Կիպրոսի նախագահ Նիկոս Անաստասիադեսը ԵՄ-ին խնդրել է կոշտ արձագանքել Թուրքիայի անօրինական գործողություններին Ֆամագուստա քաղաքի (Վարոշա) հանդեպ, տեղեկացնում է In-Cyprus-ը։
Մարիոս Պելեկանոսի կառավարության պաշտոնական ներկայացուցիչը տեղեկացրել է, որ նախագահ Անաստասիադեսն այսօր հեռախոսազրույց է ունեցել Եվրոպական խորհրդի ղեկավար Շառլ Միշելի հետ եւ խնդրել ԵՄ-ին վճռական արձագանքել՝ կանգնեցնելու թուրքական անօրինական գործունեությունը՝ կապված Վարոշայի հետ։
Միշելը հավաստիացրել է Անաստասիադեսին, որ սպասում է այս հարցով ՄԱԿ Անվտանգության խորհրդի որոշմանը եւ նշել, որ ԵՄ-ը կարձագանքի համապատասխան ձեւով։
Անաստասիադեսը Միշելին տեղեկացրել է թուրքական վերջին սադրանքների մասին Թուրքիայի նախագահ Ռեջեփ Թայիփ Էրդողանի՝ Կիպրոսի զավթված շրջաններ կատարած անօրինական այցի ժամանակ։
Հուլիսի 20-ին թուրքական կողմը հայտարարել էր Վարոշայի՝ Թուրքիայի կողմից զավթված Ֆամագուստա քաղաքի պարսպապատված մասի ռազմական կարգավիճակի ժամանակավոր չեղարկման մասին։
