Մենք բոլորս լավ հասկանում ենք, որ չնայած միջազգային իրավունքը ունի իր դերը խնդիրների կարգավորման հարցում, բայց մեծ հաշվով վերջում, հատկապես, երբ խոսքը գնում է կոնֆլիկտների կարգավորման ու երկրների սուվերենության մասին, հարցը լուծվում է քաղաքական հարթությունում։ Այս մասին «Արցախի Հանրապետության միջազգային ճանաչման հրամայականը» գիտագործնական համաժողովի ժամանակ հայտարարեց ՀՀ նախկին արտգործնախարար Վարդան Օսկանյանը՝ նշելով, որ կանդրադառնա Արցախի անկախության հարցին՝ քաղաքական ասպեկտում։
«Հիմնավոր փաստ կա, որ ՀՀ իշխանությունները արդեն բանավոր, որոշ դեպքերում նաև փաստաթղթային, օրինակ Պրահայի փաստաթուղթը, համաձայնություն են տվել, որ Արցախը մնա Ադրբեջանի կազմում։ Դա արտահայտվում է մեր ու հակառակորդների իշխանությունների, ինչպես նաև միջնորդների հայտարարություններով ու շրջանառվող փաստաթղթերով։ Սա իսկապես վտանգավոր երևույթ է։ Այս ամենը իր ամրագրումն է ստանալու, երբ ստորագրվի այսպես կոչված խաղաղության պայմանագիրը։ Այն ինչ կատարվում է դիվանագիտական հարթությունում, ՀՀ-ն՝ համագործակցությամբ Ադրբեջանի ու միջնորդների, փորձում է Ադրբեջանի տարածքային ամբողջականությունը ճանաչելու ու Արցախը նրա կազմում ներառելու հանգամանքին տալ այնպիսի փաթեթավորում, որը կքողարկի այդ նույն հանգամանքը։ Սա է հիմա գնում դիվանագիտական հարթակում։ Եթե ստացվի իրենց մոտ, դա կներկայացնեն որպես ձեռքբերում»,- ասաց Օսկանյանը։
Նա նշեց, որ այդ փաթեթավորումը ունի երկու դրսևորում և ներկայացրեց դրանք։
«Մեկը լեզվական, բովանդակային դրսևորումն է, մյուսը ոճային ու PR-արային։ Իշխանությունների համար, իհարկե, դժվար կլինի լղոզել, քողարկել Արցախը Ադրբեջանի կազմում թողնելու հանգամանքը։ Քողարկումը հիմնականում վերաբերելու է նրան, որ փաստաթղթում դրույթ է լինելու, որ իբր, հակառակ նրան, որ Հայաստանը ճանաչում է Ադրբեջանի տարածքային ամբողջականությունը ու ընդունում է, որ Արցախը պետք է նրա կազմում լինի, բայց վերջիվերջո երկխոսություն է լինելու Արցախի հայության ներկայացուցիչների ու Բաքվի միջև։ Սա էլ տպավորություն է ստեղծելու, որ հակառակ այդ բոլորին, դեռևս Արցախի ժողովուրդը հնարավորություն ունի ինքնորոշվելու ու իբր այդ պատուհանը բաց է թողնվելու։ Եթե այդ պայմանագիրը ստորագրվի այն բովանդակությամբ, որը ես նկարագրեցի, Արցախը կվերածվի Ջավախքի։ Այսօր ինչպես ունենք ջավախահայություն, ունենալու ենք նաև արցախահայություն։ Մենք հիշում ենք, որ 1990-ականներին Ջավախքում մարդիկ էին ձերաբակալվում, խնդիրներ էին լինում, Վրաստանի իշխանությունները պատվիարկություն էին ուղարկում, հանդիպումներ էին ունենում Ջավախքի համայնքի ներկայացուցիչների հետ։ Նման մի բան լինելու է նաև Արցախում, բայց Արցախի ու Ջավախքի տարբերությունը կայանալու է նրանում, որ մի քանի տարի, գուցե տասնամյակ հետո, Արցախը Ջավախքից վերածվելու է Նախիջևանի»,- ընդգծեց նախկին արտգործնախարար Վարդան Օսկանյանը։
Եթե խաղաղության պայմանագիրը ստորագրվի այս բովանդակությամբ, Արցախը կվերածվի Ջավախքի, գուցե տասնամյակ հետո՝ Նախիջևանի․ Վարդան Օսկանյան
Secure Your Child’s Place at
DREAM BRIDGEMAN ACADEMY
Dream Bridgeman Academy is an international school in Yerevan deploying the Oxford International Curriculum under the supervision and evaluation of Oxford University Press.
It caters for children between the ages of 1.5 yrs to 6 yrs.
Book your tour and secure your place now.
Phone: +374 93 703005
www.bridgeman.am
Ara D. Kassabian CPA, based in Glendale, California, provides a full range of tax preparation, accounting and bookkeeping services, either in your facility or at our location. Making it quick and easy to file your taxes.
Զօրակցիր Զարթօնք Օրաթերթին
ԼՐԱՀՈՍ
Pyro Drone is the leading source of professional FPV drone racing parts, gear, and accessories. We strive our best to deliver the latest and most reliable FPV gear available on the market. Bringing the highest quality at an affordable price, our flagship Hyperlite line is amongst the most competitive FPV drone racing parts in the industry. For FPV racing frames, motors, batteries, straps, and more - Pyro Drone is truly your one stop shop for all things in drone racing!
