Երկուշաբթի, 22 Ապրիլի, 2024
- Գովազդ -spot_img

ԱԺ-ն մայիսի 19-ին արտահերթ նիստ կգումարի. օրակարգում Ապօրինի գույքի բռնագանձման մասին օրենքի փոփոխություններն են

- Գովազդ -spot_img
spot_img

ԽՄԲԱԳՐԻ ԸՆՏՐԱՆԻ

Ազգային ժողովը մայիսի 19-ին արտահերթ նիստ կգումարի: Նախաձեռնողը ՀՀ կառավարությունն է, որի վերաբերյալ կառավարության այսօրվա նիստում ընդունվեց որոշում:

Օրակարգում ընդգրկված են հետեւյալ հարցերը.

1) «Ապօրինի ծագում ունեցող գույքի բռնագանձման մասին» օրենքում փոփոխություններ և լրացումներ կատարելու մասին» ՀՀ օրենքի նախագիծ

2) «Հայաստանի Հանրապետության քրեակատարողական օրենսգիրք» ՀՀ օրենքի նախագիծ

3) «Քրեակատարողական ծառայության մասին» օրենքում փոփոխու¬թյուն¬ներ կատարելու մասին» ՀՀ օրենքի նախագիծ

4) «Թմրամիջոցների և հոգեմետ (հոգեներգործուն) նյութերի մասին» օրենքում լրացում կատարելու մասին» և «Հայաստանի Հանրապետության քրեական օրենսգրքում լրացումներ կատարելու մասին» ՀՀ օրենքների նախագծերի փաթեթ

5) «Ավիացիայի մասին» օրենքում փոփոխություններ և լրացումներ կատարելու մասին»ՀՀ օրենքի նախագիծ:

Կառավարության որոշման հիմնավորման մեջ նշվում է, որ «Ապօրինի ծագում ունեցող գույքի բռնագանձման մասին» օրենքում փոփոխությունների ընդունումը գլխավորապես պայմանավորված է ապօրինի ծագում ունեցող գույքի բռնագանձման վարույթների նախաձեռնման հիմքերի, ուսումնասիրության ժամկետի և գույքի բռնագանձման հնարավորությունների վերանայման անհրաժեշտությամբ։

Օրենքի կիրարկման նախնական փուլում արձանագրվել են որոշ գործնական խնդիրներ, որոնք կարող են խոչընդոտել Օրենքի նպատակների իրացմանը, ուստի, դրանց հաղթահարման նպատակով էլ մշակվել է Նախագիծը։

Նախագծով առաջարկվող փոփոխությունները և լրացումները վերաբերում են Օրենքում առկա «պաշտոնատար անձ» հասկացության շրջանակի ընդլայնմանը, սեփական նախաձեռնությամբ որոշակի խումբ անձանց գույքի վերաբերյալ ուսումնասիրություն նախաձեռնելուն, ուսումնասիրության ժամկետը երկուսից երեք տարի դարձնելուն և այլ հարցերին։

Նախագիծը պարունակում է դրույթներ, որոնց ընդունումը բնույթով անհետաձգելի է։

Այսպես՝ 2020 թվականի հոկտեմբերին իրավասու մարմինը նախաձեռնել է 214 ուսումնասիրություն, որոնց ավարտման ժամանակահատվածը մեծամասամբ պետք է լինի 2022 թվականի հոկտեմբեր ամիսը։

Իրավասու մարմնի շուրջ մեկ ու կես տարվա պրակտիկան վկայում է այն մասին, որ Օրենքով նախատեսված 2 տարվա ժամանակահատվածը, որպես հայցային վաղեմության ժամկետ նախատեսելը, հիմք ընդունելով աշխատանքի բարդությունը, նյութերի մեծածավալությունը և բազմակողմանի ուսումնասիրություն կատարելու անհրաժեշտությունը, ողջամիտ չէ: Առավել ընդունելի է ՀՀ քաղաքացիական օրենսգրքով նախատեսված ընդհանուր հայցային վաղեմության եռամյա ժամկետը։

Նախագծի հրատապ ընդունումն անհրաժեշտ է ուսումնասիրությունները խորությամբ իրականացնելու, դրանց շրջանակներում հավաքված տեղեկությունները մանրամասն վերլուծելու հնարավորություն ստեղծելու համար, ինչը, Օրենքում սահմանված ժամկետի պայմաններում, ներկա պահին իրատեսական չէ:

Նախագծով սահմանված առանցքային փոփոխությունը տարածվում է վերջինիս ուժի մեջ մտնելու պահին չավարտված կամ դրանից հետո նախաձեռնված ուսումնասիրությունների վրա, ինչը կնպաստի ապօրինի ծագում ունեցող գույքի բռնագանձման նպատակով ներկայումս իրականացվող ուսումնասիրությունների արդյունավետության բարձրացմանը։

Ինչ վերաբերում է ՀՀ քրեակատարողական նոր օրենսգրքի նախագծին, ապա վերջինիս ընդունման հրատապությունը պայմանավորված է ՀՀ քրեական և քրեական դատավարության նոր օրենսգրքերի կիրառումն ապահովելու անհրաժեշտությամբ, որոնք ուժի մեջ կմտնեն հուլիսի 1-ից:

Նախագծերի առաջին ընթերցումն առնվազն սույն թվականի մայիսի 24-ին կազմակերպելու դեպքում գրավոր առաջարկների ներկայացման ժամկետը կավարտվի հունիսի 7-ին, ըստ այդմ՝ գլխադասային հանձնաժողովում դրանց քննարկումը կարող է տեղի ունենալ մինչև հունիսի 24-ը ներառյալ, ընդ որում՝ դրանից հետո երկրորդ ընթերցմամբ ընդունվելու դեպքում Նախագծերը կարող են ՀՀ նախագահին ուղարկվել հուլիսի 1-ից հետո, մինչդեռ ՀՀ քրեական և քրեական դատավարության նոր օրենսգրքերի կիրառումն ապահովելու համար անհրաժեշտ է, որպեսզի Նախագծերն արդեն իսկ ուժի մեջ մտնեն հուլիսի 1-ից: Այս համատեքստում Նախագծերի քննարկումը հարկ է կազմակերպել Ազգային ժողովի արտահերթ նիստի շրջանակներում՝ առնվազն սույն թվականի մայիսի 19-ին, որպեսզի ապահովվի դրանց հետագա քննարկման և ընդունման համար անհրաժեշտ ողջամիտ ժամկետը:

Secure Your Child’s Place at
DREAM BRIDGEMAN ACADEMY

Dream Bridgeman Academy is an international school in Yerevan deploying the Oxford International Curriculum under the supervision and evaluation of Oxford University Press.
It caters for children between the ages of 1.5 yrs to 6 yrs.
Book your tour and secure your place now.
Phone: +374 93 703005
www.bridgeman.am

spot_img
- Գովազդ -spot_img
- Գովազդ -spot_img
- Գովազդ -spot_img

Ara D. Kassabian CPA, based in Glendale, California, provides a full range of tax preparation, accounting and bookkeeping services, either in your facility or at our location. Making it quick and easy to file your taxes.

spot_img

Զօրակցիր Զարթօնք Օրաթերթին

ԼՐԱՀՈՍ

Pyro Drone is the leading source of professional FPV drone racing parts, gear, and accessories. We strive our best to deliver the latest and most reliable FPV gear available on the market. Bringing the highest quality at an affordable price, our flagship Hyperlite line is amongst the most competitive FPV drone racing parts in the industry. For FPV racing frames, motors, batteries, straps, and more - Pyro Drone is truly your one stop shop for all things in drone racing!

spot_img
spot_img