Ուրբաթ, 29 Մարտի, 2024
- Գովազդ -spot_img

ՀԱՆԳԻՍՏ

- Գովազդ -spot_img
spot_img

ԽՄԲԱԳՐԻ ԸՆՏՐԱՆԻ

Ն.Ս.Օ.Տ.Տ. Արամ Ա. Կաթողիկոս եւ Մեծի Տանն Կիլիկիոյ Կաթողիկոսութեան Միաբանութիւնը սրտի դառն կսկիծով կը գուժեն Կիլիկեան Միաբանութեան երէց անդամներէն

Տ. ՄԵՂՐԻԿ ԵՊՍ. ԲԱՐԻՔԵԱՆի

(1968-2021)

վախճանումը, որ պատահեցաւ Շաբաթ, 16 Յունուար 2021-ի վաղ առաւօտուն։

Վերջին օծման ու թաղման կարգը պիտի կատարուի Կիրակի, 17 Յունուար 2021-ին, Անթիլիասի Մայրավանքի Ս. Գրիգոր Լուսաւորիչ Մայր Տաճարին մէջ, Սուրբ եւ Անմահ Պատարագէն ետք։

ԴԻՒԱՆ ԿԱԹՈՂԻԿՈՍԱՐԱՆԻ

ԿԵՆՍԱԳՐՈՒԹԻՒՆ

Տ. ՄԵՂՐԻԿ ԵՊՍ. ԲԱՐԻՔԵԱՆ

Ծնած է 3 Յունուար 1968-ին, Պէյրութ (Լիբանան)։ Աւազանի անունն է Կարապետ։ Նախնական ուսումը ստացած է Ազգային Աքսոր Գասարճեան եւ Միհրան Գարակէօզեան Վարժարաններուն մէջ։ Մեծի Տանն Կիլիկիոյ Կաթողիկոսութեան Դպրեվանք ընդունուած է Հոկտեմբեր 1982-ին։

Կատարելէ ետք Դպրեվանքի Ժառանգաւորաց քառամեայ ընթացքը՝ սարկաւագ ձեռնադրուած է 26 Մայիս 1985-ին, ձեռամբ Դպրեվանքի տեսուչ Տ. Տաթեւ Արք. Սարգիսեանի։ Աւարտելէ ետք Ընծայարանի բաժինը կուսակրօն եկեղեցական ձեռնադրուած եւ օծուած է 29 Մայիս 1988-ին, ձեռամբ Զարեհ Եպս. Ազնաւորեանի, վերակոչուելով Տ. Մեղրիկ Աբեղայ։

Վարդապետական Գաւազանի իշխանութիւն ստացած է 3 Յուլիս 1994-ին, ձեռամբ Թեհրանի Հայոց Թեմի առաջնորդ Արտակ Արք. Մանուկեանի, աւարտաճառ ներկայացնելով «Թուղթք Տ. Ներսիսի Կաթողիկոսի Հայոց Գրեալք Ի Զանազան Ժամանակս Առ Այլեւայլ Անձինս» աշխարհաբարի թարգմանութիւնն ու քննական ուսումնասիրութիւնը։ Լանջախաչ կրելու իրաւունք ստացած է 3 Յունուար 1996-ին, հրամանաւ Ն.Ս.Օ.Տ.Տ. Արամ Ա. Կաթողիկոսին։ Ծայրագոյն Վարդապետութեան իշխանութիւն ստացած է 26 Մայիս 2002-ին, ձեռամբ Զարեհ Արք. Ազնաւորեանի։

Վանական կեանքէն ներս ստանձնած է հետեւեալ պատասխանատուութիւնները.-

1988-1995 եղած է դպրապետ եւ հսկիչ Դպրեվանքի, միաժամանակ վարելով Կաթողիկոսարանի «Շնորհալի» երգչախումբի ղեկավարութիւնը։ 1995-ին նշանակուած է լուսարարապետ Մայր Տաճարի։ 1999-2002 ստանձնած է Ժըպէյլի «Թռչնոց Բոյն»ի տեսչութիւնը։ Վանական պարտաւորութիւններու կողքին սրբազան հայրը 1996-1997 հետեւած է «Overcome Vio lence»ի ուսումնական ծրագիրին եւ Պօսէի Միջ-եկեղեցական Ինստիտուտ (Bossey Ecumenical Enstitute)։ Սարկաւագութեան օրերուն հետեւած է դաշնակի դասընթացքներու։

