Ժիրայր Նորայրի Աւետիսեան (նոյեմբերի 21, 1932, Օշական, Արագածոտնի մարզ, Հայաստան — դեկտեմբերի 26, 2001, Երեւան, Հայաստան, հայ բանաստեղծ, արձակագիր, թատերագիր, թարգմանիչ, ԽՍՀՄ գրողների միության անդամ 1962 թուականից։ ԽՄԿԿ անդամ 1957 թուականից:
Ծնուել է Օշական գիւղում։ 1955 թուականին աւարտել է Երեւանի պետական համալսարանի բանասիրական ֆակուլտետը։ 1954-1958 թուականներին աշխատել է Երեւանի Վ. Ի. Լենինի անուան էլեկտարմեքենաշինական գործարանի բազմատպաքանակ թերթի, «Աշտարակ» շրջանային թերթի, «Առողջապահութիւն» ամսագրի եւ «Ավանգարդ» թերթի խմբագրութիւններում, 1958-1963 թուականներին՝ Հայպետհրատում, 1963-1965 թուականներին՝ Արփա-Սեւան կառոյցի, Ջերմուկի շինվարչութիւնում, 1966-1969 թուականներին՝ «Հայֆիլմ» ֆիլմի սթիւտիոյին մէջ, 1972-1975 թուականներին՝ «Հայաստան» հրատարակչութիւնում, 1975 թուականին՝ ՀԳՄ-ում (խորհրդական)։
1975 թուականից զբաղուել է միայն գրական աշխատանքով։ Նրա առաջին բանաստեղծութիւնները լոյս են տեել 1947 թուականին, «Հոկտեմբերիկ» ամսագրում։ Նրա գործերից թարգմանուել եւ առանձին գրքով լոյս են տեսել ռուսերեն եւ լիտվերեն:
Ռատիոյով, հեռուստատեսութեամբ եւ պետական թատրոններում բեմադրուել են նրա «Խաղաղ փողոց» (1962), «Խոտառատի Ծատուրը» (1964), «Ծիածան միշտ լինում է» (1972), «Փորձաշրջան» (1975), «Քո բաժին աշխարհը» (1976), «Ղողանջ փրկութեան» (1978), «Մենք տանտէրեր ենք» (1980) փիեսները, ինքնագործ թատրոններում՝ «Յարմար թեկնածուն», «Պապելի հարցը», «Քննութիւն», «Վատ ազգականը», «Քեռի Յովհաննէսի ճամպրուկները», «Անբուժելին», «Հողի կանչը» փոքր կատակերգութիւնները։ 1983 թուականի փետրուարին Երեւանի հեռուստատեսութեամբ ներկայացուել է Ժ. Աւետիսեանի «Անհնազանդ գիւղակը» փիեսը: