Ուրբաթ, 29 Մարտի, 2024
- Գովազդ -spot_img

Ընտրությունների ժամանակ ՀՀ-ն արտահայտեց իր ժողովրդի կամքը՝ շարունակելու ժողովրդավարության ուղին․ ԵՄ դեսպան

- Գովազդ -spot_img
spot_img

ԽՄԲԱԳՐԻ ԸՆՏՐԱՆԻ

«ՀՀ քաղաքացիական հասարակությունը ենթակվում է քննադատությունների, մարդու իրավունքների ակտիվիստները և քաղաքացիական հասարակության կազմակերպությունները, որոնք առաջ են մղում մարդու իրավունքներն ու ժողովրդավարական արժեքները, խաղաղաշինությունը՝ դարձել են հարձակումների, մեղադրանքների ու ատելության խոսքի թիրախ»,- այս մասին այսօր Երևանի «Մարիոթ» հյուրանոցում ընթացող Ժողովրդավարության հայկական ֆորումի շրջանակում ասաց ՀՀ-ում ԵՄ պատվիրակության ղեկավար, դեսպան Անդրեա Վիկտորինը, խոսելով ժողովրդավարությունից ընդհանուր առմամբ, և ներկայացնելով իր տեսակետները Հայաստանում ժողովրդավարության իրավիճակի վերաբերյալ:

Դեսպան Վիկտորինն ասաց, որ ժողովրդավարությունը, օրենքի գերակայությունը և հիմնարար ազատությունները փոխկապակցված են և միմյանց ամրապնդող:

Ըստ նրա, այդ ամենը չի իրագործվում միանգամից: «Մենք չենք ունենում ժողովրդավարություն ու դրանով գոհ լինում, դա ամենօրյա գործընթաց է, և մենք բոլորս պետք է պայքարենք դրա համար, հետևաբար՝ ի՞նչ է ժողովրդավարությունը՝ ժողովրդավարությունն ապահովում է այնպիսի միջավայր, որտեղ բոլորը կարող են օգտվել հավասար իրավունքներից, կարող են ազատորեն արտահայտել իրենց կամքը, իրենց ձայնն ունենալ որոշումների կայացման մեջ և ապահովել, որ որոշում կայացնողները հաշվետու լինեն: Ժողովրդավարություն նշանակում է՝ հասանելիություն ունենալ իշխանությանը և այն իրացնել օրենքի գերակայության սկզբունքին համապատասխան, ունենալ իշխանության ճյուղերի տարանջատում և անկախ դատական համակարգ, ունենալ բազմակարծություն քաղաքական կուսակցություններում և կազմակերպություններում և բազմակարծություն հասարակության մեջ և անկախ ԶԼՄ-ներում: Եվ, ի վերջո, ունենալ ուժեղ, թափանցիկ, հաշվետու պետական ինստիտուտներ:

Սա միանգամից տեղի չի ունենում, մենք դա գիտենք: Այն ենթադրում է տևական ջանք՝ առաջընթաց արձանագրելու համար: Հիմա կան զգալի նոր մարտահրավերներ, որոնք ազդում են ամբողջ աշխարհում ժողովրդավարության վրա: Մենք նկատում ենք, որ ամբողջ աշխարհում աճող ժողովրդավարացման շրջանից հետո շատ ժողովրդավար երկրներ կարծես թե հետընթաց են ապրում»,- նման կարծիք հայտնեց եվրոպացի դիվանագետը:

Նա արձանագրեց, որ Հայաստանը նույնպես բախվել է այնպիսի լուրջ մարտահրավերների, ինչպիսիք են կորոնավիրուսային համավարակը, 44-օրյա պատերազմը և հետպատերազմյան իրավիճակը, վերջերս՝ նաև Ռուսաստանի պատերազմի ազդեցությունն Ուկրաինայում:

«Ես համամիտ եմ, որ չի լինի խաղաղություն և անվտանգություն՝ առանց ժողովրդավարության: Այս մարտահրավերներն ունեն կարևոր սոցիալական, հոգեբանական ու տնտեսական հետևանքներ, և դժվար է դրանք հաղթահարել՝ միևնույն ժամանակ պաշտպանելով մարդու իրավունքների արտահայտումը: Այնուամենայնիվ, ես կարծում եմ, որ մենք կարող ենք ասել՝ Հայաստանին հաջողվել է պահպանել հիմնական ազատությունները, հաշվի առնելով համավարակի ժամանակ խորհրդարանի գործունեությունը, մամուլի բազմակարծությունը և Հայաստանի գլխավոր ձեռքբերումներից մեկը՝ ազատ, մրցակցային, թափանցիկ և լավ կազմակերպված արտահերթ խորհրդարանական ընտրությունները 2021 թվականին, չնայած նախապատրաստական կարճ ժամկետին և համաշխարհային առողջապահական ճգնաժամին:

Ընտրությունների ժամանակ ՀՀ-ն արտահայտեց իր ժողովրդի կամքը՝ շարունակելու ժողովրդավարության ուղին, շարունակելու իր բարեփոխումների ուղին, այս նպատակով Հայաստանին անհրաժեշտ է անկախ, բազմակարծիք վստահելի և պատասխանատու մեդիա ոլորտ, ինչպես վարչապետը նաև ասաց:

