Երկուշաբթի, 22 Հուլիսի, 2024
- Գովազդ -spot_img

«Զարթօնք»-ի Հիմնադիրները Ներկայացրել Են Նախաձեռնութեան Ստեղծման Շարժառիթներն Ու Նպատակները

- Գովազդ -spot_img
spot_img

ԽՄԲԱԳՐԻ ԸՆՏՐԱՆԻ

«Զարթօնք» Ազզային Քրիստոնէական Նախաձեռնութիւն

Մեկնարկել է «Զարթօնք» ազգային քրիստոնէական նախաձեռնութիւնը. Հիմնադիրները նշում են, որ նախաձեռնութեան նպատակն է ծառայել պետականութեան ամրապնդմանը:

Նախաձեռնութեան մեկնարկը տրուել է ապրիլի 10-ին կայացած ասուլիս-քննարկմամբ: 

Միջոցառումը սկսուեց Մայր Աթոռ Սուրբ Էջմիածնի դիւանապետ Գերաշնորհ Տ. Արշակ եպիսկոպոս Խաչատրեանի աղօթքով, որմէ ետք մէկ րոպէ լռութեամբ՝ յարգուեցաւ Արցախեան 44-օրեայ պատերազմում զոհուած նահատակների յիշատակը:

ՀՀ փաստաբանների պալատի նախագահ Արա Զոհրապեանը լրագրողների հետ զրոյցում նշեց, որ «Զարթօնք» նախաձեռնութիւնը նպատակ ունի կազմել ազգային ծրագիր:

«Մենք փորձելու ենք ծառայել մեր պետականութեան ամրապնդմանը, այսինքն՝ իւրաքանչիւր ոլորտ պէտք է ուսումնասիրենք եւ վեր հանենք խնդիրները: Այսօր ազդարարում ենք մեր նախաձեռնութեան մեկնարկը, ինչից յետոյ կը փորձենք համախմբում իրականացնել: Մենք ունենք երեք նպատակ՝ իրականացնել պատերազմի հետեւանքով տուժածների պաշտպանութիւն՝ այդ թւում նաեւ ռազմագերիների, երկրորդը՝ կառուցել մեր պատկերացրած հզօր պետութիւնը, երրորդն էլ 2020 թուականի պատերազմի պատճառների վերհանմանը եւ պատասխանատուների պատասխանատուութեան ենթարկելուն նպաստելն է»,- նշեց Զոհրապեանը:

Միջոցառման ընթացքին խօսք առաւ նաեւ նախաձեռնութեան աշխատանքային խումբի անդամ՝ Վահագն Չախալեանը:

Պէյրութի «Զարթօնք» օրաթերթի գլխաւոր խմբագիր Սեւակ Յակոբեանն էլ նշեց, որ իրենք ողջունում են նախաձեռնութիւնը:

«Հայրենիքի դիմագրաւած այս մռայլ օրերուն, «Զարթօնք» նախաձեռնութիւնը Հայրենիքի ամպոտ հորիզոնին վրայ յոյսի նշոյլ մըն է մեզի համար, որուն յաջողութեան համար կ՛արժէ ամէն բան ընել զօրակցելու համար հայրենի քաղաքական երկնակամարին տակ մեկնարկող այլընտրանքային այս նորաստեղծ կառոյցին: Մենք ջանք պիտի չխնայենք կողքին ըլլալու համար սոյն հոգեհարազատ նախաձեռնութեան մանաւանդ երբ մեր օրաթերթին անունը, դաւանանքն ու գաղափարախօսութիւնը ամբողջութեամբ կը համընկնին նորաստեղծ «Զարթօնք» նախաձեռնութեան նպատակներուն հետ»:- ընդգծեց Յակոբեանը:

Ասուլիսի ընթացքում ներկայացուեցին նաեւ նախաձեռնութեան ստեղծման շարժառիթները, առաքելութիւնը, քրիստոնէական արժէքների եւ ազգային ինքնատիպութեան վրայ հիմնուած հզօր պետութիւն (ինքնիշխան, ժողովրդավարական, սոցիալական եւ իրաւական) կայացնելու հիմնասիւները, նպատակները, պատկերացումները Արցախեան հարցի, Հայոց ցեղասպանութեան ճանաչման եւ այլ հարցերի վերաբերեալ:

***

Նախաձեռնութեան Առաքելութիւնը

Նախաձեռնութիւնն առաջարկում է իր ծառայութիւնը՝ զօրաշարժել համայն հայութիւնը ազգային մէկ ծրագրի շուրջ, որը ոչ միայն կը ներառի բոլոր հայերին, այլ նաեւ կոչուած կը լինի ծառայել ընդհանուր իղձերին:

