Կիրակի, 23 Հունիսի, 2024
- Գովազդ -spot_img

Մեծի Տանն Կիլիկիոյ Կաթողիկոսութեան Միաբանութեան Միացան Հինգ Նորագիր Ուխտեալներ

- Գովազդ -spot_img
spot_img

ԽՄԲԱԳՐԻ ԸՆՏՐԱՆԻ

Նախագահութեամբ Ս. Աթոռոյս գահակալ Ն.Ս.Օ.Տ.Տ. Արամ Ա. Վեհափառ Հայրապետին, հինգ նորագիր ուխտեալներ արժանացան կուսակրօն քահանայութեան կարգին։

Կիրակի, 20 Յունիս 2021-ին, Անթիլիասի Մայրավանքի Սուրբ Գրիգոր Լուսաւորիչ Մայր Տաճարին մէջ, յընթացս Ս. եւ Անմահ Պատարագին, Արաբական Միացեալ Էմիրութեանց եւ Քաթարի թեմի առաջնորդ Գերշ. Տ. Մեսրոպ Եպս. Սարգիսեանի ձեռամբ եւ Դպրեվանքի տեսուչ Հոգշ. Տ. Պարոյր Վրդ. Շէրնէզեանի խարտաւիլակութեամբ, կատարուեցաւ աբեղայական ձեռնադրութիւն եւ օծում։

Ընծայեալները՝ Բարշ. Ժան Սրկ. Սէլլումեանը, Բարշ. Կարապետ Սրկ. Էօրտէքեանը, Բարշ. Գէորգ Սրկ. Թէնէքէճեանը, Բարշ. Հենրիկ Սրկ. Մալխասեանն ու Բարշ. Աբրահամ Սրկ. Տէկիրմէնճեանը, առաջնորդութեամբ խարտաւիլակ հայր սուրբին, ծնրադիր բարձրացան Ս. Խորան, ուր կատարեցին աշխարհէն հրաժարելու եւ Քրիստոսի լուծը կրելու խոստումը։ Ապա, խարտաւիլակ հայր սուրբը Միւռոնաթափ աղաւնին թափօրով բարձրացուց Ս. Խորան եւ յանձնեց ձեռնադրիչ սրբազան հօր, որ սրբալոյս միւռոնով դրոշմեց ընծայեալներուն ճակատը եւ աջ ու ձախ ձեռքերը։

Անուանակոչութեան հոգեթով պահուն, Ժան սարկաւագը վերանուանուեցաւ Տ. Եզեկիէլ քահանայ, Կարապետ սարկաւագը՝ Տ. Եսայի քահանայ, Գէորգ սարկաւագը՝ Տ. Եզրաս քահանայ, Հենրիկ սարկաւագը՝ Տ. Եղիա քահանայ եւ Աբրահամ սարկաւագը՝ Տ. Երեմիա քահանայ։ Ապա, անոնք տուին իրենց անդրանիկ «խաղաղութիւն»ը Մայր Տաճարին մէջ հաւաքուած հաւատացեալներուն։

Հուսկ, ձեռնադրիչ սրբազանը փոխանցեց օրուան պատգամը։ Լուսարձակի տակ առնելով հայ եկեղեցւոյ ժամանակակից պատմութեան վերջին երկու տասնամեակները, ան ընդգծեց մարդակերտման առաքելութեան ու հոգեւորականներու պատրաստութեան մղուած եկեղեցւոյ ուղին՝ նկատել տալով, որ իբրեւ ասոր արդիւնք, Մեծի Տանն Կիլկիոյ Կաթողիկոսութեան միաբանութեան կը միանան նորընծայ հինգ կուսակրօն քահանաներ։ Խօսքը ուղղելով նորաօծներուն, սրբազանը յայտնեց. «Դուք Արամ Ա. Կաթողիկոսի գահակալութեան 25-ամեակի սերունդ էք։ Հպարտ, երախտագէտ ու գիտակից պէտք է ըլլաք այս իւրայատկութեան համար»։ Սրբազանը քաջալերեց անոնց օրինակ ունենալու Վեհափառ Հայրապետին իմաստութիւնն ու խոհեմութիւնը եւ նոյն գիտակցութեամբ նուիրուելու Աստուածահաճոյ առաքելութեան։ Ան նաեւ ընդգծեց, որ Աստուածաշունչ Մատեանի կարեւոր հանգրուաններէն մէկն է մարգարէներուն տարած գործունէութիւնը, հետեւաբար, հարկ է անոնց նմանելու ձգտիլ, հանել հին պատմուճանները եւ հագուիլ նոր մարդու սքեմը՝ որպէս Աստուծոյ խօսքին պատգամաբերներ։ Ան քաջալերեց, որ նորընծաները մարգարէանան իրենց տեսութեամբ եւ ապագան տեսնելով ծրագրաւորեն իրենց կեանքը՝ ծառայասիրութիւնը կիզակէտ դարձնելով։ Սրբազանը խօսքը եզրփակեց իր որդիական երախտագիտութիւնը յայտելով Վեհափառ Հայրապետին եւ շնորհաւորելով անոր գահակալութեան 25-ամեակը, ինչպէս նաեւ շնորհաւորելով զայն, Դպրեվանքի տեսչութիւնը, միաբանութիւնը, նորաօծներուն ընտանիքները եւ ընտանեկան պարագաները՝ նորաօծներուն ձեռնադրութեան եւ օծման առիթով։

