Հինգշաբթի, 8 Դեկտեմբերի, 2022
- Գովազդ -spot_img

Ինչու է Ուկրաինան աշխարհի համար ավելի կարեւոր, քան Սիրիան կամ Եմենը․ «Մեդիամաքս»

- Գովազդ -spot_img
spot_img

ԽՄԲԱԳՐԻ ԸՆՏՐԱՆԻ

Mediamax-ը ներկայացնում է ամերիկացի քաղաքագետ Իեն Բրեմերի հոդվածը:

Իեն Բրեմեր

Աշխարհը ավելի շատ է հոգում այս հակամարտության մասին ոչ թե այն պատճառով, որ զոհերը եվրոպացի են, այլ որովհետեւ խաղադրույքները շատ մեծ են ողջ մարդկության համար:

Ամերիկայում՝ մի երկրում, որը հազվադեպ է մտահոգվում արտասահմանում տեղի ունեցող իրադարձություններով, հարցվածների 84%-ն ասել է, որ ուշադիր հետեւում է Ուկրաինայի պատերազմի մասին լուրերին: Իհարկե, այն շատ ավելի մեծ ուշադրության է արժանանում, քան երբեւէ եղել է Սիրիայի, Աֆղանստանի, Եմենի կամ Պաղեստինի հակամարտությունների դեպքում:

Շատ մեկնաբաններ պնդում են, որ մեզանից շատերը մտածում են միայն սպիտակամորթ եվրոպացիների ծանր վիճակի մասին եւ անտարբեր են զարգացող աշխարհի աղքատ ճակատագրերի հանդեպ: Նրանք պնդում են, որ սա ռասիզմի հերթական դրսեւորում է։

Ես հասկանում եմ այդ տեսակետը։ Բայց այն չափազանց պարզեցված է Ուկրաինայի պարագայում:

Իրականում, այս ճգնաժամն այդքան մեծ ուշադրություն է գրավել ոչ թե այն  պատճառով, որ 2 միլիոն փախստականները, որոնք արդեն հոսել են Եվրոպա,

ճնշող մեծամասնությամբ սպիտակամորթ, քրիստոնյա եւ մշակութային առումով եվրոպացի են: Ուշադրության հիմնական պատճառը ռասիզմը չէ: Դա պայմանավորված է այն ազդեցությամբ, որ այս պատերազմը կարող է ունենալ համաշխարհային բարգավաճման եւ խաղաղության վրա:

Երբ հացահատիկի աշխարհի խոշորագույն արտահանողը հարձակվում է հացահատիկի հինգերորդ խոշորագույն արտահանողի վրա, եւ երբ աշխարհի խոշորագույն գազ արտահանողն ու նավթի երկրորդ խոշոր արտահանողը կտրվում է համաշխարհային առեւտրային եւ ֆինանսական համակարգից, մոլորակի վրա կուտակային ազդեցությունը շատ ավելի մեծ է լինում, քան այն աղքատությունն, զրկանքն եւ մահերը, որոնք ունենում են սիրիացիները, աֆղանացիներն եւ եմենցիները: Դա չի արժեզրկում նրանց տառապանքը, բայց լիովին հասկանալի է դարձնում, որ աշխարհում բոլորն ավելի շատ ուշադրություն կդարձնեն Ուկրաինային, քան իրենց:

Այս պատերազմի ազդեցությունն աշխարհի աղքատ մարդկանց եւ աղքատ երկրների վրա շատ ավելի մեծ կլինի, քան այն հակամարտությունները, որոնք մենք տեսել ենք այդ երկրներից որեւէ մեկում: Ինչպես միշտ, հարուստ մարդիկ եւ հարուստ երկրները լավ կլինեն, իսկ աղքատ մարդիկ եւ աղքատ երկրները՝ոչ: Ուստի Ուկրաինային ավելի շատ ուշադրություն դարձնելն արդարացված է:

Այս պատերազմի մասին մտահոգվելու երկրորդ պատճառն այն է, որ Ռուսաստանը ռազմական գերտերություն է: ԱՄՆ-ի եւ Ռուսաստանի միջեւ միջուկային հակամարտության վտանգը գոյաբանական վտանգ է ներկայացնում աշխարհում ապրող բոլոր մարդկանց համար։ Նույնը չի կարելի ասել որեւէ այլ հակամարտության կամ հումանիտար ճգնաժամի մասին։

Արեւմուտքը միանշանակ պատերազմի մեջ է Ռուսաստանի հետ: ՆԱՏՕ-ի երկրները զորք չեն ուղարկում Ուկրաինա, բայց տրամադրում են միջոցներ եւ զենք՝ ներխուժող ռուսներին ավելի արդյունավետ սպանելու համար: Նրանք կիրառում են ֆինանսական պատժամիջոցներ, որոնց նպատակը ռուսաստանյան տնտեսության ոչնչացումն է։ Նրանք փորձում են տապալել Պուտինի ռեժիմը:

Արեւմտյան երկրները կարող են կարծել, որ սա անուղղակի կռիվ է, բայց Կրեմլն այդպես չի մտածում: Նրանց համար նշածս քայլերը նույնպիսի պատերազմական գործողություններ են Ռուսաստանի դեմ, ինչպիսին կլիներ ոչ թռիչքային գոտու սահմանումը:

Արդյո՞ք ուկրաինացիներն ավելի արժանի են կարեկցանքի, քան սիրիացիները, աֆղանացիները եւ մյուս հակամարտությունների զոհերը: Ոչ: Արդյո՞ք Ուկրաինայի պատերազմն ավելի կարեւոր է աշխարհի համար, քան մյուս հակամարտությունները: Այո:

Secure Your Child’s Place at
DREAM BRIDGEMAN ACADEMY

Dream Bridgeman Academy is an international school in Yerevan deploying the Oxford International Curriculum under the supervision and evaluation of Oxford University Press.
It caters for children between the ages of 1.5 yrs to 6 yrs.
Book your tour and secure your place now.
Phone: +374 93 703005
www.bridgeman.am

spot_img
- Գովազդ -spot_img
- Գովազդ -spot_img
- Գովազդ -spot_img

ԹՈՂՆԵԼ ՄԵԿՆԱԲԱՆՈՒԹԻՒՆ

Խնդրում ենք այստեղ մուտքագրել Ձեր մեկնաբանութիւնը։
Խնդրում ենք այստեղ մուտքագրել Ձեր անունը։

Ara D. Kassabian CPA, based in Glendale, California, provides a full range of tax preparation, accounting and bookkeeping services, either in your facility or at our location. Making it quick and easy to file your taxes.

spot_img

Զօրակցիր Զարթօնք Օրաթերթին

ԼՐԱՀՈՍ

Pyro Drone is the leading source of professional FPV drone racing parts, gear, and accessories. We strive our best to deliver the latest and most reliable FPV gear available on the market. Bringing the highest quality at an affordable price, our flagship Hyperlite line is amongst the most competitive FPV drone racing parts in the industry. For FPV racing frames, motors, batteries, straps, and more - Pyro Drone is truly your one stop shop for all things in drone racing!

spot_img
spot_img