Երկուշաբթի, 5 Դեկտեմբերի, 2022
- Գովազդ -spot_img

Աւարտուեց Գերագոյն Հոգեւոր Խորհրդի Ժողովը

- Գովազդ -spot_img
spot_img

ԽՄԲԱԳՐԻ ԸՆՏՐԱՆԻ

Մարտի 7-10-ը Մայր Աթոռ Սուրբ Էջմիածնում, Ն.Ս.Օ.Տ.Տ. Գարեգին Երկրորդ Ծայրագոյն Պատրիարք եւ Ամենայն Հայոց Կաթողիկոսի նախագահութեամբ, տեղի ունեցաւ Գերագոյն հոգեւոր խորհրդի ժողովը:

Ամենայն Հայոց Կաթողիկոսի ողջոյնի եւ օրհնութեան խօսքից յետոյ ժողովի նիստերն ատենապետեց Արեւմտեան Եւրոպայի Հայրապետական պատուիրակ Տ. Խաժակ արքեպիսկոպոս Պարսամեանը:

Ժողովին քննարկուեց Մայր Տաճարի հիմնանորոգութեան եւ ամրակայման աշխատանքների ընթացքը: Կատարուած աշխատանքների վերաբերեալ հանգամանալից տեղեկութիւններ փոխանցեց Մայր Աթոռի վանական խորհրդի ատենապետ եւ լուսարարապետ Տ. Մուշեղ եպիսկոպոս Բաբայեանը: Մայր Տաճարի վերանորոգման նպատակով կազմակերպուած հանգանակութիւնների եւ անհրաժեշտ միջոցների հաւաքագրման ընթացքի մասին զեկոյց ներկայացրեց ԱՄՆ Արեւմտեան Հայոց թեմի առաջնորդ եւ հանգանակութեան յանձնախմբի ատենապետ Տ. Յովնան արքեպիսկոպոս Տէրտէրեանը:

ԳՀԽ ողջունեց կատարուած աշխատանքները, կարեւորեց Մայր Տաճարի հիմնանորոգութեանն ուղղուած ջանքերը եւ ներդրումները` յոյս յայտնելով, որ այն առաջիկայում դռները կբացի բարեպաշտ ժողովրդի առջեւ:

Ժողովի ընթացքին զեկոյցով հանդէս եկաւ նաեւ Կ. Պոլսի Հայոց Պատրիարք Ամենապատիւ Տ. Սահակ արքեպիսկոպոս Մաշալեանը, ով ներկայացրեց պատրիարքութեան առկայ կացութիւնը: Ամենապատիւ Սրբազան Հայրը տեղեկութիւններ փոխանցեց պատրիարքութեան հոգեւոր դասի, եկեղեցական կառոյցների, ծխական համայնքների, կրթօջախների գործունէութեան վերաբերեալ:

Ժողովականներին Արցախի սրբավայրերի պահպանութեան ուղղութեամբ Մայր Աթոռի կողմից իրականացուող աշխատանքների եւ առաջիկայ ծրագրերի վերաբերեալ համապարփակ տեղեկութիւններ ներկայացրեց Մայր Աթոռի Արցախի հոգեւոր-մշակութային ժառանգութեան հարցերով գրասենեակի տնօրէն Տ. Գարեգին վարդապետ Համբարձումեանը: Հայր Սուրբն ընդգծեց, որ գրասենեակի գործունէութեան հիմնական նպատակն է յուշարձանների պահպանութեամբ զբաղուող միջազգային կառոյցների, պետական պատկան մարմինների, ինչպէս նաեւ միջեկեղեցական կառոյցների եւ Քոյր Եկեղեցիների ուշադրութիւնը հրաւիրել Արցախի յուշարձաններին սպառնացող վտանգների եւ դրանց պահպանութեանն ուղղուած ծրագրերի անհրաժեշտութեան վրայ: Գրասենեակի գործառոյթն է նաեւ տրամադրել գիտական աղբիւրների վրայ հիմնուած տեղեկատուութիւն` կանխելու Ադրբեջանի կողմից Արցախի պատմական անցեալի եւ Արցախի հայկական հոգեւոր ու պատմամշակութային յուշարձանների պատկանելիութեան վերաբերեալ փաստերի խեղաթիւրումը եւ կեղծ տեղեկատուութեան տարածումը:

Ժողովին Արշակ եպիսկոպոսի կողմից ներկայացուեց նաեւ Հայ Եկեղեցու հոգեւորականաց պատրաստութեան, թեմական եւ ծխական կեանքի կազմակերպման, սոցիալական, կրթադաստիարակչական, քրիստոնէական արժեհամակարգին նետուած մարտահրաւէրների, ֆինանսատնտեսական վիճակի բարելաւման եւ Հայաստան-Սփիւռք կապերի ամրապնդման առաքելութեան ուղենշային փաստաթղթերի վերաբերեալ զեկոյցը:

Կարեւորելով ուղենշային փաստաթղթերի ձեւաւորումը, ԳՀԽ-ն թելադրեց խմբագրական խորհրդին, դրանք կազմող յանձնախմբերի հետ շարունակել փաստաթղթերի լրամշակման աշխատանքները:

Հայ Եկեղեցու Համաշխարհային Երիտասարդական Միաւորման (ՀԵՀԵՄ) հոգեւոր պատասխանատու Տ. Յովնան արքեպիսկոպոս Տէրտէրեանը ներկայացրեց ՀԵՀԵՄ Կեդրոնական գրասենեակի կողմից սոյն թուականի մարտի 1-6-ը կազմակերպուած ՀԵՀԵՄ Եւրոպայի տարածաշրջանային ֆորումի արդիւնքները, որին մասնակցում էին ՀԵՀԵՄ Եւրոպայի տարածաշրջանի Հայրապետական պատուիրակութիւնների, թեմերի եւ հովուութիւնների երիտասարդներ, թեմակալ առաջնորդներ: Սրբազան Հայրը կարեւորեց ՀԵՀԵՄ Կենտրոնական գրասենեակի եւ թեմերի երիտասարդական կառոյցների ջանքերը աշխարհասփիւռ հայ երիտասարդների համախմբման եւ առաջիկայում համահայկական ուխտագնացութեան կազմակերպման ուղղութեամբ:

ԳՀԽ-ի անդամներին Եկեղեցի-պետութիւն յարաբերութիւնների եւ առկայ մարտահրաւէրների վերաբերեալ զեկուցեց Մայր Աթոռ Սուրբ Էջմիածնի դիւանապետ Տ. Արշակ եպիսկոպոս Խաչատրեանը: Արձանագրուեց, որ դեռեւս 2019 թուականին Եկեղեցի–պետութիւն յարաբերութիւնների կանոնակարգման նպատակով ձեւաւորուած յանձնախմբի աշխատանքները տակաւին վերականգնուած չեն եւ այս բնագաւառում լուծման կարօտ են մնացել մի շարք խնդիրներ, մասնաւորաբար կրթական, մշակութային, արարողակարգային, օրէնսդրական, հարկային, մաքսային եւ կարեւորագոյն այլ որոլորտների հետ առընչուած:

ԳՀԽ մտահոգութեամբ անդրադարձ կատարեց ռուս-ուկրաինական հակամարտութեանը եւ Ուկրաինայի հայութեան առջեւ ծառացած մարտահրաւէրներին: Այս առնչութեամբ ժողովականներին զեկոյց ներկայացրեց Մայր Աթոռի Արտաքին յարաբերութիւնների եւ արարողակարգի բաժնի տնօրէն Տ. Նաթան արքեպիսկոպոս Յովհաննիսեանը: Սրբազան հայրն ընդգծեց, որ Վեհափառ Հայրապետն այս օրերին մշտական կապի մէջ է Ուկրաինայի եւ Եւրոպական երկրներում Հայ Եկեղեցու թեմակալ առաջնորդների հետ` տեղեկանալով տիրող իրավիճակին եւ Ուկրաինայի հայ համայնքի ու Եւրոպական տարբեր երկրներում հանգրուանած հայորդիների կարիքներին: ԳՀԽ անդամներն աղօթեցին տարածաշրջանում հակամարտութեան շուտափոյթ աւարտի եւ խաղաղութեան հաստատման համար:

ԳՀԽ ժողովին քննարկուեցին նաեւ Եկեղեցու կանոնական ու հովուական կեանքին, կարգապահական ու իրաւական հարցերին, կրթական ու սոցիալական ծրագրերին եւ Եկեղեցու առաքելութեան արդիւնաւորմանը վերաբերող հարցեր:

Ժողովի վերջում ներկայացուեց Մայր Աթոռ Սուրբ Էջմիածնի 2021 թուականի գործունէութեան տեղեկագիրը: Դրանց շրջանակում արձանագրուեց, որ անցնող տարում իրականացուել են մշակութային, հոգեւոր–քարոզչական, կրթական, սոցիալական ծրագրեր` ՀՀ Զինուած Ուժերում, քրէակատարողական հիմնարկներում, կրթական ու մշակութային հաստատութիւններում եւ համայնքներում:

Քառօրեայ ժողովն ամփոփուեց Ամենայն Հայոց Հայրապետի օրհնութեան եւ գնահատանքի խօսքով:

Secure Your Child’s Place at
DREAM BRIDGEMAN ACADEMY

Dream Bridgeman Academy is an international school in Yerevan deploying the Oxford International Curriculum under the supervision and evaluation of Oxford University Press.
It caters for children between the ages of 1.5 yrs to 6 yrs.
Book your tour and secure your place now.
Phone: +374 93 703005
www.bridgeman.am

spot_img
- Գովազդ -spot_img
- Գովազդ -spot_img
- Գովազդ -spot_img

ԹՈՂՆԵԼ ՄԵԿՆԱԲԱՆՈՒԹԻՒՆ

Խնդրում ենք այստեղ մուտքագրել Ձեր մեկնաբանութիւնը։
Խնդրում ենք այստեղ մուտքագրել Ձեր անունը։

Ara D. Kassabian CPA, based in Glendale, California, provides a full range of tax preparation, accounting and bookkeeping services, either in your facility or at our location. Making it quick and easy to file your taxes.

spot_img

Զօրակցիր Զարթօնք Օրաթերթին

ԼՐԱՀՈՍ

Pyro Drone is the leading source of professional FPV drone racing parts, gear, and accessories. We strive our best to deliver the latest and most reliable FPV gear available on the market. Bringing the highest quality at an affordable price, our flagship Hyperlite line is amongst the most competitive FPV drone racing parts in the industry. For FPV racing frames, motors, batteries, straps, and more - Pyro Drone is truly your one stop shop for all things in drone racing!

spot_img
spot_img