1997-1999 մեկնած է Նիւ Եորք եւ հետեւած Mannes College of Music-ի դասընթացքներուն։ 19 Դեկտեմբեր 2002-ին գործուղուած է Թորոնթօ (Գանատա), որպէս հոգեւոր հովիւ Ս. Աստուածածին եկեղեցւոյ։

2010-ին նշանակուած է Օնթարիօ նահանգի հոգեւոր տեսուչ, իսկ 19 Դեկտեմբեր 2013-ին՝ առաջնորդական փոխանորդ Գանատայի Հայոց Թեմին:

27 Ապրիլ 2014-ին Արամ Ա. Կաթողիկոս եպիսկոպոսական ձեռնադրութիւն եւ օծում շնորհած է հայր սուրբին։ Գանատայի Հայոց Թեմի Ազգային Երեսփոխանական Ժողովը իր 2014 Մայիսին Գանատայի Հայոց Թեմի առաջնորդ ընտրած է Մեղրիկ Եպս. Բարիքեանը։ Որպէս առաջնորդ երկու տարի ծառայելէ ետք, 11 Նոյեմբեր 2016-ին սրբազանը անձնական պատճառներով իր հրաժարականը ներկայացուցած է եւ Մայրավանք վերադարձած։

Կաթողիկոսարանէն ներս, Վեհափառ Հայրապետին բարձր տնօրինութեամբ, ստանձնած է Կիլիկիոյ Կաթողիկոսութեան Քրիստոնէական Դաստիարակութեան Բաժանմունքի վարիչի պաշտօնը։2017-ին հիմնած է Կաթողիկոսարանի «Նարեկացի» մանկապատանեկան երգչախումբը։ Երկու տարի կատարելէ ետք իր առաքելութիւնը, 2018-ին մեկնած է Պարսկաստան՝ ստանձնելով Թեհրանի Թեմի առաջնորդական փոխանորդի պատասխանատուութիւնը։ 2019-ին վերադարձած է Մայրավանք եւ ստանձնած է «Թռչնոց Բոյն»ի հոգեւոր տեսուչի պաշտօնը։ 2020-ին Վեհափառ Հայրապետին բարձր տնօրինութեամբ նշանակուած է տեսուչ Դպրեվանքի։

Մեղրիկ սրբազան երաժշտական մարզէն ներս կատարած է բազմաթիւ մշակումներ եւ յօրինումներ։ Խմբագրած է երաժշտական բնոյթ ունեցող հատորներ։

Secure Your Child’s Place at
DREAM BRIDGEMAN ACADEMY

Dream Bridgeman Academy is an international school in Yerevan deploying the Oxford International Curriculum under the supervision and evaluation of Oxford University Press.
It caters for children between the ages of 1.5 yrs to 6 yrs.
Book your tour and secure your place now.
Phone: +374 93 703005
www.bridgeman.am

spot_img
- Գովազդ -spot_img
- Գովազդ -spot_img
- Գովազդ -spot_img

Ara D. Kassabian CPA, based in Glendale, California, provides a full range of tax preparation, accounting and bookkeeping services, either in your facility or at our location. Making it quick and easy to file your taxes.

spot_img

Զօրակցիր Զարթօնք Օրաթերթին

ԼՐԱՀՈՍ

Pyro Drone is the leading source of professional FPV drone racing parts, gear, and accessories. We strive our best to deliver the latest and most reliable FPV gear available on the market. Bringing the highest quality at an affordable price, our flagship Hyperlite line is amongst the most competitive FPV drone racing parts in the industry. For FPV racing frames, motors, batteries, straps, and more - Pyro Drone is truly your one stop shop for all things in drone racing!

spot_img
spot_img