«Զարթօնք» ազգային քրիստոնէական նախաձեռնութեան գլխաւոր ուղղութիւնը, առաքելութիւնը (կատարելատիպը որին ձգտում է) — քրիստոնէական արժէքների եւ ազգային ինքնատիպութեան վրայ հիմնուած հզօր պետութիւն (ինքնիշխան, ժողովրդավարական, սոցիալական եւ իրաւական) կայացնելն է:

Պետութիւն, որտեղ՝

  1. (ա) գործում է արդիւնաւետ կառավարման ձեւ՝ Ազգային ժողովի վերահսկողութեան արդիւնաւետ միջոցների առկայութեամբ, հանդիսանալով քաղաքական կայունութեան եւ սահմանադրական կարգի անձեռնմխելիութեան երաշխիքը, (բ) ազգային ժողովը (խորհրդարանը) երկպալատ է՝ ապահովելով փոփիւլիստական քաղաքականութիւնների արդիւնքում պետականութեան դէմ ոտնձգութիւնների նկատմամբ պետութեան դիմադրողականութիւնը, (գ) խստօրէն պահպանւում է Սահմանադրութիւնը, (դ) ապահովւում է իրաւունքի գերակայութիւնը, (ե) գործում են իշխանութեան եւ արդարադատութեան ուժեղ եւ պատասխանատու մարմիններ: Կոռուպցիայի դէմ իրական պայքարը, ինչպէս նաեւ իշխանութիւնների բաժանումը եւ հաւասարակշռումը ապահովելու է  ժողովրդի, այդ թւում՝ քաղաքացու, բարեկեցութիւնը (կայուն պետական կառավարման համակարգ).
  2. կառուցւում է արդար եւ առողջ հասարակութիւն՝ հասարակութեան անդամների համար հաւասար մեկնարկային հնարաւորութիւններով: Պետութիւնը պայմաններ է ստեղծում հասարակութեան անդամների ձեռնարկատիրութեան եւ ստեղծագործականութեան համար, խթանում է արդիւնաւետ զբաղուածութիւնը, սպորտը դարձնում է հասարակութեան կեանքի անբաժանելի մասը, առողջապահական ծառայութիւնների մատչելիութեան, հասանելիութեան եւ որակի բարձրացման ճանապարհով բարելաւում է բնակչութեան առողջական վիճակի բնութագրիչները, պայմաններ է ստեղծում ազգաբնակչութեան աճի համար: Պետութիւնը երաշխաւորում է ազգային փոքրամասնութիւնների՝ իրենց աւանդոյթների, կրօնի, լեզուի եւ մշակոյթի պահպանման ու զարգացման իրաւունքը  (արդար եւ առողջ հասարակութիւն).
  3. տնտեսական զարգացումը հիմնուած է գիտութեան, արդիւնաբերութեան,  գիւղատնտեսութեան զարգացման, թուրիզմի, ժամանակակից թեխնոլոկիաների եւ բնական պաշարների արդիւնաւետ օգտագործման, աթոմային էներգետիկայի զարգացման, ինչպէս նաեւ օտարերկրեայ ներդրումների խրախուսման եւ պաշտպանութեան վրայ: Պետութիւնը պէտք է դառնայ օրինականութեան եւ սեփականութեան իրաւունքի իրական երաշխաւոր, բոլորի համար ապահովի արդար մրցակցութիւն եւ միասնական կանոններ: Պետութեան ջանքերը նպատակաուղղուած են լինելու օտարերկրեայ ուղղակի ներդրումների աճին, միջազգային լաւագոյն օրինակների ու փորձառութեան փոխառմանը, նոր շուկաների բացայայտմանը եւ արտահանման աւելացմանը, դէպի Հայաստան զբօսաշրջութեան խթանմանը, սփիւռքի գործարար ներուժի լիարժէք ներգրաւմանը: Տնտեսական քաղաքականութիւնը պէտք է ծառայի երկարաժամկէտ նպատակների իրականացմանը (տնտեսապէս զարգացած երկիր).
  4. իւրաքանչիւր մարդու համար երաշխաւորուած է անվտանգութիւնը: Պետութիւն, որն ունակ է իրեն եւ Արցախի Հանրապետութեանը պաշտպանելու, որտեղ յուսալիօրէն աշխատում են իրաւապահ մարմինները, որտեղ գործում է արդար դատարանը: Պետութիւնը պէտք է արժեւորի ռազմիկի (մարտիկի, զինուորականի) կերպարը, ինչպէս նաեւ ապահովի ռազմիկներին (զինուորականներին) իրական սոցիալական երաշխիքներով (անվտանգ եւ պաշտպանուած երկիր).
  5. ծնուելու եւ դաստիարակուելու է կրթուած, հայրենասէր եւ ազնիւ քաղաքացի: Պետութիւնը գործելու է Հայ ժողովրդի ինքնութեան ամրապնդման, քաղաքակրթական արժէքների եւ պատմամշակութային ժառանգութեան պաշտպանութեան ու հանրահռչակման ուղղութեամբ: Մարդու դաստիարակութիւնը հիմնուելու է կրթութեան, գիտութեան, մշակոյթի, հոգեւոր արժէքների (քրիստոնէութեան) եւ ազգային գաղափարախօսութեան վրայ: Հայ ժողովրդի ուժը հոգեւոր արժէքների, բարոյական մաքրութեան եւ արժանապատւութեան, սփիւռքի համախմբման, ինչպէս նաեւ միմեանց յարգելու կարողութեան մէջ է: Պետութիւնն ապահովում է հայ աւանդական ընտանիքի՝ որպէս պետութեան կայունութեան եւ հայկական քաղաքակրթութեան բջջի պաշտպանութիւնն ու հզօրացումը: Պետութիւնն իրականացնելու է Հայաստանեայց Առաքելական Սուրբ Եկեղեցու, ընտանիքի եւ մանկութեան, Հայաստանի Հանրապետութիւնում եւ սփիւռքում հայոց լեզուի, մշակութային ժառանգութեան համալիր պաշտպանութիւնը երաշխաւորող միջոցառումներ (կրթուած, ազնիւ եւ հայրենասէր քաղաքացի):

