Կիրակի, 25 Փետրվարի, 2024
- Գովազդ -spot_img

Ծաղկազարդի Տօնը Անթիլիասի Մայրավանքին Մէջ. «Քրիստոս Պատգամեց Բոլոր Ժամանակներուն Մարդոց՝ Մի՛ Վախնաք, Մի՛ Յուսահատիք, Միա՛յն Հաւատացէք». Ն.Ս.Օ.Տ.Տ. Արամ Ա. Կաթողիկոս

- Գովազդ -spot_img
spot_img

ԽՄԲԱԳՐԻ ԸՆՏՐԱՆԻ

Անթիլիասի Մայրավանքի Ս. Գրիգոր Լուսաւորիչ Մայր Տաճարին մէջ, Կիրակի, 28 Մարտ 2021-ին առաւօտուն, հանդիսաւորապէս նշուեցաւ Քրիստոսի մուտքը Երուսաղէմ՝ Ծաղկազարդի տօնը, նախագահութեամբ Ն.Ս.Օ.Տ.Տ. Արամ Ա. Վեհափառ Հայրապետին։

Տօնին աւանդութեան համաձայն, Վեհափառ Հայրապետը կ՚օրհնէ մանուկները եւ իր Հայրական խօսքը կ՚ուղղէ հաւատացեալ ժողովուրդին։ Արդարեւ, Հայրապետական թափօրը Մայր Տաճարէն ուղղեցաւ Մայրավանքի շրջափակ, ուր Նորին Սրբութիւնը Վեհարանի մուտքին իր Հայրական խօսքը ուղղեց հաւատացեալներուն։ Իր խօսքին մէջ Նորին Սրբութիւնը յայտնեց, որ այնպէս ինչպէս Ծաղկազարդի օրը ժողովուրդը Յիսուսը դիմաւորեց Երուսաղէմի մէջ, նոյնպէս ալ հաւատացեալներս այսօր մեր եկեղեցւոյ ճամբով Քրիստոսը կը դիմաւորենք։ Հայրապետը ըսաւ, որ տագնապներով լեցուն աշխարհի մը մէջ կ՚ապրինք, եւ հետեւաբար որեւէ ժամանակէ աւելի կարիքը ունինք հաւատքո)վ շաղախուած յոյսին։ Քրիստոս պատգամեց բոլոր ժամանակներուն մարդոց՝ մի՛ վախնաք, մի՛ յուսահատիք, միա՛յն հաւատացէք։ Մեր ժողովուրդը հաւատաց պատմութեան արհաւիրքներուն դիմաց, յուսաց, միշտ յոյսը վա՛ռ պահեց նոյնիսկ իր կեանքի ամէնէն դառն պայմաններուն մէջ։ Հայրապետը, շարունակելով իր խօսքը՝ յորդորեց հաւատացեալները հզօրացնելու իրենց յոյսը՝ նայելով Երուսաղէմ մուտք գործող Աստուծոյ Որդւոյն եւ աղօթք բարձրացուց առ Աստուած՝ խնդրելով Անոր ողորմութիւնը.- «Աղօթենք, որպէսզի մեր կեանքը լեցուի Քրիստոսի ներկայութեամբ, ծաղկազարդուի Քրիստոսի աշխարհ բերած հաւատքով ու յոյսով։ Ահաւասիկ, ա՛յս յոյսով եկէք դիմաւորենք Քրիստոսի մուտքը Երուսաղէմ»։

Յիշենք, որ Ս. եւ Անմահ Պատարագը մատուցեց եւ յաւուր պատշաճի քարոզեց Գերշ. Տ. Օշական Արք. Չօլոյեան։ Ան իր քարոզին մէջ ըսաւ, որ Քրիստոսի մուտքը Երուսաղէմ աստուածային ծրագիրին մաս կը կազմէր, որովհետեւ Աստուած Ինք՝ որպէս Սիրոյ Թագաւոր, կու գար Իր պատգամը բերելու մարդկութեան. Աստուած այնքան սիրեց մարդը, որ Իր Որդին տուաւ, որպէսզի մարդը յաւիտենական կեանք ունենայ, իսկ Քրիստոս՝ երեք տարի աստուածաշնչական փառքը տալէ ետք ժողովուրդին, կամաւորապէս եկաւ Երուսաղէմ՝ խաչի մահով Ինքզինք զոհաբերելու, որպէսզի մենք արժանի ըլլանք յարութեան, յայտնեց Սրբազանը։

Յայտնենք, որ համաճարակը տակաւին արգելք կը հանդիսանայ հաւաքներ ընդգրկող աւանդութիւններու կիրակման. հետեւաբար, այս տարի չկազմուեցաւ փոքրիկներու աւանդական թափօրը, սակայն մանուկները ստացան Վեհափառ Հայրապետին օրհնութիւնը եւ նուէրները։

Secure Your Child’s Place at
DREAM BRIDGEMAN ACADEMY

Dream Bridgeman Academy is an international school in Yerevan deploying the Oxford International Curriculum under the supervision and evaluation of Oxford University Press.
It caters for children between the ages of 1.5 yrs to 6 yrs.
Book your tour and secure your place now.
Phone: +374 93 703005
www.bridgeman.am

spot_img
- Գովազդ -spot_img
- Գովազդ -spot_img
- Գովազդ -spot_img

Ara D. Kassabian CPA, based in Glendale, California, provides a full range of tax preparation, accounting and bookkeeping services, either in your facility or at our location. Making it quick and easy to file your taxes.

spot_img

Զօրակցիր Զարթօնք Օրաթերթին

ԼՐԱՀՈՍ

Pyro Drone is the leading source of professional FPV drone racing parts, gear, and accessories. We strive our best to deliver the latest and most reliable FPV gear available on the market. Bringing the highest quality at an affordable price, our flagship Hyperlite line is amongst the most competitive FPV drone racing parts in the industry. For FPV racing frames, motors, batteries, straps, and more - Pyro Drone is truly your one stop shop for all things in drone racing!

spot_img
spot_img