Սիվիլնեթի գլխավոր խմբագիր Կարեն Հարությունյանն իր ֆեյսբուքյան էջում գրում է․
«Արցախում արդեն մեկ շաբաթից ավելի է՝ գազ չկա։ Էլեկտրականության պարբերական անջատումներ են։ Չգիտենք՝ Հայաստանն ընդհանրապես զբաղվում է այս հարցով, թե Երևանի գործն այնտեղ միայն թոշակ ու աշխատավարձ տալն է արդեն։
Ուկրաինայի ճգնաժամից օգտված՝ Ադրբեջանը ահաբեկում է սահմանամերձ գյուղերի բնակիչներին, ականանետ կիրառում, փորձում մի բան պոկել բզկտված Արցախից։
Լուրեր են շրջանառվում ադրբեջանական հնարավոր սադրանքների մասին Արցախում ու Հայաստանի սահմաններին։ Ուկրաինայի շուրջ զարգացումներն այնպիսի ընթացք են ստացել, որ Հայաստանը հերթական անգամ կարող է մնալ մեն-մենակ իր երկու հարևանների հետ՝ ինչպես մեկ դար առաջ։ ․․․
Երևանում նախագահի ընտրությանը այնպիսի արարողակարգային երանգ են հաղորդել, կարծես Նոր Զելանդիայում լինենք․ մեղմիկ ժպիտներով զբոսանք, հյուրընկալություններ, թեյախմություն, ծաղիկներ և այլն։
Կարծես այն երկրորդ իրականությունը մեզ հետ կապ չունի։ Բնական է՝ Սահմանադրությամբ նախագահի ընտրությունը պետք է կատարվի ինչպես հարկն է։ Բայց մի քիչ զուսպ լինելը այսօրվա բարդագույն իրավիճակում հեչ չէր խանգարի ձեզ։
Չնայած՝ ում ինչ եմ ասում։
Վայելե՛ք․․․ մինչև կբացվի առավոտը»։