Նախաձեռնութեան Նպատակները

«Զարթօնք» նախաձեռնութիւնը հետապնդում է հետեւեալ նպատակները՝

Ա. Նպաստել երկրի սահմանների եւ անվտանգութեան գօտիների պահպանութեան, ինչպէս նաեւ ռազմական գործողութիւնների հետեւանքով տուժած անձանց (այդ թւում ռազմագերիների)  իրաւունքների պաշտպանութեան ապահովման գործընթացներին:

Բ. Հասարակական վերահսկողութեան, առաջարկների, ընտրութիւններին մասնակցելու կամ այլ իրատեսական եղանակներով ազդեցութիւն ունենալ իրաւասու մարմինների որոշումների վրայ՝ հասնելով քրիստոնէական արժէքների եւ ազգային ինքնատիպութեան վրայ հիմնուած հզօր պետութեան (ինքնիշխան, ժողովրդավարական, սոցիալական եւ իրաւական) կայացմանը, այդ թւում՝

1) կազմել Ազգային ծրագիր.

2) կազմակերպել համահայկական նախագծերի իրականացումը, կամ համահայկական զօրաշարժը:

Գ. Նպաստել 2020 թուականին Ատրպէյճանի կողմից սանձազերծուած պատերազմի անյաջող ելքի պատճառների բացայայտմանը եւ մեղաւորների պատասխանատւութեան ենթարկուելուն:

https://www.youtube.com/watch?v=Vn60N9Az4w

Secure Your Child’s Place at
DREAM BRIDGEMAN ACADEMY

Dream Bridgeman Academy is an international school in Yerevan deploying the Oxford International Curriculum under the supervision and evaluation of Oxford University Press.
It caters for children between the ages of 1.5 yrs to 6 yrs.
Book your tour and secure your place now.
Phone: +374 93 703005
www.bridgeman.am

spot_img
- Գովազդ -spot_img
- Գովազդ -spot_img
- Գովազդ -spot_img

Ara D. Kassabian CPA, based in Glendale, California, provides a full range of tax preparation, accounting and bookkeeping services, either in your facility or at our location. Making it quick and easy to file your taxes.

spot_img

Զօրակցիր Զարթօնք Օրաթերթին

ԼՐԱՀՈՍ

Pyro Drone is the leading source of professional FPV drone racing parts, gear, and accessories. We strive our best to deliver the latest and most reliable FPV gear available on the market. Bringing the highest quality at an affordable price, our flagship Hyperlite line is amongst the most competitive FPV drone racing parts in the industry. For FPV racing frames, motors, batteries, straps, and more - Pyro Drone is truly your one stop shop for all things in drone racing!

spot_img
spot_img