռցած:

 

Secure Your Child’s Place at
DREAM BRIDGEMAN ACADEMY

Dream Bridgeman Academy is an international school in Yerevan deploying the Oxford International Curriculum under the supervision and evaluation of Oxford University Press.
It caters for children between the ages of 1.5 yrs to 6 yrs.
Book your tour and secure your place now.
Phone: +374 93 703005
www.bridgeman.am

spot_img
- Գովազդ -spot_img
- Գովազդ -spot_img
- Գովազդ -spot_img

Ara D. Kassabian CPA, based in Glendale, California, provides a full range of tax preparation, accounting and bookkeeping services, either in your facility or at our location. Making it quick and easy to file your taxes.

spot_img

Զօրակցիր Զարթօնք Օրաթերթին

ԼՐԱՀՈՍ

Pyro Drone is the leading source of professional FPV drone racing parts, gear, and accessories. We strive our best to deliver the latest and most reliable FPV gear available on the market. Bringing the highest quality at an affordable price, our flagship Hyperlite line is amongst the most competitive FPV drone racing parts in the industry. For FPV racing frames, motors, batteries, straps, and more - Pyro Drone is truly your one stop shop for all things in drone racing!

spot_img
spot_img