168.am-ի հետ զրույցում Արցախի Հանրապետության Ազգային ժողովի «Արդարություն» խմբակցության պատգամավոր Մետաքսե Հակոբյանն ասաց, որ իրավիճակը լարված է:
«Այս երկու օրվա մեջ պետք է պատրաստ լինեինք. Հուսով եմ, որ մեր իշխանությունները գիտեին, պատրաստ էին… չեմ կարող վստահ ասել, որովհետև եթե մենք հասկացել էինք, իրենք կհասկանային, որովհետև ադրբեջանական լրատվամիջոցների երկու օրվա պաշտոնական հայտարարությունները հենց դրա մասին էին»,- նշեց նա:
Նա ընդգծեց, որ Հայաստանի իշխանությունների կողմից որևէ արձագանք չկա. «Այստեղ խոսակցություններ կան, որ գազի դիմաց են տվել Փառուխը, բայց իրականում այդպես չէ, իրենց նպատակները շատ հեռահար են, այնտեղ մի բարձունք կա, դա է նրանց նպատակը, և սարսափելի բան կլինի, եթե իրենք իրենց նպատակին հասնեն: Շատ ծանր վիճակ է: Բնակիչները նշում էին, որ երկու օրվա ադրբեջանական կողմի լռությունը շատ տարօրինակ էր, այնպիսի զգացողություն էր, որ չկա ադրբեջանցի այդ մասում: Պատրաստվել են և առաջ են եկել, կրակոցներ էլ չեն եղել, ինչպես Շուշին գրավեցին՝ առանց կրակոցի: Իրավիճակն անհասկանալի է»:
Շարունակությունը՝ սկզբնաղբյուր կայքում