Խոսքի ազատության իրավունքի ամրապնդումը անկախ մեդիայի և պատասխանատու լրագրության զարգացումը խաղաղության և ժողովրդավարության կարևոր նախադրյալներն են, որպեսզի ճշգրիտ տեղեկատվություն ստանալու հնարավորություն ունենանք և ազդեցություն չկրենք ապատեղեկատվությունից: ԵՄ-ն պաշտպանում է ԶԼՄ-ների ազատությունն ու բազմակարծությունը՝ որպես ժամանակակից ժողովրդավարության հիմնասյուներ և բաց ու ազատ բանավեճի հնարավորություն ստեղծողներ»,- ասաց ԵՄ պատվիրակության ղեկավար Անդրեա Վիկտորինը:

Նա այն կարծիքին է նաև, որ Հայաստանին անհրաժեշտ է հզոր քաղաքացիական հասարակություն, որը ցանկացած ժողովրդավարական համակարգի առանցքային բաղադրիչն է:

Դեսպան Վիկտորինն ասաց, որ ՀՀ քաղաքացիական հասարակությունը ենթարկվում է քննադատությունների, մարդու իրավունքների ակտիվիստները և քաղաքացիական հասարակության կազմակերպությունները, որոնք առաջ են մղում մարդու իրավունքներն ու ժողովրդավարական արժեքները, խաղաղաշինությունը դարձրել են հարձակումների, մեղադրանքների ու ատելության խոսքի թիրախ:

«Նախորդ շաբաթ ես լսեցի բողոքներ ՀԿ-ներից, որոնք պաշտպանում էին կանանց իրավունքները ու խթանում էին երեխաների իրավունքները և պայքարում էին ընտանեկան բռնության դեմ, LGBT համայնքի աջակցությանն էին ուղղված, նրանք հարձակման էին ենթարկվել, և նույն խմբերը բողոքում են իրենց իրավունքների, իրենց ազատությունների սահմանափակումից: Մարդու իրավունքների համընդհանուր դեկլարացիան ընտրովի չէ, դուք չեք կարող ընտրել այն, ինչ դուք հավանում եք: Այն ասում է, որ դուք պետք է ունենաք բոլոր ազատությունները՝ առանց խտրականության, առանց սահմանափակումների, ինչպիսիք են՝ ռասան, կրոնը, մաշկի գույնը, ազգային կամ սոցիալական պատկանելությունը կամ այլ ստատուսները, հետևաբար՝ մենք բոլորս պետք է աջակցենք մարդու իրավունքների պաշտպաններին, ովքեր ակտիվ են այս երկրում»,- ասաց դեսպանը:

Վիկտորինը նաև նշեց, որ 2020 թվականին ԱԺ-ի կողմից բռնության կոչերը ու բռնության արդարացումը քրեականացնող օրենքի ընդունումը դրական քայլ էր, մյուս կողմից՝ Զրպարտության մասին օրենքի հետ կապված կան որոշակի մտահոգություններ, որ զրպարտությունը կամ վիրավորանքը քրեականացնելը կարող է լուրջ խոչընդոտող ազդեցություն ունենալ խոսքի ազատության իրավունքի վրա:

«Կրկին՝ սա մի գործընթաց է, որը պետք է միասին առաջ մղվի»,- նշեց նա:

Ամփոփելով ելույթը՝ Անդրեա Վիկտորինն ասաց՝ որպեսզի յուրաքանչյուր մարդ կարողանա առանց պատժի ներկայացնել իր տեսակետները, պետք է լինի հանդուրժողականության ոգի ողջ բնակչության շրջանում:

«Սա նշանակում է, որ մենք պետք է լսենք միմյանց, մենք պետք է օգտագործենք փաստարկներ ու ոչ միայն կարգախոսներ և ագրեսիվ լեզու, մենք պետք է ձգտենք փոխհամաձայնության, կոմպրոմիսի և հանրային բանավեճի, հանրային քննարկման և միասին պետք է փնտրենք խաղաղ լուծումներ: Ժողովրդավարությունը շարունակական գործընթաց է, և CEPA-ի համաձայնագրով ԵՄ-ն աջակցում է Հայաստանին ամրապնդելու ժողովրդավարությունը, օրենքի գերակայությունը և մարդու իրավունքները և միասին ստեղծել բարեկեցիկ, անվտանգ խաղաղ միջավայր հայ բոլոր քաղաքացիների համար»,- ասաց Անդրեա Վիկտորինը:

Secure Your Child’s Place at
DREAM BRIDGEMAN ACADEMY

Dream Bridgeman Academy is an international school in Yerevan deploying the Oxford International Curriculum under the supervision and evaluation of Oxford University Press.
It caters for children between the ages of 1.5 yrs to 6 yrs.
Book your tour and secure your place now.
Phone: +374 93 703005
www.bridgeman.am

spot_img
- Գովազդ -spot_img
- Գովազդ -spot_img
- Գովազդ -spot_img

Ara D. Kassabian CPA, based in Glendale, California, provides a full range of tax preparation, accounting and bookkeeping services, either in your facility or at our location. Making it quick and easy to file your taxes.

spot_img

Զօրակցիր Զարթօնք Օրաթերթին

ԼՐԱՀՈՍ

Pyro Drone is the leading source of professional FPV drone racing parts, gear, and accessories. We strive our best to deliver the latest and most reliable FPV gear available on the market. Bringing the highest quality at an affordable price, our flagship Hyperlite line is amongst the most competitive FPV drone racing parts in the industry. For FPV racing frames, motors, batteries, straps, and more - Pyro Drone is truly your one stop shop for all things in drone racing!

spot_img
spot_img