Քարոզէն անմիջապէս ետք, «Ողջոյն»-ի պահուն, Վեհափառ Հայրապետին գլխաւորութեամբ, ներկայ միաբանութիւնը խորան բարձրացաւ եւ համբոյրով ողջունեց նորաօծ քահանաներուն մուտքը Հայ Եկեղեցւոյ ծառայական դաշտ ու Կիլիկիոյ Կաթողիկոսութեան Միաբանական Ուխտ։

Յայտնենք, որ հինգ նորընծաներուն կնքահայրութիւնը ստանձնած էր Արաբական Միացեալ Էմիրութիւններու եւ Քաթարի թեմի ազգայիններէն Տիար Գրիգոր Մահսէրէճեանը։ Աւանդութեան համաձայն, կնքահայրը նորաօծներուն ճակատներու եւ ձեռքերու լուացումը կատարեց։

Վերջապէս, տեղի ունեցաւ կատարեալ հնազանդութեան, կամաւոր աղքատութեան եւ կրօնական ողջախոհութեան ուխտերու խորհրդանիշը հանդիսացող վեղարի օրհնութիւնը եւ կուսակրօնութեան իբրեւ նշան, միաբանական կնգուղը դրուեցաւ նորընծաներուն գլխուն։

Պատարագի աւարտին, առաջնորդութեամբ ձեռնադրիչ սրբազան հօր, նորընծաները բարձրացան Վեհափառ Հայրապետին մօտ եւ ստացան անոր օրհնութիւնը։ Ապա, Ս. Խորանին առջեւ, ներկայ հաւատացեալները մօտենալով նորընծաներուն՝ աջահամբոյրով ստացան անոնց անդրանիկ օրհնութիւնը, ինչպէս նաեւ շնորհաւորեցին զանոնք։

Ըստ աւանդութեան, յառաջիկայ 40 օրերու ընթացքին նորընծայ հայր սուրբերը պահեցողութեան, աղօթքի ու խոկումի պիտի նուիրուին՝ Տիրոջ օրինակով պատրաստուելու իրենց առաքելութեան։

Յայտնենք, որ Շաբաթ, 19 Յունիս 2021-ի երեկոյեան, Ն.Ս.Օ.Տ.Տ. Արամ Ա. Վեհափառ Հայրապետին նախագահութեամբ, Արաբական Միացեալ Էմիրութեանց եւ Քաթարի հայոց թեմի առաջնորդ Գերշ. Տ. Մեսրոպ Եպս. Սարգիսեանի ձեռամբ եւ Դպրեվանքի տեսուչ Հոգշ. Տ. Պարոյր Վրդ. Շէրնէզեանի խարտաւիլակութեամբ, Անթիլիասի Մայրավանքին մէջ տեղի ունեցաւ նորընծայ հայր սուրբերուն կոչման արարողութիւնը։

Արարողութեան ընթացքին ընծայեալները Մայր Տաճարի մուտքէն ծնկաչոք ուղղուեցան դաս, ուր կատարեցին հաւատքի խոստովանութիւն, նզովեցին բոլոր հերետիկոսները, հաստատեցին հայ եկեղեցւոյ ուղղափառ դաւանանքին եւ սրբազան հայրապետներու հաստատած կանոններու նկատմամբ իրենց հաւատարմութիւնը եւ վերջապէս՝ Ս. Խորանին դիմաց ծունկի եկած, Վեհափառ Հայրապետին, միաբան հայրերուն, ձեռնադրիչ սրբազանին եւ ժողովուրդին առջեւ հրապարակաւ ընթերցեցին Մեծի Տանն Կիլիկիոյ Կաթողիկոսութեան Ս. Աթոռին զինուորագրութեան ու հաւատարմութեան իրենց ուխտագիրները:

Secure Your Child’s Place at
DREAM BRIDGEMAN ACADEMY

Dream Bridgeman Academy is an international school in Yerevan deploying the Oxford International Curriculum under the supervision and evaluation of Oxford University Press.
It caters for children between the ages of 1.5 yrs to 6 yrs.
Book your tour and secure your place now.
Phone: +374 93 703005
www.bridgeman.am

spot_img
- Գովազդ -spot_img
- Գովազդ -spot_img
- Գովազդ -spot_img

Ara D. Kassabian CPA, based in Glendale, California, provides a full range of tax preparation, accounting and bookkeeping services, either in your facility or at our location. Making it quick and easy to file your taxes.

spot_img

Զօրակցիր Զարթօնք Օրաթերթին

ԼՐԱՀՈՍ

Pyro Drone is the leading source of professional FPV drone racing parts, gear, and accessories. We strive our best to deliver the latest and most reliable FPV gear available on the market. Bringing the highest quality at an affordable price, our flagship Hyperlite line is amongst the most competitive FPV drone racing parts in the industry. For FPV racing frames, motors, batteries, straps, and more - Pyro Drone is truly your one stop shop for all things in drone racing!

spot_img
spot_img