«Վասն Հայրենյաց» ազգային համախմբման շարժումը սկսում է իր գործունեությունը։
Շարժման առաջին գործողությունը լինելու է ՀՀ 9 մարզերի սահմանամերձ համայնքներում/գյուղերում տեսանելի բարձրունքի վրա Հայաստանի Հանրապետության եռագույն դրոշի տեղադրման՝ «Սահմանք Քաջաց Դրոշն Յուրյանց» նախաձեռնությունը։
Առաջին համայնքը, որտեղ կտեղադրվի եռագույնը հայ-թուրքական սահմանի՝ Շիրակի մարզի Անիպեմզա գյուղն է։
Դրոշի տեղադրման արարողությունը տեղի կունենա մարտի 5-ին, ժամը 14։00-ին Անիպեմզա համայնքում։
Արարողությանը ներկա են լինելու Վասն Հայրենյաց Շարժման նախաձեռնող խորհուրդը, համայնքային ներկայացուցիչներ։ Միջոցառումը կուղեկցվի մշակութային համարներով։
Սիրելի գործընկերներ, խնդրում ենք հաստատել ձեր ներկայությունը մինչև մարտի 3-ը ներառյալ։ Տեղափոխումն ապահովում է Շարժումը։
Գործողության նպատակը.
1. Հայաստանի Հանրապետութեան անձեռնմխելի սահմանները խորհրդանշականորեն ուրվագծել իր պետական դրոշով:
2. Ազգային-պետական դրոշի պահպանումն ու դրա հանդեպ հարգանքի ավելի ամրապնդումը հայորդիների մոտ:
3. Հրապարակային միջոցառումների և դրանից բխող մեդիա հաղորդումների միջոցով ՀՀ սահմանամերձ գյուղերի ծանոթացումը լայն հանրությանը։
4. Նպաստել տվյալ գյուղի զարգացմանը։
5. Հայաստանի և Արցախի Հանրապետությունների բնակիչ թէ սփյուռքահայ յուրաքանչյուր հայորդի կամ համայնք մասնակից դարձնել այս գործողությանը, հայ ժողովուրդի զավակներին ազգօգուտ նպատակների և իրար շուրջ համախմբելու միտումով:
Հավելյալ տեղեկությունների համար կարող եք զանգահարել 096 06 41 06 հեռախոսահամարով կամ գրել մեր ֆեյսբուքյան էջին (https://www.facebook.com/vasn.hayrenyats)
Հարգանքով՝
«Վասն Հայրենյաց» ազգային համախմբման շարժման խորհուրդ
ՀՀ դրոշը տեղադրվելու է Արգենտինայից
ՍՈՒՍԱՆՆԱ և ՍԵՐԽԻՈ ՆԱՀԱՊԵՏՅԱՆՆԵՐԻ
հովանավորությամբ
