Նյու Յորքում ՄԱԿ-ի կենտրոնակայանում պատասխանելով ադրբեջանցի լրագրողների` Հայաստանի և Ադրբեջանի միջև խաղաղության պայմանագրի վերաբերյալ հարցերին, Թուրքիայի արտգործնախարար Մևլութ Չավուշօղլուն ասել է՝ Հայաստանի իշխանությունների վրա երկրի ներսում «արմատականները», իսկ դրսից՝ սփյուռքը ճնշում են գործադրում։
«Մենք շարունակում ենք կոչ անել և խրախուսել Հայաստանին արձագանքել մեր այս այս բարի մտադրություններին։ Մենք տեսնում ենք, որ երկրի ներսում արմատականները իսկ դրսից՝ սփյուռքը ճնշում են գործադրում Հայաստանի իշխանությունների վրա։ Մենք արդեն ասել ենք ոչ միայն (ԱՄՆ պետքարտուղար Էնթոնի) Բլինկենին, այլև մեր մյուս զրուցակիցներին, որ Հայաստանին պետք է ավելի շատ խրախուսել այս ուղղությամբ։ Երեկ (ԱՄՆ պետքարտուղարի հետ) մեր հանդիպման ժամանակ մենք ևս մեկ անգամ հիշեցրինք, որ Թուրքիան և Ադրբեջանը խաղաղություն են ցանկանում և բարի կամք են դրսևորում՝ հանուն տարածաշրջանում կայունության ապահովման», — ասել է Չավուշօղլուն։