Կովկասյան տարածաշրջանում խաղաղության, կայունության եւ անվտանգության հաստատումը շատ կարեւոր է Իրանի Իսլամական Հանրապետության համար։ Այս մասին հայտարարել է Իրանի նախագահ Էբրահիմ Ռայիսին՝ ելույթ ունենալով Սամարղանդում ՇՀԿ գագաթաժողովի շրջանակում։
«Մենք միշտ ընդգծել ենք տարածքային ամբողջականությունը, ազգային ինքնիշխանությունը հարգելու անհրաժեշտությունը եւ մերժել ենք Հայաստանի եւ Ադրբեջանի միջեւ ճանաչված սահմանների ցանկացած փոփոխություն։ Կողմերը պետք է լուծեն իրենց տարաձայնությունները երկխոսության եւ խաղաղ ճանապարհով՝ միջազգային իրավունքի հիման վրա։ Քանի որ Իրանի Իսլամական Հանրապետությունը պաշտպանում է իր ազգային շահերն ու անվտանգությունը եւ տարածաշրջանը, նա նաեւ հայտարարում է իր պատրաստակամության մասին՝ օգնելու լուծել այս երկու հարեւան երկրների միջեւ տարաձայնությունները»,-ասել է Ռայիսին։
