Ֆրանսիական Pleinchamp գյուղատնտեսական լրատվականն իր խմբագրականում անդրադառնում է ռուս-ուկրաինական պատերազմին և դրա ազդեցությանը ապրանքային շուկայի վրա։
Ըստ այդմ, լրատվականը գրում է, որ Եվրոպայում առանց ռուսական ազոտական պարարտանյութերի կարող են նվազել բերքի ծավալները։
Ռուսաստանին և Ուկրաինային միասին բաժին է ընկնում ցորենի համաշխարհային արտահանման 30%-ը։ Արտահանման համար Սև ծովի նավահանգստի բացակայության դեպքում համաշխարհային շուկայում 14 մլն տոննա ցորեն չի լինի մինչև հուլիս ամիս։ Պարենային անվտանգության խնդիրն արդեն արդիական է ներմուծող շատ երկրների համար, որոնք պետք է իրենց կարիքները հոգան՝ դիմելով այլ աղբյուրների։ Թունիսը, Լիբանանը և Աֆրիկյան երկրները մեծապես կախված են ներմուծումից, հատկապես Ուկրաինայից, և մինչև սեզոնի վերջ ունեն քիչ պաշարներ:
Պարբերականի տվյալներով՝ Եվրոպա ներմուծվող ազոտական պարարտանյութերի ընդհանուր ծավալի մոտ 25 տոկոսը է բերվում հենց Ռուսաստանից։ ՌԴ-ն նաև ԵՄ-ին բնական գազի և ամոնիակի գլխավոր մատակարարն է։
Պարարտանյութերի գների բարձրացման հեռանկարը կարող է արդեն իսկ ազդել Ֆրանսիայի 2022 թվականի բերքի վրա:
Ըստ Pleinchamp-ի՝ Եվրոպայում 2022թ. բերքը կկրճատվի։ Ազոտային պարարտանյութերը կթանկանան։ Հացահատիկի դեֆիցիտ է սպասվում Ֆրանսիայում։
Հոդվածն ամբողջությամբ՝ այստեղ
