Երեքշաբթի, 7 Դեկտեմբերի, 2021

ՀԵԸ Անդրանիկ Պէյրութի Տղաքը Եւ Աղջիկները Լիբանանի Փինկ Փոնկի 19 Տարեկանէն Երիտասարդներու Ախոյեան

ԽՄԲԱԳՐԻ ԸՆՏՐԱՆԻ

ՀԵԸ Անդրանիկ  Պէյրութի   Ճիւնիորներու  ( 19 տարեկանէն վար) զոյգ կազմերը՝ տղաք եւ աղջիկներ շահեցան Լիբանանի    փինկ փոնկի խմբային ախոյեանութեան տիտղոսները:

 Մրցաշարքերը տեղի ունեցան  Լիբանանի  փինկ փոնկի  ֆետերասիոնին  հովանաւորութեան տակ,  5-7 Օգոստոս 2021-ին,  Մոն Լա Սալի մէջ:

ՏՂԱՔ

 Տղոց   ախոյեանութիւնը  կ’ընդգրկէր   զուտ անհատական   հինգ մրցումներ: Ախոյեանութեան  տիտղոսին   համար պայքարեցան   25 ակումբներ:  ՀԵԸ-ի պատանիները  պարտութեան մատնեցին  իրենց բոլոր մրցակից խումբերը  եւ  շահեցան առաջնութիւնը:

 Ընդհանուր դասաւորում՝

  1. ՀԵԸ Անդրանիկ  Պէյրութ
  2. Քըֆարշիմա
  3. Ղատիր Ճեպշիթ

ՀԵԸ Անդրանիկ  Պէյրութը ներկայացուցին  Սաատ ալ Հապաշը, Մուհամմէտ ալ Հապաշը, Շերպէլ  Էսթեֆանը եւ  էլի  Էսթեֆանը :

 ԱՂՋԻԿՆԵՐ

 Աղջկանց ախոյեանութիւնը կ’ընդգրկէր անհատական եւ  զոյգերու մրցումներ:  Ախոյեանութեան մասնակցեցան  13 ակումբներ: ՀԵԸ Անդրանիկի պատանուհիները պարտութեան մատնեցին իրենց բոլոր  մրցակիցները եւ  շահեցան ախոյեանութեան տիտղոսը:

Ընդհանուր դասաւորում՝

  1.  ՀԵԸ Անդրանիկ Պէյրութ
  2.  Ահլի Սայտա
  3.   Տար էլ Նուր

ՀԵԸ Անդրանիկ Պէյրութը ներկայացուցին  Լեթիսիա Ազարը, Թալիա Ազարը եւ  Ժոյէլ  Քասապը:

Զոյգ  խումբերուն  մարզիչն է  Մալէք ալ  Թաուիլը, իսկ մարզչական-վարչական  հարցերու   ընդհանուր պատասխանատու,  փինկ փոնկի  ֆետերասիոնի անդամ՝ Սահակ Պիտինեանը:

 Ջերմապէս  կը շնորհաւորենք ՀԵԸ Անդրանիկ Պէյրութի  վարչական պատասխանատուները,մարզչական կազմը  եւ մարզիկները այս  փայլուն յաղթանակներուն առիթով:

- Գովազդ -spot_img

ԹՈՂՆԵԼ ՄԵԿՆԱԲԱՆՈՒԹԻՒՆ

Խնդրում ենք այստեղ մուտքագրել Ձեր մեկնաբանութիւնը։
Խնդրում ենք այստեղ մուտքագրել Ձեր անունը։

Զօրակցիր Զարթօնք Օրաթերթին

ԼՐԱՀՈՍ